8-ми март – Вистина.мк

„Артан Лили“ во МКЦ на 8-ми март 2024 година

Антонио Димитриевски — Wed, 01 Nov 2023 12:17:19 +0000

Концертот на овој култен белградски андерграунд бенд се случува во екот на прославата на нивното 10 годишно активно постоење.

"За Скопје не врзуваат прекрасни спомени, од самиот почеток на бендот. Трипе ги продуцираше нашите први песни, додека во Куманово го склопивме името на нашата музичка група. Во Македонија наидовме на огромна поддршка од нашите сами почетоци, па редно е да се оддолжиме со еден голем концерт. Не сме биле таму неколку години и еве вистинска прилика да се видиме и претставиме во полно светло! Со нас ќе настапи и еден стар пријател на групата, еден од најпознатите регионални визуелни уметници, виџејот Изванредни Боб. Купете влезници на време и да се видиме во МКЦ, ви спремаме луда журка за паметење!" - еуфорично изјавуваат членовите на бендот кој има импресивна листа на есенски настапи и каде во склоп на нивната регионална турнеја на листата ќе се најде и МКЦ.

Отткако е објавен нивниот прв сингл "Џони" во ноември 2012, „Артан Лили“ несомнно прераснаа во еден од најмногу спомнуваните музички состави во регионот, кога се зборува за новата сила на домашната и регионална музичка сцена. Групата со текот на времето се засили, во сега веќе препознатливата четворка: Бојан Слачала - бас и вокал, Романа Слачала - вокал и дајре, Марко Ајковиќ - тапани и Иван Скопуловиќ - гитара. Нивните 3 последни синглови се во соработка со познати колеги од локалната сцена: "Рокенрол после рок ен рола" во соработка со Зоран Костиќ - Цане, фронтменот на групата Партибрејкерс, "Отров" со Никола Врањковиќ и "хардкор и панк" заедно со Зоран Маринковиќ, фронтмен на групата Бјесови.

Со своите синглови ги освојуваат сите релевантни радиски и тв топ листи во својата земја и регионот. Најинтересен е пласманот на песната "Ако станемо ту", која одма како новитет застана на првото место на листата "Дискомер" на "Студио Б", што претходно, во 40 години откако постои листата, им идело под рака единствено на музички групи како Bjelo Dugme и Ekaterina Velika.

До сега имаат издадено 2 студиски албуми “Artan Lili” и “New Deal”. Добитници се на првата по ред награда "Милан Младеновиќ".

Артан Лили во МКЦ на 8. март 2024 во 21.00 часот. Билети на: bileti.mkc.mk

Прекрасни честитки по повод 8-ми март, меѓународниот ден на жената

Христина Ѓоргиевска — Wed, 08 Mar 2023 12:45:22 +0000

Денес е 8-ми март, меѓународниот ден на жените кој се празнува секоја година. Овој празник настанал како резултат на борбата за економска, политичка и социјална рамноправност на мажите и жените. Сакајте ги, почитувајте ги и честитајте им го денешниот ден на вашите најмили со некои од овие пораки со кои ќе им го покажете вашето внимание, а истовремено ќе им го направите денот уште поубав и повесел. . Биди горда што си жена. Мудра, достоинствена, храбра и силна, а истовремено и нежна и внимателна. Биди таква уште долги години. Среќен 8-ми март! 2. Нека среќата стане твоја реалност, здравјето трајност, љубовта постојано да го грее твоето срце и нека ти се оствари сѐ што посакуваш. Среќен празник! 3. Уживај во среќата, а љубовта нека биде твој најверен придружник. Искусувај само пријатни моменти во животот, не само овој, туку секој нареден ден во годината. Среќен 8-ми март! 4. Што и да се случува, една жена никогаш нема да биде заборавена и вечно ќе живее во моите срце и душа. Среќен празник, мамо! 5. Нека овој ден ти биде посебен, сонцето постојано да те грее, не затоа што си жена, туку затоа што си единствена и поразлична од другите! Среќен 8-ми март! 6. Нека секој следен ден ти биде подобар, сите желби остварени, и не заборавај на сонцето дури и тогаш кога истура дожд. Среќен празник! 7. Те сакам затоа што си најдобра, полна со разбирање и издржливост. Горда сум што си ми мајка. Среќен 8-ми март, мамо! 8. Ти испраќам ѕвезда со најубав сјај, многу среќа и бакнежи исполнети со љубов. Најубави желби за овој ден, среќен празник! 9. Секоја добрина која ја даруваш нека ти се врати во поголема мера, нека љубовта биде твоја водилка низ животот и уживај не само денес, туку и секој нареден ден. Среќен 8-ми март! 10. Сѐ додека Земјата се врти, јас ќе те сакам. Сѐ додека сјаат ѕвездите, јас ќе внимавам на тебе, а секое наредно утро ќе ти покажувам колку повеќе ми значиш! Среќен празник! 11. Среќен празник на најубавата, најуспешната и најинтелигентната жена. Секогаш стреми се кон иднината и нека те пратат само убави моменти! 12. Уживај во сознанието дека ги имаш најблиските до себе и чувството дека некому си му целиот свет. Секогаш имај на ум дека некој те сака и внимава на тебе. Среќен 8-ми март! 13. Исполни ги годините со живот, а не животот со години. Запамети дека ти си достојна за внимание секој ден, а не само еден ден во годината. Уживај во својот живот, среќен празник! извор: Кафепауза.мк

