8 март – Вистина.мк

Марија Луиса Тодоровска доби празнична „понуда“ што не се одбива: За некого „непристоен предлог“, за неа добра причина за 8-ми Март и викендот потоа, да биде на „дебело платена пауза“ (ФОТО)

Антонио Димитриевски — Fri, 08 Mar 2024 09:12:29 +0000

Пејачката Марија Луиса Тодоровска за празникот на жената се подготвуваше уште пред една недела... За 8-ми март како што е редот или навиката од социјализмот, на дамите им се подаруваат разни подароци. Од должно внимание, преку најмали ситници како цвеќе или некоја ситна дребулија, до скапи и луксузни подароци, зависи која кон што цели?! Македонската „фолк кралица на бакшишот“ навреме си го кажа фетишот, па празничната желба во вид на посакуваниот подарок кој оди со 8-мартовската честитка јавно ја соопшти на своите Инстаграм приказни. Однапред да си знаат сите што имаат намера да и честитаат, да не биде тоа само онака протоколарно, со празни раце. Конечно жените на овој ден се избориле за своите права, меѓу кои се оние за право на глас и слободно изразување, па пејачката можеби затоа јавно и слободно си ја изрази својата желба... за осмомартовски подарок! Во меѓувреме, додека чекаше да дојде денот на кој на „највнимателниот“ ќе му се заблагодари на вниманието и самата го привлече вниманието со неколку примамливи фотографии... Колку да ја размрда машката фантазија! Марија ги покажа своите нови секси чорапи од црна тантела, кои не се соблекуваат ни за време „на онаа работа“... Евентуално после завршување, кога одиш на туширање! Зашто пејачката добро знае дека машката фантазија што е поразбранувана, толку веројатноста да го добие посакуваниот подарок е поголема! Ако и тоа не е доволно, Марија Луиса секогаш има и нешто дополнително... Како на пример, заводливото мешање! А кога Марија ќе замеша, ќе почне да врти со извајаната секси задница, заводливо да ги ниша колковите и широката карлица, фантазијата се претвора во неодолива желба на ваква раскошна убавица, лично да и го врачиш ... Подарокот за празникот секако! Затоа Марија Луиса Тодоровска доби празнична „понуда“ што не се одбива! До душа, дарежливиот лично не можел да и го врачи подарокот, ама затоа нашол начин како... А Марија како Марија, бакшиш и подароци, никогаш не одбива! Оти... да не е незгодно, да не навреди некого, па затоа секогаш со радост ги прифаќа! Понудата за некого „непристоен предлог“, за Марија добра причина за 8-ми Март и викендот потоа, да биде на „дебело платена пауза“! Фото: Инстаграм/luisa.todorovska

Среќен 8 ми Март од креативните рачиња на дечињата на познатите мајки (фото)

Слаѓана Атанасова — Thu, 09 Mar 2023 09:58:22 +0000

Дефинитивно нема поголем и поубав подарок или честитка за една жена од креативната изработката на малите, вешти рачиња, кои се потрудиле со голема љубов да ја создадат сами. Денот на жената како и секогаш беше исполнет со многу насмевки, а на профилите познатите Македонки на „Инстаграм“ ги споделија рачно изработените честитки од нивните најмили. Се разбира, вештите прстиња создале прекрасни изработки кои нивните горди мајки со големо задоволство и ги претставија и на Инстаграм заедницата. Пејачката Тамара Тодевска сподели фотографија на нејзините кратки приказни две прекрасни честитки изработени од нејзината ќеркичка Хана и синот Дарен. Пејачката, модел и екс мисица, Кристина Димитри сподели емотивна фотографија од подароците кои ги добила од нејзиното синче Давид. „Рачињата мајкини ме разбудија со подароци“ - стоеше пак во објавата која ја напиша таа за изненадувањето што го добила од малиот Давид. И Пејачката и докторка Симона Поповска го доби најубавиот подарок од поголемото синче Никола. „Најубавиот и најемотивниот 8 ми Март“ - напишаа таа на нејзиното „стори“, откако ја сподели рачно изработената честитка до која имаше и прекрасна црвена ружа. Македонската фолк пејачка Сузана Гавазова се пофали колку се вредни и креативнинејзините дечиња. Па, убавата струмичанка објави кратко видео од честитка и рачно изработени цвечиња од рацете на нејзините најмили, двете ќеркички Емили и Селена. Атрактивната ТВ водителка на Канал 5, Милена Антовска сподели фотографија од нејзината ќеркичка Лана Марија. Додека пак во објавата пишуваше: Лана Марија и мама држат срце - надополнето со емотикони од црвени срциња. Фото: Социјални мрежи/ Инстаграм и Фејсбук принтскрин

