„99 megastars“ – Вистина.мк

„99 Мегастарс“ ја стартуваше македонската временска музичка машина и не врати во 90-ите: Забава до бесвест, освежени спомени и вредни награди (ФОТО)

Антонио Димитриевски — Fri, 01 Dec 2023 09:51:44 +0000

Последниот ден од месец ноември беше таканаречениот мегаден кога Државната лотарија на Македонија преку проектот „99 Мегастарс“ ја стартуваше македонската временска музичка машина и не врати во времето на 90-ите. Некогашните меѓу кои дел од нив и сегашни и се' уште актуелни и популарни македонски поп - рок, рап и ар ен би ѕвезди на големата сцена во салата „Јане Сандански“ ни ги освежија спомените со своите најпознати хитови од времето на првите години на слободна, независна и суверена Македонија. Повеќе од 25 изведувачи и групи ги пееја своите незаборавни хитови кои ја обележаа нивната кариера во 90-ите, споделувајќи незаборавни моменти со публиката во салата, која пееше танцуваше и се забавуваше во еден глас со нив. И оние кои растеа и најубавите тинејџерски години ги минуваа со овие песни и нивните наследници, оние помладите од новите поколенија, кои само ги слушнале на радио, виделе на ТВ и едвај нешто малку знаат за музиката и музичките херои од времето на нивните родители. За жал и покрај целата кампања, салата не беше полна до крај или не барем онолку, колку што македонските музички артисти и нивната музика заслужуваат, што само дополнителнно ја покажува комплетната апатија кон сопственото богатство, музички наследство, непочитување на своите вредности... Одраз на комплетно погрешната политика сиве овие години и на државата и на оние кои ја воделе во поглед на културата, естрадата, забавата, украдениот медиумски „прајм тајм“ простор за „духовна убавина“ од страна на политиката и политичарите во спрега со медиумските олигарси, наметнатиот поданички дух дека туѓото е подобро и поубаво, комшиското е поквалитетно и позабавно... од сопственото. А не е или ретко кога е! И уште многу коцки во „мозаикот на апатичната безнадежност“ во која насила не втурнаа „политичките авети“ и оставија да се (у)давиме до крај... Токму можеби затоа е вистинско време за комплетен ресет на „сопствениот мајндсет“, време за нова „духовна ренесанса“ која секако треба да се гради на темелите на сопствените стари вредности, меѓу кои и музиката од 90-ите. А вчерашната вечер беше показател дека токму 90-ите можеби се и најплодната декада за македонската забавно музичка естрада. Период кога беа создадени безброј песни, а од нив најголем дел станаа хитови, многу пак останаа евергрини... Рефрени кои и ден денес звучат доволно свежо за да се пеат како да се вчера компонирани и испеани! „99 Мегастарс“ како синоним на едно време на процут и на музиката и на забавно-музичките емисии во ТВ етерот беше најавено како уникатно искуство со добра македонска музика и една поинаква, позабавна лотарија на Државна лотарија, која ги овозможи Мегавин наградите и „99 Мегастарс“ шоуто, кое како концепт ги оправда очекувањата! Наградниот фонд повеќе од богат и привлечен: 5 луксузни