адвокат – Вистина.мк

Овој пејач победи во „Ѕвездите на Гранд“ ама никогаш не стана позната естрадна ѕвезда, туку адвокат кој денес на суд ги застапува колегите

Антонио Димитриевски — Mon, 26 Feb 2024 12:46:10 +0000

Пејачот Стефан Петрушиќ се натпреваруваше во „Ѕвездите на Гранд“ во 2011 година и беше победник во таа сезона. Иако многумина му предвидуваа успешна музичка кариера, Петрушиќ никогаш не стана позната естрадна ѕвезда. Тој градеше музичка кариера и истовремено студираше, па откако Стефан дипломира на Правниот факултет, заврши правосуден испит и денес работи како адвокат. Но, тој никогаш целосно не се откажа од музиката, иако во последно време воопшто не се појавува во јавноста, а еднаш јавно проговори за тоа. „Новинарите често прават грешка што престанав да се занимавам со музика и се посветив на правото. Ова не е вистина. Вложив многу време и себе си во двете работи за да се откажам на крајот. Сакам да ги работам двете работи“ - изјави еднаш Стефан во емисијата „Гранд њуз“ и додаде дека кога треба и на суд ги застапува колегите. „Веќе застапував многу колеги. Им кажав дека мојот број секогаш им е достапен, секогаш кога имаат проблем“ – заклучи тогаш тој. Во мај 2021 година тој се ожени со убавата русокоса Марија. Потоа на својот Инстаграм сподели неколку видеа од венчавката. Невестата блескаше во венчаницата, додека младоженецот за оваа пригода избра одело. Неколку месеци подоцна, во септември истата година, Стефан стана татко, откако со сопругата добија син. Фото: Инстаграм/stefan_petrusic

Северина одбива да го предаде детето на таткото, а со тоа следува радикална мерка

Слободанка Илиева — Wed, 07 Feb 2024 09:29:23 +0000

Изминативе денови многу се зборуваше и пишуваше за одземањето на старателството над синот на пејачката Северина Вучковиќ од неговиот татко Милан Поповиќ. Целиот регион се крена на нозе поради ваквиот исход на судскиот процес. Додека едни од срце ја бранат Северина, други се сомнителни бидејќи и таа и Милан, како што пренесуваат медиумите, имаат своја верзија на приказната. На крајот судот пресече и целосното старателство му доделил на таткото, но според медиумите Северина ја игнорирала оваа одлука и одбива да му го предаде детето на Милан. Адвокатот Александар Радивојевиќ за ТВ Пинк изјави дека пејачката со оваа постапка директно го прекршила законот. -Адвокатот на таткото кој всушност доби старателство, а не го доби детето за да се грижи за него, мора да ја започне извршната постапка. Болно е, се разбира, трауматично за децата, но тоа е нешто што треба да го направи со помош на полицијата, извршители и слично, вели адвокатот. Тој открива како одземањето на детето, како една од најрадикалните мерки, се спроведува во пракса. -Тоа значи дека треба да најде каде е детето, да му биде предадено на згрижување и воспитување, а потоа мајката контактира со детето како што е договорено, дали секој втор викенд или и во среда… Единствено решение е присилното извршување на судската одлука, рече адвокатот. фото:Instagram printscreen/ severina

Карлеуша откри како комуницира со Душко: „Тој не коментира ништо, се’ оди преку адвокат“

Слободанка Илиева — Fri, 22 Dec 2023 12:42:35 +0000

Јелена Карлеуша го најави спектаклот што ќе го приреди пред публиката во најпрестижниот хотел во Белград на 1 јануари, а потоа пред медиумите проговори за актуелни прашања. Јелена неодамна ја имаше најискрената исповед до сега, во која откри бројни детали од својот живот, а сега откри и како луѓето околу неа реагирале на тоа.

View this post on Instagram

A post shared by Dusko Tosic (@duskotosic)

- Бојан не зборуваше по подкастот. Душко нема коментар во куќата. Чекам некоја тужба, можеби ќе проговори неговиот адвокат, тој тоа го сака. Реакциите беа многу позитивни. Не знам што ми се случи, веројатно поради затворениот простор од мене излезе се што се насобра со годините. Мислам дека беше потребно во еден момент. Доживеав голем стрес,. Не сум сигурна што ги поттикна луѓето толку многу и што толку многу им се допадна. Многумина плачеа и велат дека го смениле мислењето за мене – истакна таа, а потоа продолжи:

View this post on Instagram

A post shared by Jelena Karleuša (@karleusastar)

- Ме гледаа како силна, агресивна жена. Сега видоа дека имам мека страна. Не сум го гледала подкастот и нема да го гледам бидејќи би се вратила во стресниот период од мојот живот. Да потсетиме, ЈК си ја разголи душата и со тешко срце призна дека знае дека Душко не ја сака, но дека сепак го сака со сето свое срце и дека дури и ќе го даде животот за него. фото: Instagram printscreen/ karleusastar

Сања Ѓорѓевиќ се гордее со својата ќерка, а сите се прашуваат како изгледа и што прави (фото)

Слаѓана Атанасова — Mon, 27 Nov 2023 07:44:02 +0000

Фолк пејачката Сања Ѓорѓевиќ може да се пофали со својата ќерка Ивана која не се појавува во јавноста бидејќи воопшто не ја интересира естрадата. Наследничката на Сања основните студии по право ги заврши во Србија, по што замина на магистерски студии по спортско право во Швајцарија.

