7 дена – Вистина.мк

Македонскиот избор за Евровизија 2021 пред скандал: МРТ одново со Гарванлиев и рок од само 7 дена за евровизиска песна, пејачите и авторите пред бунт!

Антонио Димитриевски — Thu, 21 Jan 2021 09:01:04 +0000

„Според јасно утврдените правила од страна на ЕБУ кои ги обврзуваат националните радиодифузери да селектираат нова песна за Евровизија 2021, а самите да донесат одлука дали минатогодишниот претставник ќе остане истиот и годинава, Македонската Радио Телевизија одлучи задачата да ја претстави Северна Македонија на Евровизија 2021, да остане во рацете на Васил Гарванлиев. Бројот на земји учеснички за Евровизија 2021 е идентичен како и за претходната, која за жал не се одржа од причини добро познати за сите нас, предизвикани од светската пандемија со новиот корона вирус и беше заменета со алтернативно музичко шоу. За Евровизија 2021, се предвидени две полуфинални и една финална вечер, закажани за 18-ти, 20-ти и 22-ри мај во арената Ахој, во Ротердам, а повеќе од дваесет земји ги потврдија истите учесници селектирани од минатата година. Македонската Радио Телевизија пристапува кон избор на нова песна за Васил Гарванлиев и ги повикува сите заинтересирани страни да ги понудат своите музички проекти на следната е-маил адреса: [email protected], најдоцна до 27-ти јануари 2021 година“. Ова е отприлика содржината на соопштението кое јавниот сервис официјално го објави на 20 јануари 2021 година и предизвика бура во јавноста. Особено во онаа, естрадната, во која пејачите од македонската музичка сцена останаа стаписани, а авторите во неверување дали е ова можно: Да им се даде сами една недела, само 7 (седум) дена за да подготват песна, да ја средат, снимат и испратат на објавениот конкурс! Со сиот респект кон Васил Гарванлиев и неговите уметничко-вокални квалитети, кој за жал лани немаше можност да настапи и да ги покаже заради коронапандемијата, општо мислење меѓу естрадната фела е дека годинава сепак требаше да има „поинаков избор“... И на пејач и на песна. Корона кризата ги погоди сите естрадни уметници, повеќето дури и многу повеќе од самиот Гарванлиев, кој остана покус само за евровизискиот настап, а патем речиси никаде и не настапува, ако не се смета ланскиот „државно субвенциониран концерт“ во Домот на културата во Струмица, додека останатите останаа скоро една година „без леб“. Без можност за настапи, тезги, концерти, свадби, веселби... И ако не многу повеќе, тогаш се барем еднакво оштетени како и несудениот евровизиски пејач од Струмица. Но, Струмица е чудесно место... Таму ликовите како во матрица се повторуваат на најважните места во државата, на кои се доаѓа онака како што се доаѓа. Формално-правно легално, а зад плаштот на регуларното, скриено ѕирка сомнителното! Оттаму виси прашањето: Зошто повторно Гарванлиев и тоа без преседан, без можност за натпревар со останатиите колеги - изведувачи од естрадата? Тој повластен и награден, тие обесправени и лимитирани, со прстот во уста? Не дека формално-правно МРТВ нема право на своја одлука, но правото на преседан има и своја етичка и морална страна, ама и обврска и тоа не само кон естрадата, туку најмногу и кон своите гледачи, во исто време и даночни обврзници на оваа земја, од чии пари меѓудругото се финансира и МРТ и самата Евровизија! Потценувањето на нивната интилигенција ја отвора дилемата: Дали одново до убаво спакувано непрепознавање е доведена суштината на измамата? Од друга страна, авторите останаа стаписани од кусиот рок кој им е даден, зашто само 7 дена да се измисли, креира, отсвири, сними, аранжира, продуцира и испрати песна се не малку, туку ништо! Едноставно „невозможна мисија“, која во „5 до 12“ дури и да имате веќе готова песна е тешко остварлива и изводлива. Оттаму реакциите и нивниот револт и повик за бојкот на годинешниов избор за Евровизија. Некои од авторите, ценети, познати и признати музичари, дури и повикуваат на барање правна помош и судска разврска, за според нив, спречување на злоупотреба на службена должност. Сомничави се и некои од естрадните новинари кои веројатно поучени од минатото искуство, тврдат дека однапред веќе се' се знае и се' е договорено, а конкурсот за евровизиска песна е само „мачкање очи“, чиста формалност за да е запазат пропозициите. Сето ова остава простор за сомнежи, дилеми, недоумици, претпоставки, кулоарски муабети, чаршиски трачеви, медиумски шпекулации... Со еден збор, простор за креирање на нова афера наречена македонски избор на пејач и песна за Евровизија. Дали потегот на МРТВ ќе покрене лавина на нови незадоволства од која ќе произлезе поголем скандал, или се' ќе заврши на онаа народната: „Кучињата си лаат, карванот си врви“, ќе видиме наскоро. Седум дена се кус рок, бргу ќе минат, па да почекаме да видиме дали оваа одлука ќе биде „нагазна мина“ и за кого? Фото: Мартин Трајановски/ Фејсбук принтскрин