Сите очекуваа дека тоа ќе биде Илина, ама Игор Џамбазов најубавата осмомартовска честитка и ја упати на една сосема друга жена: „Те сакам најпојќе братче…“ (ФОТО)

Антонио Димитриевски — Thu, 09 Mar 2023 09:32:06 +0000

Љубовната приказна со не баш среќен крај, не барем засега, помеѓу Игор Џамбазов и Илина Арсова полека станува Инстаграм класика... Ромео и Јулија „од наше маало“, само што овде никој не скокна од балконот, туку Илина го напушти Балканот и замина отаде „големата бара“, да си ја бара (засега само) професионалната среќа во далечната Америка. Туѓината пуста да остане, или туѓино-јабано, што ми направи... како што се пее во песните народни, така и во случајов: Планинарката замина во прегратките на туѓината, а актерот и шоумен, остана јабана... До кога и дали дефинитивно, допрва ќе видиме, но она што е евидентно е дека на Игор Џамбазов многу тешко му падна разделбата од неговата сакана, Илина Арсова. Токму затоа можеби и сите очекуваа дека за денот на жената 8-ми Март, Игор најубавата празнична честитка ќе и ја упати токму неа, на Илина мома!? Патем сите беа љубопитни да ѕирнат што тоа осмомартовски ќе и напише, ќе и посака и испрати како порака стариот романтичар на својата се' уште љубена во далечната Америка? Арно ама, очекувањата се едно, а реалноста испадна сосема поинаква, откако „тажниот блузер“ упати една општа во свој стил до сите жени, а сепак најубавата осмомартовска честитка ја сочува за една сосема друга жена... Со неа не дели ниту љубовни емоции, ниту еротски авантури, ниту е во роднински врски, ама затоа дели нешто друго... Многу поискрено и повредно - колегијалност и пред се' огромно пријателство! Токму затоа Весна Бејби Петрушевска беше таа на која Џамбазов и ја упати најубавата осмомартовска честитка. И тоа како извадок од едно старо осмомартовско интервју од 2021 госина на еден од македонските портали (ММС), во кое запрашан: „Дали во Македонија препознаваш некоја Александра Колонтај, Роза Луксембург, Клара Цеткин.., некоја која влијаела врз промената на опшеството?“ - посочувајќи ја Весна Бејби кажа: „Денес во Македонија навистина има жени за почит. Жени борци, жени кои се пример во општеството, жени лидери во своите области. И многу им се радувам. Кога ги гледам нив и нивните приказни сигурен сум дека нашите жени се доказ дека се уште има надеж за жените воопшто. И за пример ќе ја издвојам мојата пријателка и колешка Весна Бејби Петрушевска. Најискрено и се восхитувам, за се што прави во име на жените, а особено за децата…“! Ова за годинашениот празник на жената го пренесе еден домашен блог, по што истото стигна до Бејби која не можеше да им одолее на среќата и возбудата, па и самата споделувајќи го цитираното, на Џамбаз му возврати: „Те сакам најпојќе братче, најубавата честитка денес“ - споделувајќи заедно со цитатот и фотографија од колегата! И после ова, некој нека каже дека на естрадата, меѓу актерите, водителите... постоела нетрпеливиост, суета, омраза, конкуренција...?! Фото: Инстаграм принтскрин/vesnapetrushevska/igordzambazov

Со овие подароци нема да згрешите: Што да им подарите на жените за 8-ми Март?