View this post on Instagram

A post shared by Sanja Djordjevic (@sanjadjordjevicofficial)

- Како што знаете, по студиите по право во Швајцарија, Ивана полагаше диференцијален испит за да може таму да биде адвокат. Магистрираше и по спортско право во Цирих. Мислев дека ќе се држи до тоа, но нејзината желба беше да го положи и правосудниот испит. Навистина не знам од каде нејзината сила, но горда сум на се што направила. Мораше да научи 7.000 страници, полагаше осум испити и немаше право да падне на ниту еден, бидејќи во спротивно ќе мораше да го направи тоа од почеток - рекла еднаш Сања. Фото: Принтскрин/Instagram/sanjadjordjevicofficial

Победи во „Ѕвездите на Гранд“, се ожени, па стана адвокат, а денес ги застапува и колегите пејачи на суд (фото)

Слободанка Илиева — Fri, 31 Mar 2023 09:08:38 +0000

Пејачот Стефан Петрушиќ победи на натпреварот „Ѕвезде Гранда“ во 2011 година, но денес ретко го гледаме во медиумите, а во септември минатата година стана татко. Имено, тој одлучил првенствено да инвестира во своето образование, па покрај музичката кариера изградил и адвокатска. Стефан завршил Правен факултет и денес работи како правник, но не се откажува од музиката.

View this post on Instagram

A post shared by Stefan Petrusic Official 🎤 (@stefan_petrusic)

-Новинарите често прават грешка дека престанав да се занимавам со музика и се посветив на правото. Ова не е вистина. Вложив многу време и себе си во двете работи за да не се откажам на крајот. Сакам да ги работам двете работи - изјавил Стефан во една прилика во емисијата „Гранд њуз“ и додал дека е попродуктивен кога има повеќе обврски и дека не знае да функционира поинаку. Тој призна и дека им пружил правна помош на колегите. - Веќе застапував многу колеги. Им кажав дека мојот број е секогаш достапен, секогаш кога имаат проблем,изјавил тој. фото:Принтскрин Инстаграм/јутјуб

Адвокатот на Тошиќ проговори дали Душко и Јелена решиле да му дадат шанса на бракот

Слободанка Илиева — Thu, 18 Aug 2022 09:54:25 +0000

Откако Јелена Карлеуша и Душко Тошиќ објавија дека ставиле крај на бракот, медиумите не престануваат да шпекулираат за причините за разводот, а се шпекулира и за помирување. По тој повод, екипата на „Курир.рс“ реши да стави крај на шпекулациите и стапи во контакт со адвокатот на Душко, Никола Премовиќ. Адвокатот рече дека фудбалерот ги негира наводите дека повторно е со пејачката и дека преговорите за спогодбен развод се уште траат.

View this post on Instagram

A post shared by Dusko Tosic (@duskotosic)

- Душко и Јелена Карлеуша се во преговори за спогодбен развод. Јас сум во контакт со Јелена и нејзините адвокати и се надеваме дека наскоро ќе се постигне мирно решение, пред се имајќи ги предвид интересите на нивните малолетни ќерки. Во име на мојот клиент ги демантирам сите други медиумски наводи поврзани со таа тема како невистинити - изјави Премовиќ. Да потсетиме, медиумите објавија дека Јелена и Душко решиле да му дадат уште една шанса на бракот, а за сето тоа е виновна сестрата на Душко, Катарина. Таа цело време била во контакт со Јелена и често воделе долги разговори за се’. Сестрата на Тошиќ е многу блиска со својот брат и со својата снаа, па сфатила дека и двајцата биле пребрзани со одлуката за развод, поради што направила ситуација Душко и Јелена повторно да разговараат за се’. фото:Инстаграм/Душко Тошиќ

Николина Пишек поднесе тужба против Миша Гроф! Нејзиниот адвокат излезе со нови тврдења (фото)