Сораја од партнерот за 8 – ми Март доби скап подарок: Старлетата се расплака од овој прекрасен гест, а многумина ќе и позавидат (фото)

Слаѓана Атанасова — Wed, 08 Mar 2023 10:36:53 +0000

Сораја Вучелиќ доби скап подарок од партнерот за 8-ми Март, а се работи за автомобил кој чини 270.000 евра. Сораја неодамна се породи и на свет донесе момче, на кое му го дала името Кан. А, вака реагирала Вучелиќ кога го видела подарокот што го добила. - Сара сѐ уште е постојано со бебето, па нејзиниот партнер и таа синоќа не излегле никаде, туку тој ја повикал да се спушти во дворот. Кога излегла надвор следел целосен шок бидејќи пред нивниот дом видела огромен луксузен мерцедес мајбах ц класа. Беше многу возбудена, дури и плачеше поради ваквото внимание од нејзиниот емотивен партнер – рекол изворот. - Бев трогната затоа што тоа беше, пред се, прекрасен гест. Автомобилот е удобен и за мене и за бебето, а тоа е она што е важно – кратко изјавила Сораја. Фото: Принтскрин/Инстаграм/Сораја Вукиќевиќ

Денес е 8-ми Март, меѓународниот ден на жената

Антонио Димитриевски — Wed, 08 Mar 2023 07:20:35 +0000

Денешниот ден 8. март е познат како меѓународен ден на жената. Главно се одбележува со подарување кон своите најблиски од женскиот пол, меѓутоа историјата на овој празник кажува дека треба да потсетува на загрозените права на вработените жени. Одбележувањето на овој празник почнува на почетокот од 20 век кога во Светот владееле индустријализацијата и економската експанзија, притоа доведувајќи до протести поради лошите услови за работа. Во 30-тите години некои држави престанале да го одбележуваат овој ден, но во 1975 година ОН почнале официјално да го одбележуваат. Денот на жените се одбележува во сеќавање на пожарот во текстилната фабрика Триангл Шртвеист, кој се случил во Њујорк во 1911 година. Тој ден загинале над 140 жени. Првите јавни демонстрации на жените вработени во индустрија за облека и текстил се случиле на 08.03.1857 година во Њујорк. Тогаш реагирала и полицијата да ги растера демонстрантите, а нешто подоцна тие жени основале синдикат. Протести продолжиле да се случуваат во следните години. Првата меѓународна женска конференција е одржана во данскиот град Копенхаген во 1910 година во организација на Социјалистичката Интернационала. Празникот е утврден на предлог на славната германска политичарка и борец за човекови права Клара Цеткин. Празникот идната година зема замав, и се одбележува во Австрија, Данска, Германија, Швајцарија. Првиот ден на жената бил прославн на 28.02.1909 година во САД. Демонстрациите на жените, биле првиот знак на руската револуција. По Октомвриската револуција, болшевичката феминистка Александра Колонтаи го убедила Ленин 8. март да стане државен празник. Во текот на советскиот период тој се користел за одбележување на херојството на работничките. Државите на Запад Денот на жените престанале да го одбележуваат во 1930-тите години, во дел и поради тоа што го поврзувале со комунизмот. Но, триесетина години подоцна повторно почнал да се слави. Од 1975 година Обединетите нации почнаа официјално да го одбележуваат Меѓународниот ден на жената. На сите припаднички на женскиот пол редакцијата на Вистина.ком.мк им посакува – СРЕЌЕН 8. МАРТ!