Слободанка Илиева — Wed, 08 Mar 2023 12:33:31 +0000

Ова се неколку едноставни, но моќни идеи за подарок кои би ја израдувале секоја жена за претстојниот празник 8.Март. Цвеќе Ова е првиот и очигледен избор на многу мажи и иако звучи како клише, сепак може да биде вистински израз на внимание, кое жената може да го почувствува од самиот гест, но и од изборот на она што го сочинува букетот. Обидете се самите да аранжирате нешто за да бидете уникатни, а ако не можете, одете со букет рози. Со розите никогаш не можете да погрешите. Книга Едноставен и не премногу оригинален подарок, но секогаш актуелен и прифатлив. Ако вашата партнерка сака да чита книги, тогаш овој избор е полн погодок. Можеби некогаш ви спомнала за некоја книга која е хит во моментот и би сакала да ја прочита или пак ви зборувала за жанровите кои ги обожава. Влезете во книжарница и направете го изборот. Ако ви дозволува џебот, одете со некоја хит трилогија. Ќе биде горда да ги нареди деловите на полицата. Рачна изработка Било да се работи за парче накит, гардероба, некој украс за домот или нешто друго, со рачната изработка не можете да погрешите. Уникатните парчиња се секогаш на цена, и нема жена која не ги посакува во својот естетски свет. Пронајдете нешто убаво и уникатно. Сигурно ќе ѝ се допадне. Кошница со производи за нега и убавина Денот на жената е ден кога креативноста во понудата на парфимериите доаѓа најмногу до израз. Наместо да посегнете по колекциите во картонска амбалажа во маркетите, појдете во некоја парфимерија и изберете убав комплет со производи за нега и убавина интересно сместен во кошница. Не бегајте од шминките и лаковите за нокти. Купките и шампоните не се единствената козметика која ја користат жените. Изненадете ја со изборот. Таа ќе се чувствува како ни самата да не можела да направи подобар. извор:курир.мк

Богат Русин и фрлил око на старлетата: Маја Маринковиќ ќе се мажи, татко и Таки пресреќен (ФОТО)

Антонио Димитриевски — Tue, 07 Mar 2023 11:48:49 +0000

Денес, 7-ми март 2023 година пријатно изненадување пристигна на адресата на Масја Маринковиќ, која се уште е учесник во реалнот шоу „Задруга“. Нејзиниот татко, Радомир Таки Маринковиќ неодамна откри во шоуто „Пулсот на Србија“ дека неговата ќерка ја чека богат Русин, кој е подготвен да се ожени за неа и кој веќе го подготви својот веренички прстен за свршеницата. Тој планира да дојде во Србија кога Маја ќе излезе од „Задруга“, така што како вистински господин од Таки ќе побара раката на неговата ќерка. Сега директно од Русија, како што се пренесуваат српските медиуми, пристигна подарокот по повод 8 -ми Март, кој ќе и биде доставен на старлетата во „Задруга“. Огромен букет црвени рози во форма на срце, куп скапи чоколади и сет од скапоцен парфем биле доставени на адресата на Таки, кого овој гест го оставил без текст. Како ќе реагира Маја Маринковиќ на подарокот и ќе се впушти ли во брачна врска со Русинот и чќе застане ли наскоро пред олтар, допрва ќе видиме? Фото: Инстаграм принтскрин/majaa_marinkovic

Димитар Атанасовски ја изненади сопругата со најоригинален подарок за 8-м Март: Сара Мејс, ем среќна, ем „верна“! (ФОТО)

