25 години постоење – Вистина.мк

„Кросроуд блуз бенд“ ќе одбележи 25 години постоење со концерт во скопскиот клуб „Маракана“

Антонио Димитриевски — Sun, 04 Dec 2022 13:55:08 +0000

Една од најстарите домашни блуз групи „Кросроуд блуз бенд“ ќе одбележи 25 години постоење со концерт во скопскиот клуб „Маракана“ на 7 декември. Настанот е своевидно продолжение на годинашната програма на Котон блуз фестивал.

Организаторите велат дека концертот не е замислен како директна посвета на покојниот фронтмен Александар Дворчанец, попознат како Сале Блузмен, кој почина пред четири години, туку ќе се слави севкупната историја на групата, која има објавено три албуми.

На останатите членови на групата на сцената ќе им се придружат и гости, при што се најавени Сашо Гигов-Гиш, Гуру Харе и Петар Ренџов. Влезот ќе биде слободен.

„Нокаут“ слават јубилеј, 25 години постоење – „Знаеш ли?“ (АУДИО)

Антонио Димитриевски — Wed, 17 Aug 2022 12:51:43 +0000

Оваа година групата „Нокаут“ слави 25 години постоење, а јубилејот го одбележува со голема турнеја низ Македонија и веќе издаде еден сингл „Денес, утре, задутре“. “Набиената агенда на турнејата не го спречи бендот да подготви уште нешто ново за својата публика. Задоволство ни е да го споделиме со вас новиот сингл „Знаеш ли?“ - порачаа од бендот. Автор на музиката е Никола Перевски, кој воедно работеше и на аранжманот. Текстот го напиша Александар Ристовски - Принц, а миксот и мастерингот ги потпишува Дарко Димитров кој ги изработил во неговото студио „Димитрови“. Инаку песната е снимена во студио „НК Продукција“, информираат од тимот на Нокаут, канејќи ве премиерно да ја преслушате нивната „Знаеш ли“?

„Суперхикс“ ќе ви објаснат што е тоа „Модерна љубов“ (ВИДЕО)

Антонио Димитриевски — Mon, 25 Feb 2019 10:30:07 +0000

Групата „Суперхикс“ ќе прослави 25 години од првиот настап во некогашниот „Доорс Дебармаалски“, па токму на истиот ден (3 март 1994 – 3 март 2019). Поточно, цели 14 години по легендарниот концерт, „банда инструментале“ ете гиповторно во МКЦ!

„Најголемите хитови, полна бина гости, специјален амбиент и двочасовно лудило за првата ’25ка! Ветуваме дека ќе продолжиме и по 27-мата“, порачуваат музичарите најавувајќи го новиот сингл што се појави деновиве.

Во пресрет на славеничкиот концерт со кој ќе прослави 25 години од својот прв настап во некогашниот „Дорс“ во Дебар маало, „Суперхикс“ како што ветија, ја објавија песната насловена „Модерна љубов“, на која како автори се потпишуваат членовите на бендот.

Песната и видеото се снимени во студиото „Тра ла ла“ на Мите Димовски кој се јавува како тон снимател, а ги потпишува мастерот и миксот на песната во која за првпат како редовен член на бендот учествува и Стефан Алексовски на клавијатури.

Режијата и монтажата на видеото се на Гоце Лалковски, додека зад камерата биле одново тој и Симе Златков. Како звучи и изгледа „Модерна љубов“ дознајте од „Суперхикс“ во продолжение. https://www.youtube.com/watch?time_continue=26&v=VH8XRS3Q-Bs