Ана Стојанова го прослави дваесет и деветтиот роденден со црвена торта и впечатлива облека (фото)

Слаѓана Атанасова — Mon, 20 Mar 2023 09:49:07 +0000

Атрактивната фитнес инструкторка и мотиватор за здрав живот, Ана Стојанова која е инспирација за многу девојки и жени кои таа ги нарекува „армијата“ во месец март има убав повод за славење. Ана го славеше нејзиниот роденден, а по тој повод се појави во жешко издание, каде се облече во латекс комбинација со црвена боја која беше припиена за нејзиното тело и го покриваше целото. Но, иако сексапилната велешанка сме навикнати да ја гледаме почесто расоблечена, инспирирајќи ги другите со нејзиното тело - ремек дело со изглед на светска ѕвезда, овој пат се одлучи за ваков моден изглед, за која креација за која треба да се има храброст, но и да се има што да се покаже. Навалена над роденденската торта со интересна посвета на која пишуваше „Убав задник“ - инструкторката остана достојна и на нејзината фискултурна доза која ја конзумираше дури и кога ги дуваше и свеќичките. Ана Стојанова со фит поза го намести незиното тело како „мачка над погача“, а ги истакна и годините со кои се гордее. Роденденската креација која одлучи да ја носи само уште повеќе ја истакна нејзината женственост и сексапилност, па и овој пат на беше магнет за погледи, бидејќи имаше на неа што да се види. Фото: Принтскрин/Инстаграм/Ана Стојановска

Македонија денеска одбележува 29 години независност: „Среќен роденден татковино“

Антонио Димитриевски — Tue, 08 Sep 2020 04:54:36 +0000

Во земјава денеска се одбележуваат 29 години од независноста, односно од успешно спроведениот референдум во 1991 година на кој македонските граѓани се изјаснија за самостојна и суверена држава. Годинава, поради пандемијата со Ковид-19, прославата ќе се одржи во посебни услови согласно протоколите на Комисијата за заразни болести за одбележување државни празници, без масовни народни собири, со минимум присутни лица и почитување на мерките за заштита и растојание. Централната прослава ќе биде на отворено во дворот на Владата каде ќе се обрати Зоран Заев. Претходно, владина делегација предводена од премиерот ќе положи цвеќе на вечните почивалишта на поранешните претседатели на државата Борис Трајковски и Киро Глигоров. Во состав на владината делегација, според најавите, ќе бидат и првиот вицепремиер и министер за политички систем и односи меѓу заедниците Артан Груби, вицепремиерот задолжен за борба со корупција и криминал Љупчо Николовски и министерките за образование и наука и за труд и социјална политика, Мила Царовска и Јагода Шахпаска. Цвеќе пред вечните почивалишта на поранешните претседатели Глигоров и Трајковски ќе положи и собраниска делегација составена од пратеничките Снежана Калеска-Ванчева и Велика Стојкова-Серафимовска. На денот на независноста се доделуваат и традиционалните награди „8 Септември”. Годинава, наградата за животно дело за исклучителен придонес во развојот и афирмација на спортот му се доделува на Љуљзим Вренези, а наградата со која им се оддава признание за спортисти, тенери и спортски работници ќе им биде врачена на Сократ Ефтимовски, Бесник Мурати, Ванчо Јовановски и на Ѓорги Вучков. Во пресрет на одбележувањето синоќа артилерискиот баталјон на Армијата изврши почесна артилериска стрелба со пет плотуни.

29 години – Вистина.мк

Ана Стојанова го прослави дваесет и деветтиот роденден со црвена торта и впечатлива облека (фото)

Македонија денеска одбележува 29 години независност: „Среќен роденден татковино“