Слаѓана Атанасова — Mon, 11 Jul 2022 08:57:33 +0000

Адвокатот тврди дека имотот на покојниот Видоје Ристовиќ нема врска со имотот на неговиот татко Миша Гроф. Николина Пишек и Миша Гроф влегоа во голем конфликт за имот по ненадејната смрт на историчарот на уметност Видоје Ристовиќ, со кој водителката беше во брак. Тие јавно упатија многубројни меѓусебни обвинувања, а адвокатката на Николина за хрватските медиуми потврди дека против Виктор Ристовиќ, попознат како Миша Гроф, е покрената кривична постапка за семејно насилство. Тој откри и дека во Србија е покренат оставински спор во врска со имотот со кој, како што наведува, Миша Гроф нема никаква врска. „Против Видоје Ристовиќ е покрената оставинска постапка, со оглед на тоа што таму се наоѓа неговиот имот. Овој имот нема никаква врска со имотот на неговиот татко. Не само што сега сум адвокат на Николина Ристовиќ, туку и со покојниот Видој соработував во изминатата година и имам информации за неговите деловни активности, кои немаат врска со семејниот имот. Имаме информации кај кого и каде е тој имот“, изјави тој за РТЛ. Фото:Принтскрин/Ата Имаџес/Антонио Ахел/Ненад Костиќ

По драмата во домот на Карлеуша, се огласи и адвокатот на Душко Тошиќ: „Оставете ги да живеат на раат“

Христина Ѓоргиевска — Tue, 11 Jan 2022 09:28:41 +0000

Небојша Перовиќ, адвокатот на Душка Тошиќ, нагласи дека поранешниот фудбалер негирал дека ја удрил сопругата Јелена Карлеуша и апелираше до медиумите семејството да се остави на мира Карлеуша-Тошиќ. - Господинот Тошиќ беше сослушан и испрашуван. Тој негираше дека го сторил делото. Сите натписи што беа во медиумите, каде што се зборуваше за се и сешто, мене ми личат најмногу на едно претерување. На тоа треба да му дојде крајот и да се остави на мира семејството да живее во љубов, мир и кавга како што живеат сите други семејства. Свесни сме дека тие се исклучително популарен пар бидејќи оваа сцена не е нешто големо, но избувна во јавноста - изјави адвокатот за Курир. За потсетување,, Јелена на Божиќ го пријавила сопругот во полиција за семејно насилство, откако и удрил шамар во нивниот дом на Дедиње. Јелена одби да поднесе пријава, како и да прифати соодветна медицинска помош, но без оглед на тоа обвинителството одлучи да го сослуша Душко Тошиќ поради проценката на ризикот. После тоа, му беше изречена забрана за приближување и контакт со Карлеуша во траење од 48 часа, па истата беше продолжена на 30 дена. По тој повод, се огласи и Тошиќ кој истакна дека во јавноста е претставен во лошо светло и дека никогаш не бил насилник туку се трудел да биде џентламен. [embed]https://arhiva.vistina.com.mk/dushko-toshikj-se-oglasi-po-napisite-deka-fizichki-ja-napadnal-jelena-karleusha-foto/[/embed] фото: инстаграм/карлеушастар/курир.рс

На сопругот на атрактивната пејачка Аделина Тахири му љубомореше целата плажа: „Ѓаволица со ангелски лик“, во скутот на адвокатот (ФОТО)

Антонио Димитриевски — Thu, 08 Jul 2021 08:14:26 +0000

Пејачката Аделина Тахири Марков и нејзиниот сопруг, познатиот скопски адвокат Серијожа Марков одмораат на грчкото крајбрежје. Дестинација - познатото летувалиште Аспровалта и еден од најмонденските хотелски ресорти, каде во волшебствата на летото брачната двојка уживаше како да се момче и девојка. Расната Албанка на плажата го распосла сиот свој телесен раскош, сместен во модерно-дизајнираните, скапо - брендирани костими за капење и пропратни аксесоари, додека таа и нејзниот сопруг „уживаа за сите пари“ на жешкиот песок покрај морската Егејска шир. Палми, море, сонце, плажа... и меѓу сета таа убавина и милина - Аделина, која со своите раскошни, бујни атрибути мамеше воздишки и и' го одземаше здивот на сета околина, особено на оние од посилнатаполовина, кои најмногу му беа љубоморни на човекот покрај неа. Всушност, на сопругот на атрактивната пејачка му љубомореше целата плажа. Особено кога русокосата „ѓаволица со ангелски лик во леопардски костим“, му седна во скутот на адвокатот! Фото: Инстаграм принтскрин/adelina_tahiri1

Перо vs Петре: Перо – „Камиказа“ размислува да се кандидира за скопски градоначалник, а Шилегов уште сега му ги „краде“ идеите? (ФОТО)