Сара Мејс за 8-ми Март посака таа и сопругот да си направат забава за кревање на адреналинот, а тој и предолжи домашна алтернатива (фото)

Слаѓана Атанасова — Tue, 28 Feb 2023 09:05:24 +0000

8-ми Март за пејачката и харфистка Сара Костадиновска попозната како Сара Мејс веќе е испланиран, а таа е подготвена да добие одлична забава вклучувајќи ја и нејзината посилна половина. Имено, таа посака за денот на жената да оди на летечко возење на(д) вода со флајборд (Flyboard), но, за да се согласи и сопругот со нејзината брилијантна идеја, таа му предложи заедно со него да си направат таков мерак. „Ова сакам за 8 - ми Март ама со тебе“ - напиша таа на кратката приказна на социјалната мрежа „Инстаграм“, со нетрпение исчекувајќи го одговорот на саканиот. Секако, нејзиниот сопруг водителот и маркетинг менаџер Димитар Атанасовски го изгледал во целост видеото на кое беше тагнат . Но, некако не е баше заинтересиран за предлогот од сопругата, туку тој има друг позабавен. „Ако сакаш може така у двор кај нас на усисивачот ќе се качиме“ - и одговори тој на бестрашната лавица како што ја нарекува тој поставувајќи на крајот емотикон со кренати раце кои што означуваа дека „тоа е тоа - друго нема“. Инстаграм приказните на познатата двојка често се наполнети со забавен и комичен карактер, а секогаш покрај видеото тие за фановите плетат и приказна за да биде уште позабавно и поинтересно, а така беше и овој пат. Фото: Принтскрин/Инстаграм/Сара Маче/Димитар Атанасовски

Букет преку прозорец за бакнежи на Инстаграм: Кристина Димитриевска распаметена, па воодушевена за 8-ми Март! (ФОТО)

Антонио Димитриевски — Wed, 09 Mar 2022 07:51:09 +0000

Денот на жената и годинава мина , како мина... Воглавно со честитки, подароци, букети цвеќе, протестен марш и потсетување дека жените се рамноправни со мажите... или барем треба да бидат, ико многумина мислат дека со „рамноправноста“ оддамна се претерало, зашто жените се тие кои во 21-от век го вртат светот. Но, за да не навлеземе во разно-разни теории, поимања и сфаќања на женските права и машко-женските односи, македонската мисица, манекенка, модел и пејачка Кристина Димитриевска раскажа каква чудна случка и се случила токму на вчерашниот ден на жената - 8-ми Март. Имено атрактивната тетовчанка додека возела со својот автомобил среде бел ден по прометните улици, друг автомобил почнал паралелно да вози со неа и да и дава знак да застане, односно да го отвори прозорецот. Возачот зад управувачот и бил тотално непознат, па убавицата најпрвин се распаметила да не се работи за некако в манијакален тип, но сепак собрала храброст да прикочи и да го отвори прозорецот, за да праша каде е проблемот? Кога видела дека момчето сака нешто да и каже, се уплашила дека нешто не во ред со нејзиниот автомобил, и малку понатаму застанала, но не излегла од него. Тогаш другото возило се паркирало покрај нејзиното, а момчето опсипувајќи ја со дузина комплименти, од совазачкото седише земало букет цвеќе и и' го подарило за празникот на Кристина, која вели дека не го познава, но сепак е воодушевена од гестот на младичот. Дали средбата била случајна, а цвеќето наменето за некој(а) друг(а), па судбината сакала да заврши во нејзини раце? Или пак можеби средбата била долго планирана и подготвувана, а момчето ја следело убавицата чекајќи го најпогодниот момент некако да и пријде, запознае и подари букет, па макар и преку прозорецот од автомобилот? Одговорот го има „романтичниот анонимус“ кој напрвин ја распаметил, а потоа воодушевил атрактивната тетовчанка токму за денот на жената. Кристина целата случка ја раскажа на своите Инстаграм приказни, велејќи дека и до сега добивала цвеќе пред врата или некои други ситни подароци од непознати обожаватели, но не на овој ден и не на ваков начин. При тоа и јавно му се заблагодари на „шармантниот анонимен романтик“ што и го разубавил денот, испраќајќи му бакнежи преку своите Инстаграм приказни! Фото: Инстаграм принтскрин/kristina.dimitry

