абба – Вистина.мк

Победата на Лорин и Шведска можно е повторно да ја обедината групата АББА (фото)

Слаѓана Атанасова — Mon, 15 May 2023 11:32:22 +0000

Шведската супергрупа АББА би можела да се реформира за Евровизија следната година, што се совпаѓа со 50-годишнината од победата на легендарниот бенд на натпреварот со нивниот хит „Ватерло“. Изборот за песна на Евровизија 2024 година ќе се одржи во Шведска, откако Лорин во недалата во Ливерпул, влезе во историјата со тоа што стана првата жена што двапати победила на Евровизија. „По победата на Шведска, луѓето се обложуваат на повторно обединување на АББА. Тие победија на Евровизија во Брајтон во април 1974 година, а следната година ќе биде 50-годишнината од тоа. Дури и ако нивните ѕвезди од АББА направат холограмско шоу, фановите се очајни за тоа“, изјави извор за магазинот The Sun. Бендот, составен од Агнет Фалцки, Бјорн Улвеус, Бени Андерсон и Ани-Фрид Лингстад, беше активен 10 години, издаде голем број хитови и престана да функционира во осумдесеттите. Четворката се реформираше во 2020 година и го објавија својот нов албум „Voyage“, а ги снимија и своите аватари за истоимената емисија, пишува Дејли Мејл. Инаку, дел од гледачите се убедени дека победата на Лорин и Шведска е само најава за големиот настап на АББА. Дали ќе дојде до тоа, времето ќе покаже. Фото: Принтскрин/Танјуг/АП/Алберто Пецали

Здравко Чолиќ по долги години призна дека имал блиц романса со оваа светски позната пејачка: Чола бил кај Фрида од АББА на тродневен интимен викенд!?

Антонио Димитриевски — Fri, 17 Sep 2021 09:46:23 +0000

Здравко Чолиќ важи за една од најголемите балкански sвезди, но и пејач кој со својата појава и харизма ги полуде жените ширум светот. Пејачот е во хармоничен брак повеќе од 20 години и има две големи ќерки. Меѓутоа, во 1997 година, Чолиќ ги шокираше сите со тоа што призна дека бил заведен од Анифрид Фрида Лингштад, една од пејачките на мегапопуларната група „АББА“ и во таа прилика ги раскажал сите детали од нивната блиц врска. Се' се случило кога Чолиќ ја претставувал Југославија на Евровизија во 1973 година со песната „Гори ватра“, а Фрида истата година ќе му биде придружен вокал на на тогашниот шведски претставник. АББА се случува потоа. Тогаш дошло до споменатата средба што потоа прераснала во љубовно-еротска романса, поради што Чола за малку ќе задоцнел на евровизискиот настап. „Се сретнав со Фрида од АББА на Евровизија. Потоа добив покана за викенд. Изгледаше ветувачки, но по тие три дена идила се почувствував искористен како инстант супа. Ќе ја зготвиш за пет минути, ќе изедеш додека е жешка и тоа е тоа. А имаше се' што треба: Брвнара, камин на дрва, свеќи и цвеќиња, карирани завеси и чаршафи, печената риба во фолија со бадеми и етерични масла ... Но, онаа вистинската, единствена, луда страст што се случува помеѓу маж и жена, изостана. Немаше спонтаност, така што се изгледаше како да закажете договорен тренинг за двајца во теретана“ - раскажа своевремено Чола. Фото: Инстаграм принтскрин/abba/zdravkocolicofficial/Profimedia

АББА по речиси четири децении се вратија на сцена: Слушнете како звучат новите песни (ВИДЕО)

