39 години – Вистина.мк

Познатата актерка призна дека сѐ уште е девица, а откри и зошто – со нејзината исповед водителката ја остави во шок (видео)

Слаѓана Атанасова — Wed, 08 Nov 2023 08:06:38 +0000

Американско-нигериската актерка и комичарка Ивон Орџи (39), позната по улогата на Моли Картер во серијата „Несигурни“, во подкастот „Драга Челзи“ на Челзи Хендлер откри дека сѐ уште е девица. - Уште си девица? – праша водителката, на што Ивон кратко одговори: - Да, сум- потврди актерката. - Ова е најоригиналниот гостин што сме го имале досега - низ смеа изјави водителката Челзи и ја праша Ивон колку години има. - О Боже, таа брана еден ден ќе се скрши - рекла Моли. - Сексуалната кулминација ќе ја достигнете кога ќе започнете со врски, па да, веројатно ќе ви требаат неколку мажи - и порачала Челзи, а нивниот разговор можете да го слушнете во видеото подолу.

View this post on Instagram

A post shared by Chelsea Handler (@chelseahandler)

Ивон и претходно јавно проговори за тоа, нагласувајќи дека нема да има однос пред брак. - Луѓето прашуваат за тоа затоа што се љубопитни или можеби не разбираат. Како воопшто ќе разберат ако не зборувам за тоа? Секој на некој начин создава свои мислења за тоа – изјави еднаш познатата актерка. Фото: Принтскрин/Инстаграм/Јутјуб

Поминаа 39 години од трагичната сообраќајна несреќа во која загинаа пејачката Сашка Петковска – Липша и три члена на балетската група “Авона”

Антонио Димитриевски — Thu, 01 Sep 2022 06:51:58 +0000

Се навршија 39 години од трагичната сообраќајна несреќа во која загинаа Сашка Петковска и тројцата членови на балетската група „Авона“. Сашка Петковска-Липша, жената со најубавиот глас на сите времиња. Загина на 32-годишна возраст, во кобна сообраќајна несреќа на патот Куманово – Свети Николе, на 31-ви август (среда) 1983-та година. Зад себе ги остави сопругот Марио Липша и двете ќерки Сандра и Леа. Марио почина годинава, 2022, на 25 мај. Сашка имаше плодна кариера, безвременски глас, ѕвезда и харизма благодарение на која важеше за една од омилените пејачки на југословенската сцена. Пленеше и со стилот. Секогаш авангардна, дама со изграден и софистициран стил, која светските трендови ги носеше директно на регионалната сцена. Таа беше и членка на легендарната вокално-инструментална група „Македонија” предводена од трубачот Благој Чешларов, заедно со Даниела Панчетовиќ, Кирчо Поп Лазаров, Зорица Поп Панкова, Верица Ристевска, Панче Кочовски. Нејзините евергрини „Бакни ме”, „Чао, адио”, „Пушти ме како птица”, „Запри срце”, „Никогаш никогаш”, „Гриша”, „Сеќавања”, се лектири на македонската и југословенската поп сцена. Покрај единствената Сашка во тешката сообраќајна несреќа животите ги загубија и тројца членови на балетската група „Авона“: Вељко Павичевиќ (1957), Петранка Несторовска (1956) и Евдокија Алексова (1961). Балетската група „Авона“ остави белег со своето работење кон крајот на седумдесеттите и почетокот на осумдесеттите години. Македонските „локици“ се разликуваа од своите колеги по тоа што во редовите го имаа и Вељко Павичевиќ. Во првата постава беа Фроска, Пепи, Жане, Бети и Вељко. Подоцна се приклучи Вељка и Еви. „Авона“ како балетска група во своите настапи придружуваше повеќе југословенски и македонски естрадни имиња, а настапуваа и на модни ревии како фотомодели и на „Скопски фестивал“. Спомените болат, но секогаш се тука, за ваквите великани никогаш да не заминат во заборав. Насловната страна на весникот Вечер која ја обзнанува трагичната вест е од 02.09.1983 година.

Сите го знаеме како Марио од „Преспав“, а еве колку години наполни Васил Зафирчев

Христина Ѓоргиевска — Sun, 03 Mar 2019 09:30:45 +0000

Актерот Васил Зафирчев имавме прилика да го гледаме во улога на готвачот Марио во македонската ТВ серија „Преспав“. Преку своите карактеристики на ликот тој ја освои публиката. Тој неодамна гостуваше во емисијата „Живот со стил“ каде што истакна дека од Марио ги има само добрите особини.

Марио односно Васил деновиве го прослави својот 39ти роденден, а на неговиот Фејсбук профил се нижеа честитки и желби. Зафирчев на социјалните мрежи им се заблагодари на сите пријатели, роднини, следбеници за искрените и убави зборови. „Сé тече. Ништо не останува исто, освен некои мигови, кои понекогаш ни изгледаат како да траат вечно. Животот е промена, трансформација, континуирано постоење, развој. Драги пријатели, ви благодарам од срце на убавите мисли, желби и честитки по повод мојот 39-ти роденден. На сите ви возвраќам само со една желба, да го сакате животот повеќе од неговата смисла! На здравје, на живот!“ напиша атерот на „Фејсбук“.

Веруваме дека Зафирчев имал роденденски ден и дека го поминал во кругот на најблиските и најмилите. фото: Фејсбук