патувања за двајца во Дубаи, 10 гејминг лаптопи Lenovo, 10 iPhone 14 Pro и еден автомобил BMW кои покрај песните и забавата, вечерта им беа доделени на најсреќните. Настанот го водеа и водителите од она, но и ова време, неповторливиот Игор Џамбазов и единствената Марјана Станојковска, додека во бекстејџот или така наречената „зелена соба“ која всушност беше бела, беа Мартин 99 Трпчевски и Миа Костова. Сите заедно, секој на свој начин, очекувано, беа апсолутно на висината на задачата. Журката започна со ДЈ Мац кој како увертира во шоуто додека публиката се' уште влегуваше во салата пушташе на сцената дел од македонските хитови од „она време“. Звуците на познатите рефрени и хит песни од македонската музика во времето на 90-ите и почетокот на новиот милениум ги донесоа и тогашните музички имиња, па така на сцената ги видовме: Искра Трпева, Peace Brothers, Куку Леле, Марјан Стојановски, Кристина Арнаудова, Ребека, Маја Гроздановска-Панчева, Ристо Самарџиев, Александар Ристовски – Принц, Бени Шаќири, Андријана Јаневска, Верица Пандиловска, Арчи, Бојана Скендеровски, Ламбе Алабаковски... Некои од нив физички по малку видоизменети, но во своите настапи и изведби се' уште сигурни и убедливи, а нивните хитови незаборавни, што го докажа и публиката која заедно со нив ги пееше. Дел од своите хитови изведоа и некои популарни артисти кои се појавија малку подоцна, во почетокот на новиот милениум како Александар Тарабунов или Тони Зен, на пример. Хитовите пак кои ги пееле некои од тогаш популарните пејачи кои веќе не живеат во Македонија или за жал повеќе не се меѓу нас, за да не изгледа дека биле заборавени, ги изведоа изведувачи од помладата пејачка генерација или онаа, која во моментов е актуелна како: Ивона Јо, Дуо Дис, Наде Талевска, Сара Мејс, Теа Трајковска, Дарко Гроздановски, Мила Николовска-Ѓумар... кои изведоа незаборавни песни од Есма Реџепова, Маја Оџаклиевска, Ерзана, Тоше Проески, Влатко Илиевски, Цветанка Глигорова, Маја Вукичевиќ... Покрај аудио-визуелното доживување олицетворено во бина со големина од 120 квадратни метри, повеќе од 100 квадратни метри лед екрани, „зелена т.е. бела соба“, ВИП делот за новинарите и медиумите на кои беспрекорно им беа озвозможени сите услови за работа и добија ВИП третман, осмислен беше и надворешниот дел, односно просторот пред салата кој беше замислено да биде наменет за сите оние кои нема да бидат во можност да влезат во салата и пред СЦ „Јане Сандански“ да бидат поставени лед екрани и шатори каде бесплатно ќе се дели топол чај. Освен тоа настанот беше емитуван и на профилите на социјалните медиуми на Државна лотарија на Македонија, како главен поддржувач на проектот кој сосема ги оправда очекувањата, без оглед на сите ситни пропусти и „апатичниот однос“ на публиката кога е посетеноста во прашање, иако влезот во салата беше бесплатен. Затоа пак уште еднаш се потврди дека она што како музичко наследство го имаме, а ни го оставија авторите и изведувачите од 90-ите и почетокот на овој век е... „бесценето“! Фото: Приватна архива