Здравко Чолиќ на обожавателките за 8-ми Март им подари песна од – „Сто дукати“ (АУДИО)

Антонио Димитриевски — Tue, 08 Mar 2022 13:30:11 +0000

Најголемата регионална поп ѕвезда на сите времиња на овие простори, Здравко Чолиќ денеска по повод 8-ми март објави нова песна. Тој пред неколку дена најави дека ова е подарок за неговите обоважатели во кои доминираат жените. Песната носи наслов „100 дуката“, музиката е дело на Саша Матиќ, текстот е на Милош Смиљаниќ а аранжманот е на Никша Братош. Во моментов се снима спот, така што наскоро оваа нумера ќе биде комплетна. До тогаш уживајте во „Сто дуката“ !

8 март, ден на исполнување на желбите: За среќа, секоја жена треба да ги направи овие 8 магични работи

Христина Ѓоргиевска — Tue, 08 Mar 2022 13:30:06 +0000

Ајде на 8 март да покажеме колку сме си важни на себе, колку сме горди на себе и дека овој празник ќе биде добар почеток за позитивна промена во нашите животи. Исполнете ги вашите потреби и желби – На 8 март почестете се со нешто што отсекогаш сте го посакувале. Одете во бањата, платете си патување, купете си нов фустан, запишете се на курс за кој долго време сонувавте, почнете да танцувате… Нека овој ден биде совршен за исполнување на желбите кои сте ги запоставиле – израдувајте се! Развијте љубов кон себе – Наместо да се критикувате, постојано да забележувате грешки и несовршености, обидете се да развиете здрава љубов кон своето битие. Тоа е важно, лековито и ви помага да развиете самодоверба и да најдете мир. Во тоа можат да ви помогнат и афирмациите, но и водење дневник во кој ќе го запишете сето добро што сте го постигнале. Поврзете се со вашата креативна страна – Одвојте малку време во текот на денот за да се поврзете со вашата креативна страна и да го истражите сопствениот талент. Пронаоѓањето на креативноста може да го зајакне вашиот дух и да ви овозможи да го дадете најдоброто од себе. Без разлика дали го прославувате Меѓународниот ден на жената со вашето семејство, пријатели или сами, има многу забавни проекти, трикови и активности „направи сам“ каде што можете да ја изразите вашата креативност. Поминете време со вашите омилени дами – Има ли подобар подарок од времето кое им го подаруваме на драгите луѓе. Покажете ѝ на вашата омилена дама, било да е тоа мама, пријателка, сестра, колешка, колку се грижите за неа. Поминете прекрасен ден заедно и уживајте во енергијата што ја носи 8 март. Дознајте повеќе за влијателните жени – Прочитајте ја биографијата на некои од највлијателните жени кои се бореле за правата на жените и направиле голема разлика во светот. Вклучете се во женско движење или организација – Постојат многу начини на кои можете да им помогнете на многу жени и да го направите 8 март вистински празник на правдата, солидарноста и женската моќ. Украсете ја куќата – Внесете ја атмосферата на 8 март во вашиот дом! Тоа не мора да биде само цвеќе, туку можете да направите автентична декорација која ќе направи да се чувствувате посебно во вашиот дом на овој ден. Боите на Меѓународниот ден на жената се виолетова (означува правда и достоинство), зелена (симболизира надеж) и бела (чистота). Засадете растение или цвет во вашиот дом или градина – Наместо да купувате цвеќе, можете да го засадите на 8 март, замислете желба за време на садењето која е исклучиво врзана за вас, а потоа гледајте како цветот ви расте со текот на времето. извор: попара.мк

