25 години брак – Вистина.мк

Ѓани се огласи по написите дека се разведува по 25 години брак: „Тоа е лудост“ (фото)

Христина Ѓоргиевска — Wed, 21 Jul 2021 10:23:34 +0000

Домашните медиуми неодамна пишуваа дека пејачот Драгиша Трајковиќ Ѓани се разведува по 25 години брак од сопруга Слаѓа. Шпекулациите за нивниот развод започнаа откако двојката замина на одмор на различни дестинации. Имено, Слаѓа се одмара во Турција, додека пак Ѓани е во Црна Гора каде што пред некој ден имаше настап. „Каде се разведувам, јас никогаш не сум живеел поубав живот со жена ми. Тоа е лудост, добив внуче и јас сега треба да уживам со семејството, каков развод. Сега ми е најубаво“, вели пејачот. Потсетуваме, Слаѓа и Ѓани три месеци беа во домашен притвор бидејќи ненамерно ги прекршија мерките за заштита од коронавирусот. фото: инстаграм/стефан стојадиновиќ/принтксрин/мондо

Билјана Дебарлива прослави 25 години од бракот, a еве како се запознала со својот сопруг (фото)

Христина Ѓоргиевска — Tue, 22 Oct 2019 08:06:50 +0000

Македонската водителка Билјана Дебарлива прослави 25 години од бракот со нејзиниот сопруг Јован. Тој на социјалните мрежи објави фотографија и се пофали за овој убав и важен датум во нивниот живот. Билјана во едно интервју за „Женски магазин“ истакна дека со Јован се запознале во Охрид.

„Во Охрид, мојот роден град. За време на летниот одмор, сосема случајно се запознавме со сопругот. Јас на гости кај моите братучетки, а тој кај неговите другари охриѓани. И така веројатно требало да биде. Од една сосема случајна средба, тоа прерасна во убава приказна која трае и денес, вели водителката за „Женски магазин“

Таа исто така истакна дека не е голем љубител на готвњето, но дека има јадења кои сака да ги готви за семејството, а нејзиниот сопруг знае некогаш да готви и тоа со голем мерак и љубов. Билјана и Јован од бракот го имаат две деца, ќерката Ана и синот Марко со кои како што вели има близок, пријателски однос. „Слога, разбирање, да нема љубомора. Попуштање кога ќе видиш дека ситуацијата не е како што треба, не додавај оганче бидејќи на тој начин нема да решиш ништо. Секогаш и секаде има кавги, во сите семејства„ вели Дебарлиева за „Бекстејџ“.

Ана комплетно е посветена на економијата, како нејзина професионална определба. Никогаш не покажала интерес или желба за медиумите, дури имаше и мигови кога мојата професија и популарност ги чувствуваше како товар. Донекаде сум и среќа што не ја избра мојата професија. Во денешно време се сменети многу работи, критериумите се изместени, па и новинарството и водителство не се она што биле некогаш. Кај Мики, мислам дека насетувам некоја мала искра или желба за телевизија. Но, сѐ уште е рано, времето ќе покаже дали тој можеби ќе биде мојот наследник“, изјави Дебарлиева во едно интервју за „Женски магазин“.

https://www.youtube.com/watch?v=CTWYhP-PoFg фото: фејсбук/женски магазин

Уредникот и некогашен презентер на вести Лазе Темелков премина на временска прогноза: „Ги мина сите 4 годишни времиња, сепак… претежно сончево“ (ФОТО)

Антонио Димитриевски — Wed, 29 May 2019 07:35:23 +0000

Јавноста го памети како еден од најдобрите ТВ презентери на вести уште од времето на А1 телевизија, па потоа преку Канал 5, Алфа, РСМ и одново Алфа... И не само како радио и ТВ спикер, туку и новинар и уредник на вестите.

Лазар Темелков или како што колегите го нарекуваат Лазе, не е од оние ТВ ликови кои сакаат да се експонираат надвор од работата и повеќе од потребното. Токму затоа својот приватен живот грижливо го чува за себе и најблиските, не обзнанувајќи речиси ништо од својата интима.

Сепак, постојат некои работи, има некои нешта во приватниот живот, кои се вредни да се одбележат, а и јавно да се обзнанат. Особено ако се од лична природа и не се случуваат секојдневно. Како на пример, одредени годишнини или јубилеи...

Токму еден таков деновиве славеше човекот од информативната редакција на ТВ Алфа... Цели 25 години заедно, ама не со микрофонот туку со сопругата. Четврт век заедно со својата брачна сопатничка. Сребрена свадба со својата животна избраничка. Период во кој многу од брачните двојки минуваат низ разни „сцили и харибди“, различни премрежја, периоди, фази... Ама, ако љубовта, почитта и разбирањето се темелот, трите столба кои ја држат основата на брачната заедница, бракот ќе опстане, ќе се развива и продолжи да „цвета“!

„25 години... Ги видовме сите 4 годишни времиња, сепак претежно сончево“ - искрено напишал покрај споделената фотографија на својот Фејсбук профил Темелков. А на неа првиот брачен бакнеж на младоженецот и невестата. Бакнеж, од кој произлегува љубов, чиј производ е и прекрасната убавица на брачната двојка, нивната ќерка Ева.

Бакнеж кој веруваме дека и по две и пол децении ја има истата она моќ да предизвика некогашниот младоженец и денес да го полазат морници од возбуда, а на тогашната невеста и сега да и заиграат „пеперутки во стомакот“! Епа, нека им е со среќа и да си дочекаат златна, па и дијамантска свадба, зошто да не? А прогнозата? Сончево и топло - до крајот на животот!

Во јавноста не се појавуваат заедно: Ова е сопругот на Јелена Баќиќ Алемпиќ со кого е во брак 25 години

Христина Ѓоргиевска — Mon, 20 Aug 2018 11:24:26 +0000

Водителката и авторката, Јелена Баќиќ Алемпиќ речиси никогаш не ги покажува членовите на семејството, па затоа немаме многу прилики да ја видиме заедно со сопругот. Јелена моментално се одмара, а на својот Инстаграм сподели фотографија заедно со својот сопруг со кого е во брак 25 години.

Hedonizam? #husband #symishrimps #greeksalat #wineofthehouse #enjoying

A post shared by Jelena Bacic Alimpic (@jelena_bacic_alimpic) on Aug 18, 2018 at 3:20am PDT

Водителката ужива во брак со судијата во Врховниот суд во Нови Сад, Мирослав Алемпиќ со кого ја има ќерката Дуња и синот Марко.

Dobro jutro ?

A post shared by Jelena Bacic Alimpic (@jelena_bacic_alimpic) on Aug 12, 2018 at 12:11am PDT

Јелена често потенцира дека Мирослав и е голема поддршка.