Елена Велевска повторно блеска: Пејачката славеше роденден, како да слави втора младост – „Овој живот убав е“… особено кога се живее без стеги и по свое! (ФОТО+ВИДЕО)

Антонио Димитриевски — Wed, 26 Oct 2022 08:39:10 +0000

Елена Велевска славеше роденден. Иако на дамите сто пати сме рекле и пак ќе кажеме дека не им се бројат годините, пејачката не ги криеше. Ниту нив ниту роденденските желби, што самата си ги посака, јавно споделувајќи ги на својот фејсбук профил. А фолкерката скромна како и секогаш или подобро речено како никогаш досега посака она што секој човек основно го посакува и наздрави со овие зборови: „Во 42-та година посакувам Бог да е секаде со мене и моите најблиски. Да бидам опкружена со многу љубов, музика и вистински пријатели. На здравје“ - сподели пејачката покрај фотографијата на која изгледа божествено. Впрочем како и на сите последни, откако успеа да ги преброди сите премрежја што во оприватниот живот последниве две години и се случија. Имено, откако на почетокот на 2020 година, фолк пејачката Елена Велевска откри дека и покрај сите обиди и напори да го спаси бракот, се разведува од сопругот, започна нејзината голгота да чекори „боса по пеколот“. Следуваше бракоразводната постапка по која нивните три деца останаа да живеат во Охрид со татко им, а Елена се врати во родниот Прилеп. Тогаш „скршена од болка“ која и физички и се познаваше на ликот и снагата, Елена отворено проговори и пред камерите: „Изгубив сė. Останав силна. Бог е тој што дава и Бог е тој што зема. Останав достојна на сė што ми се случи, на сите падови, на сите порази кои што ми беа приредени во животот, како професионално немавме работа, така и приватно. Јас велам дека во 2021 си го најдов мирот, си го вратив своето здравје“ - раскажа тогаш пејачката. Неодамна Елена се всели и во новиот дом во Прилеп. Со неа нејзините најмили, нејзините три алтани, децата Софија, Марко и Калија. Затоа годинава Елена Велевска го славеше не само роденденот, туку со него ја славеше и својот втор живот, својата втора младост. Зашто „Овој живот убав е“ - како што самата пее во една од нејзините последни песни. Особено кога се живее растоварено, без грижи и стеги, како што таа сега го живее, онака како што посакува - по свое! Затоа Велевска сега и толку блеска... И во погледот и во ликот и во ставата... Истакнувајќи го одново на површина нејзиниот неодолив секспил, кој покрај гласот секогаш е и бил, нејзиниот најголем адут за успех. Фото: Фејсбук и Инстаграм принтскрин/evelevska

Ксенија Пајчин денес требаше да наполни 42 години: Пред судниот ден била на ТВ и сите го забележале кобниот предзнак (ФОТО)

Антонио Димитриевски — Tue, 03 Dec 2019 11:53:12 +0000

Пејачката Ксенија Пајчин беше трагично убиена на 16 март 2010 година, кога нејзиното момче, манекенот Филип Каписода, коа ја убило во нејзиниот стан на улицата Никшиќка, а потоа извршило самоубиство, да бепе жива, денес би го славела 42-риот роденден. Таа својот последен сингл го издаде во 2009 година во соработка со MC Stojan („Побрзај“), кој постигна голем успех, иако уште од 2006 година пејачката немаше издадено ниту еден албум. Јавноста ја ја поврзуваше со многу момчиња во животот, а еден од нив беше и Бане Ковачевиќ од групата „187“, кој почина неодамна при операција на срцето. Многумина го сметаат Бане и за нејзината најголема љубов, а кога се впушти во романса со манекенот Филип Каписода, сè и тргна надолу. Во нејзиниот последен телевизиски настап на „Вие прашувате“, Ксенија се појавила со модринка, поради што сè уште се шпекулира дека Каписода уште претходно физички ја малтретирал својата девојка. Само неколку дена подоцна, манекенот ја уби Пајчин, а потоа и самиот си пресуди. Миа Пајчин, полусестрата на Ксенија, напиша вознемирувачка порака на Инстаграм. „На денешниов ден, многу пријатели на Ксенија се сетија на нејзината големина и споделија емотивни пораки, а најемотивниот пост е од нејзината сестра Миа Пајчин: "42? Денес тоа би прославувале... Замиси, јас имам 22 години. Колку бргу лета времето... Јас би сакал да ти раскажам толку многу, но ... Знам дека ме чуваш безбедно, знам дека се смееш и таму затоа што си и таму најубава и им заведуваш ред. Она твоето... Мисли на тебе и те сака твојата сестричка. Ксенија е тука“ - напишала Миа, споделувајќи ја нивната заедничка фотографија.

42 роденден – Вистина.мк

Ксенија Пајчин денес требаше да наполни 42 години: Пред судниот ден била на ТВ и сите го забележале кобниот предзнак (ФОТО)