2023 година – Вистина.мк

„Драга 2023-та, те молам без лажни луѓе“: Антониа Гиговска си даде ветување дека годинава внимателно ќе го одбира нејзиното опкружување (ФОТО)

Слаѓана Атанасова — Mon, 09 Jan 2023 08:41:36 +0000

Младата македонската поп пејачка Антониа Гиговска во годината што замина беше полна со енергија и постојано нешто правеше и на приватен и работен план. Таа доста беше застапена во медиумите и на социјалните мрежи, па јавноста лесно дознаваше за нејзината кариера која се движи во нагорна линија, но и за сето она што и се случуваше во нејзиниот бурен приватен живот. Но, очигледно, не било се' така розово и не била баш максимално задоволна, па затоа во новата година пејачката си посака и ја замоли да има покрај неа само вистински пријатели. Антониа одлучи дека со стартот на Новата ќе промени некои работи во нејзиниот живот и внимателно ќе го одбира нејзиното опкружување. „Драга 2023 без лажни луѓе“ - гласи објавата на Гиговска која се согласи со овој статус и го сподели на нејзиниот Инстаграм профил. Таа си посака вистински пријатели кои нема да бидат љубоморни на нејзиниот успех, туку заедно ќе се радуваат како да е нивни личен, или можеби некои кои ќе ја поттикнат да работи на остварување на нејзините цели и ќе и помогнат во остварување на нејзините соништа. Антониа во старата година стави точка на нејзината љубовна приказна со вокалот на „Либеро бенд“, Иван Јованов, но во желбата што си ја посака не објасни дали можеби кога мислеше на лажните луѓе, во нив го вклучува и нејзиното поранешното момче? Дали со оваа објава си го посака за себе вистинскиот или само да внимава во нејзина близина да не ја кочат „фејк“ луѓе кои ќе и глумат пријатели? Талентираната пејачка сега целосно е насочена кон музиката која е нејзината главна преокупација, но луѓето кои се покрај неа се важен дел за да ја оствари целта и успехот да биде загарантиран. Фото: Принтскрин Инстаграм/antoniagigovskaa

За овие пет хороскопски знаци 2023 година ќе биде најдобра

Антонио Димитриевски — Thu, 08 Dec 2022 09:41:56 +0000

Годишниот хороскоп за 2023 година открива кои знаци ќе имаат најмногу среќа во наредната година. Астролозите најавуваат дека за многумина претстојната година ќе биде исклучително тешка, но овие пет знаци ќе ја искористат секоја можност за успех, а во тоа со цело срце ќе им помогнат ѕвездите. Бик Во текот на 2023 година, Сатурн, една од најкорисните планети во хороскопот, сместена во вашата десетта куќа, е одговорен за социјалниот живот, но и за работата. И ова е единствена година да напредувате на работното место, да направите голема промена во кариерата. Доколку уште не сте нашле работа која ве инспирира, оваа година ќе биде клучна. Главната работа е дека не трчате само по пари, туку ви треба нешто повеќе, работа која ќе ве издигне и ќе им користи на другите. Во спротивно, брзо ќе се разочарате. Близнаци Вие, како Бикот, имате зелено светло за работа – бидете амбициозни во поставувањето на целите што сакате да ги постигнете на полето на кариерата. Дополнително, 2023 година е добра година да започнете сопствен бизнис или да се занимавате со неорганизациски активности, особено ако долго размислувате за тоа. Но, бидете внимателни во изборот на партнер доколку планирате работа и добро проценете ги работодавците. Важно е да бидете прецизни во вашите договори и да имате се во писмена форма. Девица Годишниот хороскоп вели дека оние Девици кои се во стабилни врски би можеле да направат голем чекор во 2023 година и да влезат во брачните води. Слободните имаат слична шанса да запознаат личност со која ќе започнат заеднички живот. Ова е моментот што многумина од вас го чекаа и сега Универзумот, во форма на Јупитер во куќата на врските, ви ја дава оваа можност. Но, бидете внимателни! Не брзајте, не правете „глупави работи“ и не обидувајте се да се однесувате поинаку заради вашиот сакан. Еден ден вистината и вашата вистинска природа ќе излезат на виделина, а вашата врска ќе се распадне. Јарец Во 2023 година можете да купите стан или да се преселите на подобра локација и да ги подобрите условите за живеење. Ова го посочува Раху во четвртата куќа од вашиот хороскоп, која е одговорна за удобноста во домот. Како можете да ги зголемите шансите оваа желба да се оствари? Замислете каде би сакале да живеете, односно запишете каква е куќата или станот од вашите соништа. Не заборавајте да користите сегашно или минато време како веќе да се случило. Риби До 22 април, вашиот покровител на планетата Јупитер ќе биде во најважната куќа на вашиот хороскоп – првата куќа, која е одговорна за личноста, начинот на кој се претставувате, здравјето. Ова значи дека ова е одлично време да станете поотворени, да пробувате нови работи, да го постигнете она што го сакате. А по 22 април Јупитер ќе се пресели во подеднакво убавата втора куќа на вашиот хороскоп, која е одговорна за парите – ова е моментот кога вашата финансиска состојба прилично ќе се подобри.

„Next Time“ и Влатко Лозаноски во 2023-та најавија турнеја по Австралија

Антонио Димитриевски — Tue, 23 Aug 2022 12:58:07 +0000

Дуото ,,Некст тајм”, кое ја започна кариерата со рок музика во 2008 година, за да изминативе години се посветни на снимање на етно-поп-рок обработки на македонски изворни песни со патриотска содржина, заминува на својата прва турнеја по Австралија. Настанот е најавен на страницата на продукцијата Република ентертејмент, која е во сопственост на нашинецот Влатко Јовески. Според објавените информации, турнејата ќе се случува во 2023 година, а повеќе детали ќе бидат откриени дополнително. Покрај ,,Некст тајм”, најавена е турнеја во Австралија и на Влатко Лозановски. И тој ќе гостува во Австралија во 2023 година, а датумите и градовите се уште не се прецизирани. Претходно, уште овој септември Лозано заминува на турнеја по САД, која пејачот исто така ја најави на својот Инстаграм профил без да прецизира детали за тоа кои датуми и во кои градови ќе настапува. По се изгледа неодамнешниот заеднички концерт во „Античкиот театар“ се покажа како повеќе од успешна генерална проба за турнејата што во 2023-тата ги очекува и братското дуо пејачот. Очигледно време е да почне да се освојува светотна еден поинаков начин... Ако не повеќе, барем нашинците во дијаспората со поразлична музика.