Антонио Димитриевски — Wed, 09 Mar 2022 08:56:24 +0000

Денот на жената 8-ми Март не само паразник кој ќе мине туку така. Покрај се друго, на нивниот ден традицијата наследена од социјализмот налага на дамите вообичаено да им се даваат и некакви подароци. Ситни или крупни, сеедно, кој колку може да си дозволи... Важно е вниманието! Девојка или сопруга, љубовница или колешка, барем еден цвет заслужува да осамне во нејзините раце, заедно со осмомартовската честитка, се разбира! Но, некои одат и многу подалеку, па подаруваат многу повеќе од обична ситница, нешто многу поскапо, повредно, а во случајот на водителот и маркетинг претприемач Димитар Атансовски и ептен оригинално и уникатно! Имено, тој својата исто така позната сопруга, харфистката и пејачка Сара Мејс, реши да ја изненади со ептен уникатен подарок за денот на жената. Како што е познато, по најавата за драстично поскапување, деновиве тепачка за гориво на бензинските пумпи. Редици и колони возила, побарувачката огромна, а на многу места количината ограничена. Плинот, бензинот и нафтата и буквално станаа „црно злато“, вредно како и она, вистинското. Затоа Димитар покажа колку е снаодлив и итар, па со еден оригинален потег реши две обврски. Како прво, се спасил да не му ја мисли, шета, бара, пребира, губи време... што подарок да и купи на Сара за денот на жената, а како второ, со изборот што го направи, покажа дека е ем уникатен, ем подарокот „вреден и златен“. Имено, водителот на својата сакана сопруга за 8-ми Март и подари вредносна картичка за гориво од 5.000 денари. Сара не само што беше воодушевена што ќе може гратис да вози, туку остана и стаписана, а од радост за малку не и потекоа и солзи, од уникатноста на идејата на нејзиниот сопруг. Подарокот, ем практичен, ем вреден, а славеничката, ем среќна, ем... „верна“! Фото: Инстаграм принтскрин/dimitaratanasovski_

Празнична фасцинација: Игор Џамбазов вака им го честиташе 8-ми Март на сите жени! (ФОТО)

Антонио Димитриевски — Tue, 08 Mar 2022 08:01:33 +0000

Тој отсекогаш бил и креативец и уметник и боем, понекогаш во животот и негативец, но никогаш не заборавил да биде џентлмен. Особено кон дамите, и тоа најмногу, веројатно кога е заљубен. А бидејќи од љубов не се бега, Игор Џамбазов и овој пат не можеше да избегне под женски импресии да покаже колку го фасцинираат припадницките на понежниот пол. И тоа одново го стори во свој стил, токму на нивниот ден - денот на жената 8-ми Март! На сите логично не можеше да им подари ништо друго освен еден убаво спакуван „хвалоспев“ од срце, за тоа што кај жените го воодушевува, фасцинира, импресионира... штокоја е таа нивна особина која нему најмногу му се допаѓа. Осмомартовската честитка во вид на порка со дополнителна честитка, а во пораката Џамбазов го истакнува и фали она што кај жените најмногу го пали: „Жени, мене ме импресионира вашата упорност. Она што ќе го намислите, не сте мирни додека не го остварите. Иако, понекогаш знаете дека тоа е погрешно. Но, тоа ми се допаѓа! Тоа е филм, тоа е став!“ - напишал Џамбазов во пораката, со која им го честите 8-ми Март на сите жени. Онака во свој филм, но под женски импресии, може да се заклучи дека Џамбазов е најмногу фасциниран од женскиот став! А ставот меѓудругото, може да биде и стоечки, клечечки, лежечки... или каков веќе! Важно да е цврст и одлучен. Среќен 8-ми Март! Фото: Инстаграм принтскрин/igordzambazov

Владо Георгиев со осмомартовски мајтап за премиерката на Србија! (ФОТО)

Антонио Димитриевски — Tue, 09 Mar 2021 10:19:45 +0000

Познатиот поп пејач, автор и музичар, Владо Георгиев вчера ја навреди премиерката на Србија, Ана Брнабиќ, за Денот на жената, за која тој инсинуираше дека не е жена и дека не треба да и се честита 8 март - пишува српски Курир. Имено, тој на својот Твитер профил ја исмејуваше премиерката на многу грд и невкусен начин - смета српскиот портал . „Среќен 8 март, Ана Брнабиќ. Само се шегувам. Среќен 8 март на сите жени на Твитер, љубов за дамите“ - напиша Георгиев. Но, оваа негова шега не му беше смешна никому, напротив. Во изјава за Курир, комесарот за заштита на еднаквоста Бранкица Јанковиќ за твитот на Георгиев рече дека тој воопшто не е смешен, додека министерката за евроинтеграции Јадранка Јоксимовиќ оцени дека овој твит покажува само дефицит во можноста да се разбере и прифати правото на родов идентитет и правото на определба, кое е постигнато и во ЕУ и во Србија. „Забележувам дека бројни јавни личности се претставуваат како наводно да имаат прогресивни и либерални ставови, а потоа преку коментари покажуваат што навистина мислат, особено ако станува збор за некој чија политичка припадност не ја споделуваат. Сè на сè, ниту духовито, ниту интелигентно, а во исто време и банално дискриминирачки“ - рече таа. Георгиев остана нем на ова и не возврати со контра-коментар, зашто веројатно она што сакаше да го каже - си го кажа. Шега или навреда, која постигна ефект!

