45 години – Вистина.мк

Јелена Карлеуша со брутална порака до мажите што ги хејтаат жените во средни години: Внимавај да не те смени со некој од 20 години (ФОТО)

Антонио Димитриевски — Tue, 28 Nov 2023 13:26:07 +0000

Јелена Карлеуша иако не е во цутот на младоста, смета дека е во најдобрите години и видно ја вознемирува кога некој ќе каже дека жените на 45 години се „баби“ и не треба да се фотографираат. Таа сега им се обратила на мажите кои даваат непријатни коментари за жените на нејзина возраст и им ја кажала тажната вистина - дека всушност мажите се во многу полоша состојба.

View this post on Instagram

A post shared by Jelena Karleuša (@karleusastar)

Јелена истакна и што се случува секогаш кога некој ќе ја навреди за нејзините години:

View this post on Instagram

A post shared by Jelena Karleuša (@karleusastar)

„Секогаш кога некој ќе ме навреди затоа што имам 45 години, губам уште 100 грама. Од болка во... Секој пат кога некој ќе каже дека жените се 'баби' на 45, добивам уште еден мускул на стомакот, а задникот ми се крева за сантиметар. Секој пат кога некој ќе каже дека жените се 'стари' на 45 години, јас станувам уште помлада и побрутално пребирлива!Секогаш кога некој ќе каже дека 45-годишна жена не треба да ги фотографира „ци*ките и га*от“, јас покажувам „среден прст“ од 45 сантиметри. Баравте, гледајте!Не ги навредувајте жените поради нивната возраст, за да не почнат да ги навредуваат мажите поради млитавите гениталии, ќелавата глава, пивскиот стомак и промаја на сметката веќе на 30! Тие тогаш обично наоѓаат 20-годишно момче кое не гледа никаков проблем, напротив“!– напиша Јелена на својот профил на Инстаграм. Фото: Инстаграм/karleusastar

Ќе и дадете ли 45 години? Македонка „растури“ во „Никогаш не е доцна“

Христина Ѓоргиевска — Tue, 06 Nov 2018 08:46:29 +0000

Во емисијата „Никогаш не е доцна“, имаме прилика да гледаме и македонски натпреварувачи за кои не е доцна да го покажат својот талент. Претходната сезона ја одбележи 90 – годишната Добрила Ивановска Чабриќ од Дојран која со својата виталност и енергија го воодушеви регионот, но и победи во музичкото шоу.

Во последната емисија на музичкото шоу настапуваше и 45 годиншната Милена Јовановска од Прилип. Таа истакна дека од мала сакала да пее и дека има завршено средно музичко образование.

Инаку, Милена е самохрана мајка на својот единаесет годишен син. Во „Никогаш не е доцна“ ја изведе песната „Да је слаџе заспати“ од Даниела Мартиновиќ. Во црно фустанче и одличен мејкап Милена изгледа многу помладо и изгледа како девојче. Уште на самиот почеток на изведбата таа доби аплауз од публиката, а жирито имаше само пофални зборови. „Секако дека ви оди во животот и допрва ќе ви оди по гостувањето во оваа емисија“ изјави Сања Кужет која беше во емисијата.

Биља Крстиќ која исто така беше дел од жирито истакна дека Милена успеала да ги допре нивните срца.

„Многу ми се допаѓа што сте од Прилеп. Во Прилеп е роден најголемиот гитарист на сите времиња, Влатко Стефановски. Јас сакам Милена да дојде на мојот роденден на 9 ноември во „Комбак Арена“, да биде мој гост. Јас имам концерт, а Влатко Стефановски ќе ми биде еден од гостите на концертот“, изјави Биља. https://www.youtube.com/watch?v=Y6YR_URW3_Y foto:printscreen

