„2BE“ се враќаат со втора песна – „Врати се“ (ВИДЕО)

Антонио Димитриевски — Thu, 02 Jan 2020 11:32:35 +0000

По точно една година откако ја издадоа својата дебитантска песна „ 100 песни“ и преработката и годинашнава анплагд преработка на песната на ДНК - „Горе или доле“, скопското трио „2BE“ ја промовираше и својата втора песна со наслов - „Врати се“. Овој пат самите членови на бендот се јавуваат како комплетни автори на песната: Музиката и аранжманот се на Тино Стојановски, додека текстот е на Љупче Стојановски. Оваа песна е прва нивна авторска песна, зашто како автор на нивниот дебитантски сингл „100 песни“ го потпишува Ѓорѓи Крстевски. За оваа песна е снимен и видео запис на неколку локации во Охрид и Битола, за кој се погрижиле Пеце Здравковски, Ѓорѓи Вацев и нивната „Pinestel“ продукција, во кој главната женска улога ја има моделот Евгенија Миленкова. „2Be“ изминативе неколку години активно настапуват во Скопје и другите градови низ државата. Членовите на бендот ни изјавија дека песната веќе некое време го чекала својот вистински момент, и ни најавуваат дека планираат да издадат нови нумери во годинава што започна. Во продолжение можете да го проследите видеото за „Врати се“.

Александра Јанева ја преработи „Perfect“ (ВИДЕО)

Антонио Димитриевски — Wed, 27 Dec 2017 10:55:35 +0000

Александра Јанева и „2BE“ го преработија светскиот хит „Perfect“ на Ед Ширан. Новото аудио и видео на поп-пејачката е музичка празнична честитка за нејзините фанови. Александра и нејзиниот бенд „2BE“, освен со видео ќе ја заокружат годината со многу новогодишно-божиќни настапи низ Македонија.

Инаку, ова е и првата македонска преработка на популарната балада која ги освои врвовите на сите светски музички топ-листи. Како звучи оваа песна во изведба на Александра и нејзиниот бенд, а во аранжман на талентираниот Тино Стојановски од бендот „2ВЕ“, можете да слушнете во продолжение. https://www.youtube.com/watch?v=c_E2XmD4oAk

2БИ – Вистина.мк

„2BE“ се враќаат со втора песна – „Врати се“ (ВИДЕО)

Александра Јанева ја преработи „Perfect“ (ВИДЕО)