Македонската ријалити ѕвезда, модел и инфлуенсерка во триесеттата изгледа како тинејџерка: Елеонора ги „излижа годините“ со иста сласт како и вистинскиот човек до себе (ФОТО+ВИДЕО)

Антонио Димитриевски — Wed, 08 Nov 2023 10:10:39 +0000

За едни ријалити ѕвезда, за други само старлета, за трети ТВ водителка, за повеќето модел и инфлуенсерка... За сите расна убавица, една од најзгодните и телесно најнадарени македонски јавни личности, која последниве години и ососбено откако лани се омажи, како да се повлече од јавноста во која се помалку ја има. Да не се социјалните мрежи Елеонора Миљковиќ, сега Кочовска можеби ќе беше и подзаборавена, вака нејзината активност на Инстаграм како модел и инфлуенсер ја одржува во јавниот живот. Годините минуваат, а со тоа и родендените, па иако оддамна сме рекле дека на „дамите не им се бројат годините“, кај убавата Нора и може и не мора... Може зашто и самата не ги крие, па така неодамна на „денот што го чекаме цела година“ и самата откри колку години наполни, а не мора зашто и покрај тоа што зачекори во четвртата деценија, Елеонора изгледа како тинејџерка. Или...

View this post on Instagram

A post shared by Елеонора Кочовска (@__elle.m__)

„Во право се кога ќе ви кажат дека на 30 сте во најубавите години од животот, сепак јас мислам дека со вистинските луѓе околу себе ќе се чувствувате убаво во секоја животна доба, а годините ќе бидат само една бројка која ќе биде причина за луѓето да ги збунуваш и секој пат да ја слушнеш омилената моја реченица: 'Нема шанси ти да си на ТИЕ години и да изгледаш вака” - што би рекла самата Елеонора . Роденден без торта не бидува, а украсот на истата јасно асоцира како славеничката ја доживува возраста, ама кој како ја доживува нејзината реакција на украсот - е друга работа! Како и дилемата, дали и зошто токму на „средниот прст“ од украсот паднал изборот да се покаже „владеењето на јазикот“? До душа ова не и е прв пат на славеничката ваквата своја вештина јавно да ја демонстрира... И тоа, како што вели, на вистинските луѓе околу себе, поточно, на вистинскиот човек до себе! Како и да е, годините и се таман, бракот реализиран, однеодамна куќата побогата за уште едно бушаво домашно милениче... И ако до сега сето тоа Елеонора на свој начин го споделуваше на својот Инстаграм, она што на нејзините приказани последно осамна, можеби нешто ново наговестува? Зашто, видеопрошетката по детскиот бутик на многумина им асоцираше само на едно... Штркот тргнал на пат кон нечие семејно гнездо или барем такви се желбите и плановите - да го побудат наскоро да долета? Фото: Инстаграм/__elle.m__

Симона Поповска го дочека роденденот со гламурозна забава во интимна атмосфера: „30-ката никогаш не изгледала толку добро“! (ФОТО)

Антонио Димитриевски — Wed, 30 Mar 2022 08:05:47 +0000

Таа е веројатно најзгодната и најубава докторка меѓу пејачките и пејачка меѓу докторките... Така барем велат, а не се далеку од вистината, зашто Симона Поповска така и изгледа. Атрактивната охриѓанка со скопска адреса на живеење ја дочека 30-ката. Иако на дамите не им се бројат годините, Симона самата ги откри откако се онеколку фотографии на својот Инстаграм се пофали со роденденскиот гламур, аутфит и целата кореографија со која раскошната убавица ја испраќа третата деценија од својот живот и ја раситни четвртата. Гламурозна роденденска забава во бело беше она што и го обележа денот што го чекаме цела година на др. Симона. Роденденската атмосфера интимна, во кругот на најблиските и најсаканите, со златно-бели балони, две големи бројки што ги означуваат годините, кутија црвени рози и роденденска торта во истиот стил со комплимент во вид на титула испипшан на неа: „Кралицата Симона“! А „роденденската кралица“ на прославата изгледаше повеќе од секси. Во бело мини фустанче спо длабоко деколте, качена на високо потпетици, со фризура и широка насмевка славеничката блеска и без круна на главата! „Толку сум благодарна за патувањето со кое животот ме благослови досега. Исто така, сакав да се заблагодарам на секој од вас што направивте тоа да биде многу подобро! 30-ите никогаш не изгледале толку добро“ - порачала славеничката во својата роденденска порака на Инстаграм. Инаку мaкедонската пејачка и докторка Симона Поповска, кон крајот на месец април 2021-та за првпат се реализираше и во улогата на мајка. Таа целата своја бременост и веста за приновата ги криеше од јавноста и на социјалните мрежи не објавуваше фотографии од трудничкото стомаче. Веста за пристигнување на новиот член на семејството се обзнани на социјалните мрежи кога почнаа да пристигнуваат честики на сметка на пејачката, која за разлика од бременоста и породувањето, радоста за денот кога ја раситни четвртата деценија јавно ја сподели! Фото: Инстаграм принтскрин/simonapopovskaofficial

30-ка – Вистина.мк

Симона Поповска го дочека роденденот со гламурозна забава во интимна атмосфера: „30-ката никогаш не изгледала толку добро“! (ФОТО)