МКЦ со богата програма за 45-иот роденден

Антонио Димитриевски — Tue, 09 Jan 2018 11:55:59 +0000

Традиционално, прв настан во новата година - РОДЕНДЕН. Откако во декември го прославивме 45 роденден на МКЦ, на 18 јануари се гледаме во МКЦ на торта. * Во Галерија МКЦ ќе биде поставена изложбата на фотографии: ГЛЕДАЈ ВО ПОЗИТИВ. Наке Батев ќе се престави со фотографии на тема ВТОРА ШАНСА, Томислав Георгиев EFFEGIES и Огнен Теофиловски И ЈАС ИМАМ СОН. ВТОРА ШАНСА Фото/Наке Батев „Со дрогата се сретнав во средно училиште. Станав зависник од хероин на 17 години. На 24 години бев осуден на две години затвор за поседување дрога. Оттогаш се се распаѓа во мојот живот“, сведочи Мац кој е фризер, роден 1982 година. Мац е отфрлен од родителите и од најблиските. Не добил никаква подршка за надминување на проблемот. Оставен е во руинирана куќа во градска населба, да се снаоѓа сам… EFFEGIES Фото/Томислав Георгиев Луѓето во Македонија треба да сфатат дека разновидноста е факт и прифаќањето е неопходно ако сакаат да бидат рамноправен член на ЕУ и современиот концепт на општеството. Ова е една од новите перспективи и ако земјата ја прифати и ја поддржува, таа ќе стане регионален лидер во оваа област, давајќи им пример на своите соседи кои се повеќе или помалку на исто ниво на развој во однос на заштитата и промовирањето на ЛГБТ права. “Effegies” е концепт за збирка на портрети, генерирани со причина, презентирани со провокација со цел на интеракција, како протест на стероитипите во нашето општество. И ЈАС ИМАМ СОН Фото/Огнен Теофиловски Во близина на хотелот Александар Палас спроти ултра луксузна куќа до поранешната дива депонија во мала картонска кутија поделна на соба и мало претсобје живее шестчлено семејство. Ферди кој има 34 години и Фатмира која има 30 години и нивните четири деца. Ферди е скопјанец, македoнски Ром кој ги има сите потребни документи, додека мајката Фериде е родена во Скопје, а преселена со семејството во тогаш Генерал Јанковиќ, село во округот на Урошевац, во јужниот дел на Косово, сега Хани и Елезит. При преселбата за време на конфликтот на просторите на поранешна СФРЈ во деведесеттите и се губат сите документи, како и нејзиниот идентитет. * Во Џебното кино ќе може да го погледнете Каде одат претставите што не се случуваат?, авторски проект на Драгана Гунин, единствениот изведувач во перформансот. Перформанс посветен на претставите што не се случиле, гледано низ призмата на театарски режисер и влијанието на политичката ситуација во работата. * Во кино Фросина како и секоја година ќе се одржи поетскиот перформанс „Песнило“, на кој ќе видиме млади поети (да видиме до каде е и што прави младинава денес ;) ), кои ќе ги трпат ѓурултиите на Иван Шопов. * Филмски маратон во кино Милениум * Во Планетариумот – BLIND DATE, програма курирана од „Ако никој не свири“. * Музичка програма: Обојени програм - бенд што постои речиси 4 децении и уште од првиот ден се наметнаа како состав со автентичен музички израз, а таа „автентичност“ не е лесно да се дефинира. Бранислав Бабиќ Кебра и Обојени Програм преку својата музика ги канализираат The Fall, Joy Division, Slits, Raincoats… но, во текот на целото постоење успеваат да не звучат како некои од наведените. Обојени програм се музички жанр сам за себе и нивната музика е неблагодарно да се споредува со било кој друг бенд. Обојени програм се избор што ќе го направите еднаш во животот и му останувате верни се’ додека во вас гори жарот на слободата и бунтот. Најновата „порака“ на Обојени програм е „Danas će se desiti nešto lepo” (Денес ќе се случи нешто убаво). Новиот спот сингл го работеше нивниот долгогодишен соработник Jovan Milinov Toba, а новата песна од 2017 година за Обојени Програм го најавува и новиот албум. Додека го завршат албумот, бендот во моментов концертно го промовира винилното издание „Exit 2017″, на кое се наоѓа спектакуларниот настап што го имаа на main stage на фестивалот EXIT. https://www.facebook.com/ObojeniProgram/ Милко е добро познат бенд на скопската публика. Милко е бенд од западно Скопје формиран 2006 година од Сашо Митревски, Стефан Терпини и Никола Кузмановски. Претходно работат под името Nicotine заедно со Милко Митровски го снимаат изданието Nicotine, кое е објавено декември, 2010. Во моментов се работи на материјалот за новиот албум, па публиката ќе може да слушне нешто и од новиот материјал, а секако ќе бидат изведени и постарите хитови на овој одличен скопски бенд. По долго време, повторно во МКЦ. https://www.facebook.com/millkoband/ Младиот белградски бенд Визељ по 2 најавени концерта во Скопје, доаѓаат под мотото „трета среќа“. Првиот пат требаше да настапт заедно со постарите колеги Репетитор, но поради здравствени причини не успејаа да гостуваат на тој концерт. Втор пат беа најавени на ПИН конференцијата 2017, но поради временски неприлики повторно не се качија на бината на МКЦ, се надеваме се’ ќе биде во ред на 18. јануари и ќе успееме да го видиме и слушнеме овој млад и надежен бенд, кој постариот нивни колега Никола Врањкович ги опишува во една реченица како – „бенд, кој има нешто што го имаа Шарло и нешто што го имаше Азра во раниот период“. https://www.facebook.com/Vizelj/ The Local Blue се инструментален рок бенд од Скопје, Македонија. Формирани се во 2016 година. Во бендот свират Кристијан Новковски (тапани), Владимир Бичковски (бас) и Кристијан Савиќ (гитара). Инспирирани од Clutch, Ali Farka Touré, Jimi Hendrix, Rage Against the Machine и многу други андерграунд стонер и сајкеледик артисти. https://www.facebook.com/thelocalblue/ Бифето на МКЦ е во сигурни раце. Целовечерен сет на сериозна Диџејска екипа собрана под името Funky Fresh. Funky Fresh кауза од Скопје за хип хоп и фанк, посветена екипа со редовни настани во Капан Ан. https://www.facebook.com/FunkyFreshSK/ Се гледаме во МКЦ