8-ми Март – меѓународниот ден на жената

Антонио Димитриевски — Tue, 08 Mar 2022 09:12:01 +0000

Меѓународниот ден на жената 8 март се празнува денеска. Главно се одбележува со подарување кон своите најблиски од женскиот пол, меѓутоа историјата на овој празник кажува дека треба да потсетува на загрозените права на вработените жени. Одбележувањето на овој празник почнува на почетокот од 20 век кога во Светот владееле индустријализацијата и економската експанзија, притоа доведувајќи до протести поради лошите услови за работа. Во 30-тите години некои држави престанале да го одбележуваат овој ден, но во 1975 година ОН почнале официјално да го одбележуваат. Денот на жените се одбележува во сеќавање на пожарот во текстилната фабрика Триангл Шртвеист, кој се случил во Њујорк во 1911 година. Тој ден загинале над 140 жени. Првите јавни демонстрации на жените вработени во индустрија за облека и текстил се случиле на 08.03.1857 година во Њујорк. Тогаш реагирала и полицијата да ги растера демонстрантите, а нешто подоцна тие жени основале синдикат. Протести продолжиле да се случуваат во следните години. Првата меѓународна женска конференција е одржана во данскиот град Копенхаген во 1910 година во организација на Социјалистичката Интернационала. Празникот е утврден на предлог на славната германска политичарка и борец за човекови права Клара Цеткин. Празникот идната година зема замав, и се одбележува во Австрија, Данска, Германија, Швајцарија. Првиот ден на жената бил прославн на 28.02.1909 година во САД. Демонстрациите на жените, биле првиот знак на руската револуција. По Октомвриската револуција, болшевичката феминистка Александра Колонтаи го убедила Ленин 8. март да стане државен празник. Во текот на советскиот период тој се користел за одбележување на херојството на работничките. Државите на Запад Денот на жените престанале да го одбележуваат во 1930-тите години, во дел и поради тоа што го поврзувале со комунизмот. Но, триесетина години подоцна повторно почнал да се слави. Од 1975 година Обединетите нации почнаа официјално да го одбележуваат Меѓународниот ден на жената.

Лила за 8-ми Март доби прекрасен букет, арно ама некој и го изџвака подарокот (ФОТО+ВИДЕО)

Антонио Димитриевски — Tue, 08 Mar 2022 09:03:39 +0000

Лила Филиповска не само што е „кралица“ на ТВ екраните туку е и „некрунисана кралица“ на подароците... Ваквата титула слободно може да и се припише откако стана „кралица во новата професија“ - инфлуенсер број еден во Македонија. Секојдневното рекламирање на разни производи и услуги разбирливо и носи бенефиција да добива и разно-разни многубројни подароци од задоволните клиенти кои ги рекламира. Сепак, денот на жената е посебен, па затоа и подароците што ќе ги добиете имаат посебно значење, а Лила за 8-ми март подроците не ја заобиколија. Она што ја заобиколи беше среќата да останат во едно парче. Имено, водителката на „Се или нешто“, доби нешто што е вообичаено за празникот, а сепак прекрасно и преубаво изгледа. Раскошен букет разновидно цвеќе, спакуван во своевидна икебана. Драг подарок од уште подрага личност кој најде видно место во дневната соба на водителката. Арно ама, Лила ниту на крај памет не претпостави дека цвеќето нема да и се допадне само неа, туку и на некој друг... Само нему не му е до естетика и убавина, туку до јадење, па букетот наместо како украс го доживеал како оброк и... Лила остана со изгрицкан и изџвакан подарок. Нејзиниот мачор Рагнар му се „с'сна“ на цвеќето, па го изгрицка букетот, онака прописно, како салата за ручек! Дали во букетот имаше нешто што „неодоливо го привлече“ мачорот или водителката заборавила да го нахрани својот куќен миленик, знае само Лила која остана со изџвакан осмомартовски подарок?

View this post on Instagram

A post shared by Lila (@lilafilipovska)

А Рагнар? Барем според споделената фотографија... Ем кабаетлија, ем к'сметлија што поминал само со гласна „усна опомена“ од газдарицата! Фото: Инстаграм принтскрин/lilafilipovska