Општина Кисела Вода и КК „Ангели“ организираат голем спортски настан

Антонио Димитриевски — Wed, 21 Aug 2019 12:53:38 +0000

Општина Кисела Вода во соработка со кошаркарскиот клуб „Ангели“ во рамки на „Културното лето Општина Кисела Вода 2019“ организира голем спортски настан на отворено. Првиот 3х3 Fiba endorset турнир „Кисела Вода 2019“, на 30 и 31 август, со почеток во 17 часот ќе се одржи на спортските терени во училишните дворови на ООУ „Рајко Жинзифов“ во населбата Драчево и СЕПУГС „Васил Антевски – Дрен“.

На истиот покрај официјалниот 3х3 турнир на кој што ќе учествуваат најдобрите 16 екипи, кои ќе играат по официјални 3х3 правила, ќе биде организиран и „Баскет турнир“ по стари маалски правила. На 1 септември со почеток во 22:00 часот финалниот натпревар ќе се игра во дворот на СЕПУГС „Васил Антевски – Дрен“. За најдобрите КК „Ангели“ од Кисела Вода обезбеди награден фонд од преку 100.000 денари.

„3х3“ баскет турнир и многу забава на едно место

Антонио Димитриевски — Mon, 28 May 2018 08:46:33 +0000

Настанот ќе започне со ревијален турнир и тридневен хепенинг во Скопје Сити Мол, на 5то ниво од катната гаража на трговскиот центар. Турнирот „3х3“ ќе се игра од 1ви до 3ти јуни, а натпреварите ќе започнуваат во попладневните часови и ќе траат до полноќ. Ќе се игра во систем по групи, а потоа ќе следи вкрстување и нокаут-рунда. Покрај официјалнот дел со натпреварите, во рамки на тридневниот настан, посетителите ги очекуваат и многу други забавни активности, натпревар во забивање, натпревар во шутирање на тројки, хип хоп танцување, детски баскетболџии, корнер со стрит фуд храна, итн. Присутните ќе ги забавуваат Диџејите на Скопски Грув (Диџеј Duble G) и Funky Fresh (Диџеј Гоце САФ, Диџеј Чваре и Диџеј Oky Doky), а настанот ќе го модерира Павле Паки (Ведермен).

„Ова лето ќе започне со голем спортски настан, премиерната 3х3 лига на РМ – вистинско освежување во нашата спортска култура. Лигашкото натпреварување ќе започне од 1ви јуни, а ние како совршена локација за старт на турнирот го одбравме Скопје Сити Мол кои нѐ поддржаа и станаа дел од овој настан, придонесувајќи со многу активности и забава за сите посетители во нивен препознатлив стил. Во лигата која ќе трае до септември ќе можат да се пријавуваат и професионални кошаркари и рекреативци. Екипите коишто ќе бидат најуспешни во текот на сезоната ќе се квалификуваат на завршниот турнир. “ – изјави Драган Караџовски од Здружението „3х3“. Овој 3х3 баскет турнир е официјално признат од FIBA која што е дел од календарот на светската куќа на кошарката, а оттука стартува и првата 3х3 лига на територијата на Република Македонија. Oвој спорт доби свое место во олимпискиот календар, како официјална олимписка дисциплина кoja ќе биде промовирана во 2020-та година на Летните Олимписки Игри во Токио. Турнирот е поддржан од Агенцијата за млади и спорт и Македонската Кошаркарска Федерација.

3х3 – Вистина.мк

Општина Кисела Вода и КК „Ангели“ организираат голем спортски настан

„3х3“ баскет турнир и многу забава на едно место