Антонио Димитриевски — Fri, 19 Mar 2021 08:48:34 +0000

Чудна професија е тоа политиката... Или подобро речено, бизнис. Порано се велеше: „Нема бизнис како шоубизнис“, ама денес откако со коронапандемијата шоубизнисот го прогласија речиси за „умрено“, политиката царува... Впрочем, царувала отсекогаш, особено кај нас, каде од прв ден е бизнис број еден, што се гледа кај голем број политичири, кој во неа влегоа како „голтари“, а од неа излегоа како милионери! Дали можеби некои од наведените причини или познавајќи го, од чист каприц и инает што горенаведеното е токму така, па сака да покаже дека може и поинаку, една позната скопска фаца или поточно, познат македонски лик кој шоубизнисот го има во малиот џеб, а јавноста многу повеќе го знае токму од полето на културата и уметноста, актерот и музичар, Петар Георгиевски - „Камиказа“ најави дека размислува да влезе во политиката. Не дека и пред него немало такви обиди: Велибор Џаровски - Џаро, Игор Џамбазов, Јове Кекеновски, покојниот фолкер Војо Стојаноски, трагично загинатиот рокер Горан Николовски кој беше градоначалник на град Скопје... Позиција која ја пикира и на која токму познатиот лидер на групата „Меморија“ и сопственик на ивент фирмата „КЛС“ - Перо - „Камиказа“, размислува да се кандидира на престојните локални избори. Деновиве низ скопските кулоари, чаршијата, а и по социјалните мрежи тргна интересна приказна... Дека „Камиказа“ кој ионака е „долг на јазик“ кажувајќи им ја на некои луѓе својата размисла за градоначалничка кандиидатура и идеите кои ги има да ги вментне како проекти во својата програма, преку ноќ стигнале на маса во кабинетот на Петре Шилегов. На актуелниот скопски градоначалник кој има намера да бара и втор мандат од граѓаните му се виделе интересни, па Шилегов уште сега „си се послужил и присвоил“ со некои од наводните идеи на Перо - „Камиказа“. Така, Петар Георгиевски кој меѓудругото последниве години е и успешен маратонец трчајќи ги некои од најпознатите светски маратони во големите градови ширум Европа и светот, предлагал дека би било добра идеја рекреативната стаза покрај кејот на Вардар да се спои по целата нејзина должина без прекини, па македонската престолнина од крај до крај од влез на Скопје до самиот излез, да биде поврзана. И за рекреативно трчање и пешачење, натпревари, велосипедисти, ролање... И види чудо, не минало долго време , а граданочалникот Шилегов тргнал идејата да ја реализира! Наводно, истото важело и за идејата за најавениот трамвај на гуми, трамвај кој наместо по шини се движи по белите линии на патот, кои контролираат стотина сензори. Трамвајот користи гуми и возењето е како со автобус. Долг е 32 метри и висок 3.4 метри. Може да прими 307 патници и се движи со 70 километри на час. Литијум-титаниумските батерии овозможуваат возење долго 25 километри по само 10 минути полнење. Ем ефикасно и брзо, ем чисто и еколошки... А идејата на Перо - „Камиказа“ била неговата линија да води токму покрај стазата по кејот на Вардар, каде би се движел без пречки и не би го забавувал движењето на другите возила во сообраќајот, а би го поврзувал градот од еден до друг крај! Дури и идејата со таканареченото помагање на музичарите со купување на нивни изданија која Шилегов заедно со Радмила Шеќеринска деновиве ја промовираше, Петар Георгиевски - „Камиказа“ тврди дека е инспирирана од него и и неговата објава на социјалните мрежи за изданијата на македонски музички и естрадни уметници и групи кои Музичко-касетната продукција ги издаде во времето на неговото работење на една од раководните функции таму. А сепак не се работи за мала бројка, зашто во прашање се стотина изданија во вид на носачи на звук и слика. Очекувајќи и последното концертно видеоиздание на „Меморија“ од концертот во „Метрополис арена“ да го вклучат, како што „Камиказа“ вели, во „нивната поддршка“, тој ги прозва Шеќеринска и особено Шилегов во својот Фејсбук статус! Дали Петар Георгиевски - „Камиказа“ навистина ќе се реши за градоначалничка кандидатура на Скопје на престојните локални избори, која партија ќе стои зад него или ќе оди како независен „соло“ играч, или ова е само уште една „Донкихотовска борба со ветерници“- те на власта на „вечниот опозиционер“ во стилот: “Сам против сите“, ќе видиме наскоро. Зависи од тоа дали актерот и рокер има навистина серизони намери да вплови во политиката или... „маратонецот (само вербално) го трча почесниот (предизборен) круг“? „Камиказа“ ако е во нешто вешт, тоа е умешното менаџирање на „кревање прашина“, а Петре Шилегов засега молчи. И за наводно „присвоените туѓи идеи“ и за сопствените проекти кои одат во пакет со новата градиначалничка кандидатурата. Адвокатот против актерот, политичарот контра рокерот... Се случи ли тоа, ако не друго, ќе биде барем ... „весело“! Фото: Фејсбук принтскрин/Petar Georgievski - Kamikaza/Петре Шилегов