Сѐ е подготвено за „99 Мегастарс“: Ден за музика, награди и незаборавни моменти

Антонио Димитриевски — Wed, 29 Nov 2023 11:17:20 +0000

Одбројувањето за „99 МЕГАСТАРС“ почна. Во тек се финалните подготовки пред утрешниот МЕГАден за МЕГАсреќа и „99 МЕГАСТАРС“ – денот кога ќе си ги освежиме најубавите музички спомени, но и денот кога ќе споделиме незаборавни моменти на среќа, забава, дарување... 30 ноември е ден кога среќата ќе биде насекаде, а токму таа, исто како и музиката, им дава душа на универзумот, крилја на умот, лет на имагинацијата, а магија и радост на нашите животи. Затоа подгответе се МЕГАквалитетно и МЕГАуникатно искуство со добра македонска музика и една поинаква, позабавна лотарија − Државна лотарија, којашто за вас ги овозможи Мегавин и „99 Мегастарс “! На 30 ноември во СЦ „Јане Сандански“ со почеток од 20:00 часот ќе се слави музиката, успехот, ќе се одбележи најновата мегапобеда megawin.мк, новата визија, новиот симбол, една убава 15-годишнина, но и пишувањето на новите страници за уште 26 нови среќни приказни од наградната игра „Биди ин, регистрирај се на мегавин“... Она што треба да го запомните е дека влезници за оваа вечер НЕМА во продажба - единствен начин да се дојде до нив е со регистрација на платформата megawin.mk (пријавувањето за влезница ќе биде возможно до самиот почеток на настанот), а секој оној кој ќе се регистрира на платформа www.megawin.mk заклучно со денес до 23:59 часот ќе учествува и во наградната игра „Биди ин, регистрирај се на Мегавин“. Вкупниот фонд за награди и подароци изнесува 12 000 000 денари. Наградниот фонд е: 5 луксузни патувања за двајца во Дубаи, 10 гејминг лаптопи Lenovo, 10 iPhone 14 Pro и еден автомобил BMW. Првите 50.000 регистрирани на www.megawin.mk добиваат промотивни вредносни ваучери од 100 до 10.000 денари, што ќе можат да се искористат за играње на платформата megawin.mk. Во улога на водители на настанот присутните ќе ги видат неповторливиот Игор Џамбазов, Маријана Станојковска, Мартин 99 Трпчевски и Миа Костова, а како звучеше македонската музика на времето ќе нѐ потсетат: Искра Трпева, Peace Brothers, Куку Леле, Марјан Стојановски, Кристина Арнаудова, Ребека, Маја Гроздановска-Панчева, Ристо Самарџиев, Бени Шаќири, Андријана Јаневска, Верица Пандиловска, Александар Тарабунов, Арчи, Сара Мејс, Бојана Скендеровски, Ламбе Алабаковски, Нови дечки, Тони Зен, Ивона Јо, Ластовица, Дуо Дис, Наде Талевска, Теа Трајковска, Дарко Гроздановски, Мила Николовска-Ѓумар, Александар Ристовски - Принц... И тоа не е сѐ, освен аудио ве очекува и неверојатно визуелно доживување - бина со големина од 120 квадратни метри, повеќе од 100 квадратни метри ЛЕД екрани, „зелена соба“ со сите изведувачи, а уреден ќе биде и надворешниот дел, односно просторот пред салата – инаку наменет за сите оние кои нема да бидат во можност да влезат во салата. И пред СЦ „Јане Сандански“ ќе бидат поставени ЛЕД екрани и шатори каде бесплатно ќе се дели топол чај. Настанот ќе биде емитуван и на профилите на социјалните медиуми на Државна Лотарија, како поддржувач на проектот - во чија реализација учествуваат повеќе од 200 луѓе, а дел од dreamream-от се Дарко Панчевски и Емилија Илиевска, проект-менаџери; Мартин Трпчевски, уметнички директор; Александра Тимковска, лице задолжено за односи со јавност, Божидар Божиновски, сценарист; Зоран Тошевски, сценограф; Advanced Solution Group - Маркетинг кампања и Ангелина Китановска, стилист. Најголемиот пријател Државна лотарија за оваа вечер вели дека е влог во заедничката среќа, затоа не пропуштајте ја можноста - дојдете утревечер во СЦ „Јане Сандански“ со почеток од 20:00 часот - зашто не е ин само да се биде фин, туку ин си ако се регистрираш на Мегавин“...

30. ноември – мегаден за мегасреќа и „99 Мегастарс“: Освежување на убавите музички спомени