Недостатокот од интимен контакт повеќе од 7 дена доведува до сериозни последици за здравјето – Еве какви

Христина Ѓоргиевска — Thu, 16 Jul 2020 12:30:49 +0000

Благодарение на Интернетот може да научиме за многу работи, како на пример, дека одредени нешта во секојдневието се од голема корист за нашето здравје, за кои малкумина од нас се свесни. Таков е случајот токму со интимните односи, а недостатокот од истите повеќе од една недела доведува до сериозни последици за здравјето. Еве и кои:

1. Стрес

Практикувањето на интимни односи со партнерот се многу практичен и пријатен начин за намалување на стресот. Според истражување спроведено во 2005-та година, водењето љубов со партнерот значително го подобрува психичкото и физичкото здравје на телото. Дополнително делува како вежба, што ги прави инти мните односи идеални за слабеење.

2. Кардиоваскуларни проблеми

Сите ние знаеме дека оние кои воопшто не практикуваат физичка активност најчесто имаат проблеми со срцето. Бидејќи за интимните односи е неопходна физичка активност, токму истите го подобруваат здравјето на срцето и циркулацијата на крвта. Редовните интимни односи воедно го подобруваат и самото интимно здравје.

3. Ниска самодоверба

Ако живеете со партнерот, доколку поминете повеќе од 1 недела без интимни односи, тоа може да предизвика да се чувствувате непосакувано. Можеби ќе започнете да мислите дека повеќе не го привлекувате, а тоа сериозно може да ја наруши вашата самодоверба. Интимните односи се од големо значење, бидејќи за време на практикувањето на истите, се ослободуваат хормони кои ги балансираат нашите емоции. извор: Нане

Жените полудеа по оваа 7-дневна диета: Не мора да се откажете од ниедна намирница, а постои и нешто подобро!

Христина Ѓоргиевска — Thu, 31 Oct 2019 14:15:25 +0000

За време на есента, мотивацијата за диета опаѓа, се подготвуваме за ладното време и зимските услови, поради што многумина од нас помалку сметка за исхраната, а килограмите се “лепат“. За да го спречите тоа или да се ослободите од вишокот, обидете се да се придржувате до лесната диета, со помош на која може да загубите до три килограми, а притоа нема негативно да влијае на вашето здравје. Оваа диета се базира на есенски намирници, па во чинијата треба да имате воглавно зеленчук и месо. Предноста на оваа диета е тоа што не мора да исфрлате ниедна група намирници, а ниту количината која ќе ја внесете не е ограничена. Диетата трае седум денови, но тоа не значи дека не може да продолжите со ваквиот режим на исхрана и понатака. Појадокот секој ден е ист, а се состои од грејпфрут, кафе или чај без шеќер, парче препечен леб или тост. Прв ден Ручек: Мешано месо, домат, кафе, лимонада без шеќер Вечера: Риба од конзерва или на жар, салата од свеж сезонски зеленчук, обарен зеленчук, тост, грејпфрут Втор ден Ручек: Овошна салата, дозволени се сите видови овошје, не е важно дали суво или свежо Вечера: Ќебапи, домат, целер и маслинки Трет ден Ручек: Туна салата со лимон Вечера: Бифтек или некое друго месо на жар, сезонска салата Четврти ден Ручек: Две сварени јајца, сирење Вечера: Варено пилешко месо или пилешко месо на жар, свежа сезонска салата, тост Петти ден Ручек: Сирење, обарен спанаќ, тост Вечера: Риба од конзерва или на жар, мешана салата, обарено овошје, тост Шести ден Ручек: Овошна салата Вечера: Варено пилешко месо или пилешко месо на жар, свежа сезонска салата Седми ден Ручек: Пилешко месо на жар или варено, обарен зеленчук, грејпфрут Вечера: Месо на жар, краставица, целер, домат. извор: Курир.мк