Антонио Димитриевски — Fri, 03 Sep 2021 12:24:01 +0000

Иако се заколнаа дека никогаш нема повторно да се соберат, речиси четири децении подоцна од разидувањето, легендарната шведска група ABBA го најави своето „сензационално“ музичко враќање. Славниот бенд составен од две поранешни брачни двојки продаде повеќе од 400 милиони примероци од албумите и влијаеше врз генерации поп-музичари. По победата на Евровизија во 1974 година со нумерата „Waterloo“, станаа глобнални суперѕвезди благодарејќи на бројните хитови во седумдесеттите и рените осумдесеттите години од минатиот век. Од разидувањето во 1982 година, упорно ги одбиваа сите понуди повтоно да се состанат. Но се очекува во четвртокот да ги израдуваат обожавателите со вести за нивна нова соработка. Сега седумдесетгодишите автори на поп-класиците како „Dancing Queen“, „The Winner Takes It All“ и „Take a Chance on Me“, вчера, 02-ри септември 2021 најавија „историска“ објава во 18.45 часот по средноевропско време. https://www.youtube.com/watch?v=hWGWFa3jznI&t=120s „Ви благодариме што чекавте, патувањето наскоро почнува“, објави минатата седмица на Twitter славната четворка: 75-годишната Ани-Фрид Лингстад, Агнета Фалтског (71), Бјорн Улваеус (76) и Бени Андерсон на 74 години. Британскиот таблоид “The Sun” пишува дека бендот снимил осум нови песни. Новиот албум со 10 песни официјално ќе излезе на 5 ноември. Шведскиот бенд беше активен од 1972 до 1982 година. Покрај Улвеус и Андерсон, групата ја сочинуваа и Ани-Фрид Лингштад (75) и Агнета Фалтског (71). Поп групата, исто така, најави турнеја, но виртуелна со холограми на членовите. Бјорн и Бени открија дека концертот ќе трае околу час и половина и ќе бидат изведени 22 песни. https://www.youtube.com/watch?v=pAzEY1MfXrQ&t=306s

АББА се враќаат, најавија изненадување за втори септември

Валентина Стојановска — Fri, 27 Aug 2021 09:10:32 +0000

Поп групата АББА најави големо враќање по 39 години, а за 2 септември и први важни новости за вљубениците во хитовите “Mamma mia”, “Dancing queen” “Fernando”, “The Winner takes it all”. Шведскиот бенд отвори нова веб страница „ABBA Voyage“ барајќи од обожавателите да го искажат својот интерес за новиот проект со напомена дека ќе добијат известување за се што следува. Се очекува тоа да биде долга „холограмска турнеја“ која АББА првично ја најави во 2016 година. Бендот снимил пет нови песни чие објавување е одложено поради коронавирус пандемијата, но блиски луѓе до нив добиле ветување дека тоа ќе биде направено за време на 2021 година. -Веќе не станува збор дали тоа ќе се случи, ќе се случи, изјавил претходно членот на групата Бјорн Улвеус додавајќи дека меѓу нив се уште постои силна врска поради која ќе звучат како „АББА која сите ја сакаа и познаваа“. Од новите пет песни, потврдени се две “I Still Have Faith In You” и “Don’t Shut Me Down”. -Една од нив е поп мелодија со која лесно се игра, додека другата е вонвременска повеќе за размислување, изјави Бјорн во 2018 година. Од 1983 година и распадот на групата, обожавателите ширум светот сонуваат за повторно собирање, нови песни и концерти. За нивната популарност, но и за желбата на обожавателите говори и фактот дека пред 45 години во Велика Британија 3,5 милиони луѓе се пријавија за влезници за нивниот концерт, а достапни беа нешто повеќе од 11.000 билети. Популарниот бенд, како што вели Улвеус нема желба да оди на настапи, бидејќи сите веќе се во осмата деценија од животот. Последниот албум групата го објави во 1981 година. Глобално познати станаа по победата на Евровизија во 1974 година со песната „Waterloo“. АББА е една од најуспешните групи на сите времиња и прва група вон англиското говорно подрачје која ги покори Велика Британија, Ирска, Канада, Австралија, Нов Зеланд, Јужна Африка и САД. Составот сочинет од два брачни пара Агнета Фалцког и Бјорн Улвеус и Ани-Фрид Лингштад и Бени Андерсон името го доби по нивните иницијали.