Во американската амбасада во Скопје и годинава се пееше македонската химна: Тара не е Тамара да направи катастрофа, па од А до Ш точно ја испеа секоја строфа!

Антонио Димитриевски — Fri, 07 Jul 2023 08:42:55 +0000

Во Американската амбасада во Скопје и годинава се одбележуваше 4-ти Јули, денот на независноста на САД кој го означува раѓањето на државата, односно денот кга САД ја обезбедија независноста од Британската империја. До душа прославате се одвиваше два дена подоцна, на 6-ти јули, но традиционално во кругот на комплексот на амбасадата, каде меѓудругото на коктел забавата секогаш се поканети мноштво видни личности од македонската политика, бизнис елита, претставници на медиумите, но и дел од јавните и естрадните личности. И како што налага традицијата меѓуостанатото вообичаено е да се изведе покрај американската и македонската химна „Денес над Македонијасе раѓа“ која најчесто ја изведува некоја од македонските музички ѕвезди. Годинава македонската химна на прославата во Американската амбасада ја изведе пејачот Александар Тарабунов - Тара. И ја испеа акапела, само со својот вокал и тоа беспрекорно... Тара не е Тамара да направи катастрофа, па од А до Ш точно ја испеа секоја строфа! Така се коментираше на социјалните мрежи, а најгласна неговата роден сестра Христина која го објави и видеото со изведбата, па покрај него во описот напиша: „Ај Добро утро, И во сон да го прашаш, ќе го знае текстот... Фала браЦ, вака ни еден аларм на светот не ме исправил сабајлечки“ - напишала сестрата на Тара во објавата на Фејсбук, очигледно споделена уште со „првите петли!“ Порака во стилот: „Ти кажувам брате Тара, сети се Тамара“... Или така некако! Како потсетување на големиот скандал кога во 2019 година Тамара Тодевска која тогаш беше избрана на прославата да ја испее химната на Република Македонија „ја утна истата“ пеејќи ја во своја верзија, од која беа исфрлени стиховите: „Гоце Делчев, Питу Гули, Даме Груев, Сандански“... За едни намерно понечија нарачка, за други случајно, за трети заради збунивачка трема на пејачката, за неа лавина обвинувања, напади, навреди, па дури и закани на социјалните мрежи и воопшто во јавноста. Кутрата пејачка не знаејќи како да се одбрани и извади, мораше или поточно реши „испуштените стихови“ дури и да си ги истетовира на сопственото тело! Како и да е македонскиот пејач овој пат совршено ја изведе „Денес над Македонија се раѓа“. Одважно, сигурно, без фалш и стиховно „карикирање“... Башка, на Тара, веројатно не му е и до тетовирање! Фото: Фејсбук и Инстаграм принтскрин

Тамара Тодевска на настапот во амбасадата на САД ги „избриша“ Илинденците од македонската химна: Гоце Делчев, Даме Груев, Питу Гули, Сандански… прескокнати во изведбата! (ВИДЕО)

Антонио Димитриевски — Thu, 04 Jul 2019 06:51:59 +0000

На синоќешната прослава на Дeнот на нeзaвиcностa на САД, 4 Јули, што се одржа во дворот на американската амбасадата во Скопје, Тамара Тодевска беше избрана да ја испее македонската химна. И го стори тоа, со своја верзија, од која беа исфрлени стиховите: „Гоце Делчев, Питу Гули, Даме Груев, Сандански“, кој во последната официјална верзија на химната од 1991 година се повторуваат четири пати.

И покрај тоа што не функционираа Фејсбук и Инстаграм, па веста релативно доцна се прошири, рекациите на социјалните мрежи беа силни и бурни, па дури и на официјалната Фејсбук страница на Американската амбасада во Скопје..

Но, меѓу нив изостанаа реакции од државниот врв кој присуствуваше на настанот, како претседателот Стево Пендаровски и премиерот Зоран Заев, кои се гледаат во првите минути од видеото.

Напротив, тие аплаудираа на ваквата скандалозна изведба на македонската национална химна. За Тамара и за сите кои ја сквернават националната македонска химна, ова е текстот, востановен во 1991 година.

Химна на Република Македонија Денес над Македонија се раѓа, ново сонце на слободата! Македонците се борат, за своите правдини! Македонците се борат, за своите правдини! Одново сега знамето се вее, на Крушевската република! Гоце Делчев, Питу Гули, Даме Груев, Сандански! Гоце Делчев, Питу Гули, Даме Груев, Сандански! Горите Македонски шумно пеат, нови песни, нови весници! Македонија слободна, слободнo живее! Македонија слободна, слободнo живее!

Извор: Република.мк

Фото и видео: Фејсбук

4 јули – Вистина.мк

Во американската амбасада во Скопје и годинава се пееше македонската химна: Тара не е Тамара да направи катастрофа, па од А до Ш точно ја испеа секоја строфа!