Антонио Димитриевски — Mon, 27 Nov 2023 11:58:16 +0000

Ако ви кажеме само Златимир Аревски можеби од прва нема да се сетите за кого станува збор, но ако ви кажеме Арчи веќе нема промашување - веднаш ќе се сетите на популарниот пејач од 90-те, човекот чиј хит „Од желба изгорен“ или како што сите ја нарекуваа „Да пукнеш леле што ми направи“. И, веројатно, веднаш ќе ви падне на ум прашањето каде исчезна, а сигурно истото ќе си го поставите и ако ги споменеме Пис брадрс. Тоа се оние момци и девојки на чии „Скопските девојки“, „Мрдам газ“, „Обичен ден“... се играше по дискотеки, на домашни журки, родендени, низ маало... За „Сѐ е против нас“, Не плачи, не жали“, „Кучка неверна“, „Постела рози“, веројатно, не треба ни да се двоумиме дали ги паметите. Двоецот под името Куку Леле сѐ уште постои на домашната музичка сцена. Сѐ уште се активни, иако можеби стилот (музичкиот) малку им е променет, еланот и жарот за музика никако не се. И кога веќе тргнавме да патуваме низ времето и да освежуваме сеќавања, еве уште неколку интересни прашања – Можеше ли да помине роденден без „ненајавениот“ гостин Маријан Стојановски? Ја паметите ли онаа „Твоето писмо моја Библија...“ на Андријана Јаневска? Се сеќавате ли на „Барбиката“ и „Мачката со девет животи“ на Маја Гроздановска – Панчева... Или можеби каква журка се случуваше штом ќе ѝ паднеше мрак на Искра Трпева или на „Допри ме“... Ако барем малку ве вративме низ времето и ако случајно си поставувате уште некое музичко прашање поврзано со 1990-те и 2000-те години по одговор дојдете на 30 ноември во СЦ „Јане Сандански“. Дојдете подготвени да си ги освежиме сеќавањата на најголемите домашни музички хитови и да споделиме незаборавни моменти на среќа, забава, дарување... Зашто на 30 ноември среќата ќе биде насекаде! Токму таа, исто како и музиката, им дава душа на универзумот, крилја на умот, лет на имагинацијата, а магија и радост на нашите животи. Затоа разгалете си ги очекувањата и подгответе се МЕГАквалитетно и МЕГАуникатно искуство со добра македонска музика и една поинаква, позабавна лотарија − Државна лотарија, којашто за вас ги овозможи Мегавин и „99 Мегастарс “! Временската машина ќе ја возат Игор Џамбазов, Маријана Станојковска, Мартин 99 Трпчевски и Миа Костова, а како звучеше македонската музика на времето ќе нѐ потсетат: Искра Трпева, Peace Brothers, Ластовица, Марјан Стојановски, Кристина Арнаудова, Ребека, Маја Гроздановска-Панчева, Ристо Самарџиев, Бени Шаќири, Андријана Јаневска, Верица Пандиловска, Александар Тарабунов, Арчи, Сара Мејс, Бојана Скендеровски, Ламбе Алабаковски, Нови дечки, Тони Зен, Ивона Јо, Ластовица, Дуо Дис, Наде Талевска, Дарко Гроздановски, Мила Николовска-Ѓумар, Александар Ристовски - Принц... Не заборавајте - дојдете на 30 ноември во СЦ „Јане Сандански“ со почеток од 20:00 часот бидејќи на овој ден ќе се слави музиката, успехот, истрајноста... Ќе се одбележи најновата мегапобеда megawin.мк, новата визија, новиот симбол, една убава 15-годишнина, но и пишувањето на новите страници за уште 26 нови среќни приказни од наградната игра „Биди ин, регистрирај се на мегавин“... Она што треба да го запомните е дека влезници за оваа вечер НЕМА во продажба секој што ќе се регистрира на megawin.мк до 29 ноември добива ЗАГАРАНТИРАН подарок, станува учесник во наградната игра „Биди ин, регистрирај се на Мегавин“ и воедно добива и влезница за концертот „99 Мегастарс“ на 30 ноември, во СЦ „Јане Сандански“ во Скопје, за кога е закажано и извлекувањето во живо на еден автомобил БМВ, 5 патувања за двајца во Дубаи, 10 гејминг лаптопи Леново и 10 iPhone 14 Pro.

