3 причини – Вистина.мк

Експертот открива 3 причини зошто мажите стануваат незаинтересирани за врска

Христина Ѓоргиевска — Tue, 08 Mar 2022 13:00:37 +0000

Ќе се согласите дека речиси секое влегување во нова врска е едно од најубавите чувства на светот. Првиот месец вие и вашиот партнер го имате целото време на светот, трпението, вниманието и подароците се во изобилство и се изгледа толку совршено. Меѓутоа, често се случува една од двете лица, а најчесто, според експертите за врски, маж, да се повлече од љубовна врска без причина. – Како експерт за љубов, разговарам со мажи и жени кои се жртви на вообичаеното однесување кое предизвикува крај на врската, вели експертот за врски Клеј Ендрјус. Кејл вели дека мажите се тие кои во повеќето случаи одлучуваат ненадејно да исчезнат од животот на партнерката. Според него, постојат три главни причини зошто мажите губат интерес за врска.

Брзо сте се заљубиле во него

Мажите сакаат да ја гледаат и да ја искусат својата подобра половина како награда за која треба да се борат. Тие ја гледаат жената што ќе ја изберат како свое достигнување. Тие сакаат да имаат до себе жена која е самоуверена, која има свое мислење и која не е лесно да се освои. Така, мажите се повлекуваат кога жените стануваат премногу „лесни“ за освојување.

Тој мисли дека не може да ви го покаже своето вистинско лице

Следната причина зошто мажот губи интерес е затоа што не чувствува дека може да биде ранлив пред вас. – Ова често е предизвикано од високите очекувања, осудувачкото однесување или некој друг начин на кој жените сакаат да го контролираат однесувањето на партнерот, објаснува Ендрјус.

Во неговиот живот се случуваат други работи

Друга причина зошто мажите губат интерес е затоа што едноставно имаат други приоритети во животот. Работата, примарната семејна и финансиската состојба се проблеми кои спаѓаат во оваа категорија. Мажот е фокусиран на она што му е најголем приоритет во моментот, а можеби тоа не сте вие. – Кога поминува низ тежок период, неговиот фокус природно ќе биде на она со што прво треба да се соочи – заклучува експертот за односи Клеј Ендрјус. извор: Курир.мк

Топ 3 причини зошто мажите ги оставаат добрите жени: Една особено ќе ве изненади

Христина Ѓоргиевска — Fri, 25 Feb 2022 14:30:11 +0000

Во дел од врските раскинувањето е сосема очекувано и очигледно, но во некои доаѓа како „гром од ведро небо“. Кога се работи за овие вторите, постојат 3 главни причини заради кои мажите бегаат од добрите врски со квалитетни жени.

Тој чувствува дека е под притисок

Дали постојано го „бркате“? Дали сакате повеќе љубов, внимание и секс отколку што ви дава? Дали постојано нешто „средувате и поправате“ во односот? Ако се пронајдовте во некое од овие прашања, тогаш голема е веројатноста дека мажот, порано или подоцна, ќе почувствува притисок заради незадоволство. Повеќето мажи се во константна емотивна борба, па незадоволството на жената е нешто што не можат да го издржат. Затоа и бегаат од оние кои постојано бараат нешто повеќе.

Врската му изгледа како натпревар

Ако мажот мора да се бори за контролата во врската, тогаш тој смета дека нема доволно простор да ја покаже машкоста. Ова не значи дека тој треба да има одврзани, а вие заврзани раце, но секоја страна треба да „води“ одредени сфери од животот. Не треба апсолутно сè да зависи од мажот, но не треба ниту сè да прави жената сама. Мажите сакаат да се чувствуваат корисно и потребно.

Не чувствува почит

Никогаш нема да можете да изградите сериозна врска со мажот кој не го почитувате. Мажот сака тогаш кога е најслаб да добие поддршка – не осудување. Доколку не ја добие, подготвен е да ја напушти секоја врска. извор: попара.мк

3 најчести причини поради кои жените се оддалечуваат од партнерот

Христина Ѓоргиевска — Thu, 23 Jan 2020 14:30:58 +0000

Да престанете да сакате некого понекогаш може да биде речиси исто толку лесно како и заљубувањето. Иако тоа е многу потешко да се признае, особено кога сте заедно повеќе години, љубовта што изгледа дека ќе трае вечно може да исчезне во моментот кога жената ќе престане да се чувствува пријатно во врската. Запоставувањето и преголемата опуштеност се дел од работите преку кои повеќето жени не можат на преминат, а во продолжение погледнете кои се трите најчести причини за оддалечување.

1. Недостаток на почит

Секоја жена сака да чувствува почит во врската, а кога нема да го добие потребното внимание, може да почне да се чувствува непосакувано и заменливо, што води кон раскинување. Меѓусебното почитување е клучно за стабилна и здрава врска.

2. Недостаток на интимност

Интимноста не мора секогаш да биде поврзана со сексот. Вистинската љубовна интимност што ја сакаат жените во врската е поврзаноста кога со партнерот размислувате како едно и се чувствувате поврзано дури и кога не сте заедно.

3. Некој друг е повеќе заинтересиран за неа

Кога жената ќе сфати дека другите мажи се поголеми кавалери и ја третираат подобро од партнерот, тоа може да ја растури врската. Од друга страна, жената која секојдневно добива комплименти од својот партнер, воопшто нема да обрнува внимание на другите мажи. извор: кафепауза