Дневен хороскоп за понеделник, 3-ти јануари 2022-ра

Христина Ѓоргиевска — Mon, 03 Jan 2022 11:33:35 +0000

ОВЕН Доколку сте планирале приватен бизнис, сега е можноста за тоа. Договорете се со семејството или со пријателите, разработете заедно некој нов бизнис. Доколку веќе работите приватно, овој период ќе биде одличен за вас. Обидете се да ги искористите сите бенефити кои ќе ви бидат понудени. БИК Верувате дека ќе ви се јави некој кој е подготвен да ви помогне да ги решите важните проблеми. Ќе добиете можност да се сретнете со личност од знакот Рак во вечерните часови, можеби и со некој Лав или Јарец и со нив да ги поделите своите искуства во врска со работата во прватната компанија којашто вам ви е многу драгоцена. Можна е добра вест во врска со пари. БЛИЗНАЦИ Денеска конечно ќе соберете смелост и ќе поведете храбри битки. Се разбира, вашата решителност и цврстиот став во клучните моменти ќе ви помогнат да стигнете до посакуваната победа. Единствената мисла која секогаш треба да ја имате на ум е да не ги газите сопствените принципи. РАК Пријателите или вашиот партнер нема да комуницираат со вас на вообичаен начин. Нешто им пречи на вашите драги лица, но тие не сакаат сега да разговараат за тоа. Дури и ако започнете да ги распрашувате, нема да ви одговорат. Може да добиете сосема спротивна реакција од онаа којашто ја очекувате. ЛАВ Не се форсирајте да правите работи кои не ви носат задоволство. Денеска нема да бидете особено комуникативни и друштвени, па не ги прифаќајте поканите за средби само за да покажете дека сте лојален пријател. Сите околу вас го знаат тоа, не треба да им го докажувате. Желбата за подобрување на општественото дејствување ќе ви се појави по зајдувањето на сонцето, па со возбуда ќе ги планирате вечерните средби. ДЕВИЦА Денеска цел ден ќе бидете обземени од длабоки мисли. Ќе размислувате за различни сегменти од животот, како ви оди, што да промените и сл. Не мислете дека сте луди поради тоа. Запишете ги своите мисли. Кој знае, можеби подоцна ќе ви бидат од полза. ВАГА Не би било мудро да навлегувате во расправии со лицата Стрелец или Рак, особено ако немате добри причини а темата се однесува на пари. Имате неколку начини како да пласирате идеи и што побрзо да ги претворите во пари. Ќе добиете повик да се сретнете со некоја Риба или Девица во врска со некоја заедничка работа. Покажувате добра волја да се среди еден многу важен проблем околу кој извесно време сте ангажирани. ШКОРПИЈА Она што вам може да ви се случува во следните неколку дена се секако задоволствата од некакви ваши активности и напори на јавен план или успеси во работата, кои ќе ве направат задоволни, а притоа ќе имате и значајна финансиска поткрепа или приливи. Штедете пари, ќе ви бидат потребни за некој нов проект во кој ќе сакате да инвестирате. СТРЕЛЕЦ Голема моќ се крие зад вашата самодоверба. Затоа искористете ги околностите и блеснете со вашиот ентузијазам. Можно е да реагирате премногу бурно на некој коментар од близок пријател, што не е вообичаена реакција од ваша страна. Обидете се да се контролирате и да не кревате голема врева за ништо. ЈАРЕЦ Чувствувате потреба за размена на идеи. Веќе на прв чекор настапуваат разочарувања. Морате да бидете свесни дека моменталната смисла за комуникација не ви е силна страна. Се советува поголема доза на објективност во деловните соработки. Штедете ги парите кои во моментов ги поседувате, постои можност наредниот период да биде неповолен за вашата финансиска состојба. ВОДОЛИЈА Флексибилноста ќе ви го одбележи денот и промените во плановите нема да ви го расипуваат расположението. Помогнете им на луѓето околу вас да сфатат дека животот е непредвидлив и дека треба да бидат поспонтани за да уживаат во него. Некој се обидува да ви го пренесе своето животно искуство. Многу ќе изгубите ако го игнорирате поради презафатеност. РИБИ Не се чудете ако денеска чувствувате потреба за свој простор. Колку и да уживате во друштво на други луѓе, потребно ви е време само за вас. Обидете се денеска да работите сами, а ако не сте во можност, тогаш секако после работа, тргнете се од сите и одете сами на прошетка. Ако во последно време не ви одеше најдобро со луѓето кои ви значат, размислете за своите очекувања од тие луѓе. извор: нетпрес

3-ти јануари 2022-ра – Вистина.мк

Дневен хороскоп за понеделник, 3-ти јануари 2022-ра