Заокружете го 30-ти ноември – МЕГАден за МЕГАсреќа и „99 Мегастарс“

Антонио Димитриевски — Wed, 22 Nov 2023 11:20:55 +0000

На 30 ноември среќата ќе биде насекаде! Токму таа, исто како и музиката, им дава душа на универзумот, крилја на умот, лет на имагинацијата, а магија и радост на нашите животи. Затоа разгалете си ги очекувањата и подгответе се МЕГАквалитетно и МЕГАуникатно искуство со добра македонска музика и една поинаква, позабавна лотарија − Државна лотарија, којашто за вас ги овозможи Мегавин и „99 Мегастарс “! За дружбата имаме неколку поводи затоа дојдете вооружени со насмевка и позитивна енергија, дојдете подготвени да си ги освежиме сеќавањата на најголемите домашни музички хитови од 1990-те и 2000-те години и да споделиме незаборавни моменти на среќа, забава, дарување... Временската машина ќе ја возат Игор Џамбазов, Маријана Станојковска, Мартин 99 Трпчевски и Миа Костова, а како звучеше македонската музика на времето ќе нѐ потсетат: Искра Трпева, Peace Brothers, Ластовица, Марјан Стојановски, Кристина Арнаудова, Ребека, Маја Гроздановска-Панчева, Ристо Самарџиев, Бени Шаќири, Андријана Јаневска, Верица Пандиловска, Александар Тарабунов, Арчи, Сара Мејс, Бојана Атанасовска, Ламбе Алабаковски, Нови дечки, Тони Зен, Ивона Јо, Ластовица, Дуо Дис, Наде Талевска, Дарко Гроздановски, Александар Ристовски - Принц... И тоа не е е сѐ, ако сонувате за БМВ автомобил или патување во Дубаи не заборавајте до 29 ноември да се регистрирате на megawin.мк, а веќе на 30 ноември на вашата среќа ќе се радува целата публика. Бидејќи среќата е единственото нешто кое се множи кога се дели! Не заборавајте - дојдете на 30 ноември во СЦ „Јане Сандански“ со почеток од 20:00 часот бидејќи на овој ден ќе се слави музиката, успехот, истрајноста... Ќе се одбележи најновата мегапобеда megawin.мк, новата визија, новиот симбол, една убава 15-годишнина, но и пишувањето на новите страници за уште 26 нови среќни приказни од наградната игра „Биди ин, регистрирај се на мегавин“... Влезници за оваа вечер нема во продажба, единствено што треба да се направи е да се посети страницата за регистрација каде имате можност и да си ја тестирате среќата. Пријавувањето е можно заклучно со 29 ноември, а веќе на 30 ноември истата и официјално ќе биде стартувана, односно на денот на големата „99 Мегастарс“ журка. Регистрирај се на Мегавин и дојди на концерт! За комплетно уживање за сите сетила освен бројните изненадувања и музичките гости, секако, во голема мера ќе придонесе и комплетно уредување во салата, а таму очекувајте бина со големина од 120 квадратни метри, повеќе од 100 квадратни метри ЛЕД екрани, „зелена соба“ со сите изведувачи. Уреден ќе биде и надворешниот дел, односно просторот пред салата – инаку наменет за сите оние кои нема да бидат во можност да влезат внатре. Пред СЦ „Јане Сандански“ ќе бидат поставени ЛЕД екрани и шатори каде бесплатно ќе се дели топол чај. Настанот ќе биде емитуван и на профилите на социјалните медиуми на Државна лотарија, како поддржувач на настанот.

Она што треба да го запомните е дека секој што ќе се регистрира до 29 ноември добива ЗАГАРАНТИРАН подарок, станува учесник во наградната игра „Биди ин, регистрирај се на Мегавин“ и воедно добива и влезница за концертот „99 Мегастарс“ на 30 ноември, во СЦ „Јане Сандански“ во Скопје, за кога е закажано и извлекувањето во живо на еден автомобил БМВ, 5 патувања за двајца во Дубаи, 10 гејминг лаптопи Леново и 10 iPhone 14 Pro.

Еве кој се’ ќе настапува на „99 megastars“ на 30 ноември во „Јане Сандански“

Антонио Димитриевски — Fri, 17 Nov 2023 13:02:10 +0000

Македонски поп-пејачи кои најголемите хитови ги имаа на крајот од деведесеттите, ќе одржат заеднички концерт во Скопје, на 30 ноември, од 20 часот во салата „Јане Сандански“. На настанот наречен „99 megastars“ според најавите на официјалната Инстаграм страница на органнизаторот ќе настапат: Марјан Стојаноски, Бојана Скендеровски, Александар Митевски, Андријана Јаневска, Арбен Бени Шаќири, Верица Пандиловска, Искра Трпева, „Пис брадрс“, Маја Гроздановска-Панчева, Ребека Јанковска-Ристески, Ристо Самарџиев, Арчи, Александар Ристовски-Принц, Тони Зен, Ламбе Алабакоски и Кристина Арнаудова. Како водители на шоуто се најавени Миа Костова и Мартин Трпчевски кои по долги години повторно соработуваат, откако во 1999 година го водеа музичкото шоу „99 action“, па оттаму и името на музичкиот настан. како водители плус ќе се појават и Игор Џамбазов и Марјана Станојковска. Влезот на концертот ќе биде бесплатен со регистрација, а точните информации ќе се објават на 18 ноември. Концертот ќе се одржи на бина од 120 квадратни метри, а уреден ќе биде просторот пред салата, наменет за сите оние кои нема да можат да влезат на концертот. Публиката надвор ќе може да се послужи со бесплатен чај. Најавени се и игри на среќа од Државната лотарија на Македонија.