Бугарската „Мис силикон“ покажа што е еротски бон-тон: Џулијана Гани, гола мами во џакузи, а патем и чести! (ФОТО)

Антонио Димитриевски — Mon, 08 Mar 2021 10:28:27 +0000

Некогашната Мис еротик модел 20212 и Мис силикон 2013, сексапилната бугарска убавица Џулијана Гани уште еднаш ги разгоре страстите на социјалните мрежи. Расната Џулка, како што од милост ја нарекуваат, одново реши да ги стави во искушение обожавателите и следбиниците на социјалните мрежи, објавувајќи своја фотографија гола во џакузи, во кое позира само со пешкир на главата. Силиконската нимфа е свртена со грби па логично на фотографијата до израз и доаѓа убавиот извајан задник, како и многуте тетоважи како украс направени по должината на рбетот и левата плешка. Под фотографијата, фановите на Гани започнаа дискусија за тоа дали е во ред жена која веќе е мајка да се појави „пиштол гола“ и да се слика без ниту едно парче без облека? Иако некои од нејзините следбеници не го одобруваат нејзиното несериозно однесување, мнозинството сепак смета дека некогашната мисица е премногу млада, убава и сексапилна за да треба да се крие. Друго прашање е дали разголената Џулка не претерала во предизвикот и провокацијата до нацијата? Дури и да имала таков мотив, тешко дека некој од вистинските мажи би имал нешто против! https://arhiva.vistina.com.mk/radio-mileva/bugarskata-starleta-i-model-ciclestata-dzulijana-gani-so-pogled-ve-mami-gola-kako-sirena-vo-ribarska-mreza-foto/ Патем, Џулијана не заборави да ги почести и своите женски обожавателки за празникот на жената, 8. Март. „Ние жените сакаме да се чувствуваме секси и особено се грижиме за тоа! Го сакам времето кога мојот шминкер и фризер ме разубавуваат, расположуваат и даваат волја, средувајќи го мојот изглед. Тогаш дефинитивно имам ритуал на фотографирање, хаха. Минимум 100 пози и избор на 3 до 5 најдобри. Во оваа прилика, решив да подарам бесплатна шминка и фризура на моја сметка на една од вас! Постои повод - 8 март!“ - порача секси Џулка од својата постела, покажувајќи еротски бон- тон и почитување за празникот и кон понежниот пол. Извор:HotNews.bg Фото: Инстаграм принтскрин/djuliana_gani

Вредносни ваучери од DM – Совршен подарок за 8. март

Дејан Донев — Tue, 23 Feb 2021 13:03:41 +0000

Во пресрет на 8. март – Денот на жената, ве запознаваме со можноста на едноставен и брз начин да дојдете до соодветен подарок, независно дали станува збор за деловни партнери од „понежниот пол“ или едноставно, за драга личност во вашиот живот. Како 8. мартовски подарок, вредносните ваучери се одличен избор и за компании кои сакаат на своите припаднички на „понежниот пол“ да им го честитаат празникот, за што нудиме и можност за плаќање на фактура. Благодарение на неговата удобност, насекаде во светот ваквиот вид на дарување е многу проширен и популарен, а благодарение на мотивите, вредносните ваучери од dm совршено се вклопуваат како подарок за секоја пригода. Ваучерите може да се набават во сите dm дрогерии во вредност од 350, 500 и 1.000 мкд. Честитајте го Денот на жената на еден посебен и индивидуален начин.