Која е полската претставничка што ја „запали“ Евровизиската сцена?- Првата песна ја напишала на 14 години, а потоа заминала во САД да гради кариера (видео)

Слаѓана Атанасова — Fri, 12 May 2023 08:04:07 +0000

Бланка Стајков е полска манекенка и пејачка која беше меѓу најзначајните натпреварувачи на евровизиската сцена. Синоќа во Ливерпул се одржа второто полуфинале на 67. Евровизија. По првата полуфинална вечер во финалето се пласираа Хрватска, Молдавија, Швајцарија, Финска, Чешка, Израел, Португалија, Шведска, Норвешка и Србија. Од второто полуфинале синоќа во финалето се пласираа Албанија, Кипар, Естонија, Белгија, Австрија, Литванија, Австралија, Ерменија, Словенија и Полска. Токму полската претставничка беше една од најзабележителните во втората полуфинална вечер. Бланка Стајков првата песна „Доста силно“ ја напишала на 14 години. Таа отсекогаш знаела дека сака да биде поп-ѕвезда, па отишла во САД со нејзината мајка и таму поминала 4 години.

View this post on Instagram

A post shared by Blanka Stajkow (@blikeblanka)

Својот талент за музика го „усовршила“ во различни школи за пеење и танцување во САД, каде за првпат почнала да настапува.

View this post on Instagram

A post shared by Blanka Stajkow (@blikeblanka)

За време на настапот, таа не само што пееше, туку и свиреше на гитара, а како што подоцна призна, токму овие настапи и помогнаале да стекне самодоверба како изведувач. Како што пишува на официјалниот сајт на Евровизија, таа настапувала низ Лос Анџелес и Њујорк во различни клубови, меѓу другите и во клубот „The Bitter End“ каде Лејди Гага ја започнала својата кариера. По враќањето во Полска почнала да работи како диџеј со пеење и танцување, а се појавила и во последното издание на шоуто „Топ модел“, благодарение на што постигна голема популарност.

View this post on Instagram

A post shared by Blanka Stajkow (@blikeblanka)

Оваа мултиталентирана пејачка на Евровизија пее за лажната љубов, а меката песна и живиот ритам брзо влегуваат во уво и ве тераат да танцувате. Фото: Принтскрин/Јутјуб/Инстаграм

Македонија нема да учествува на „Евровизија 2023“

Антонио Димитриевски — Fri, 14 Oct 2022 11:41:47 +0000

Македонија нема да учествува на Евровизија 2023 година, ова денеска преку изјава за ММС го потврдил директорот на Македонската радио телевизија, Марјан Цветковски. ММС побара официјална информација од директорот Марјан Цветковски, кој потврди дека, за прв пат по осамостојувањето Македонија нема да биде дел од најголемата музичка манифестација во Европа. -Да, да нема да учествуваме на Евровизија. Не сме платиле котизација. Најголем проблем се струјата и големите трошоци, кои ќе ги предизвика патувањето и престојот во Велика Британија. Поради оваа состојба скратени се сите трошоци, па така и овие кои требаше да се платат за учество на Евросонг, ги насочивме за плаќање струја, изјави за ММС, Цветковски. Македонија нема да учествува на оваа голема музичка манифестација за прв пат од своето осамостојување. Од 1991 година до денес не сме учествувале неколку пати поради неисполнување на пропозициите на ЕБУ или не сме успеале да влеземе во финале, па според правилата, сме правеле пауза. Ова е прв пат сами да се откажеме.

2023-ливерпул – Вистина.мк

Која е полската претставничка што ја „запали“ Евровизиската сцена?- Првата песна ја напишала на 14 години, а потоа заминала во САД да гради кариера (видео)

Македонија нема да учествува на „Евровизија 2023“