2021 година – Вистина.мк

Лила 2021 година ја испрати во пижами и без голема помпа: „Доста и беше нека си оди“ (фото)

Христина Ѓоргиевска — Mon, 03 Jan 2022 08:26:25 +0000

Испративме уште година, година полна со предизвици, неизвесност, година во која владееше пандемијата со коронавирусот, во која многумина од јавниот свет ја изгубија и битката со болеста на 21иот век. Изминататата 2021 година, имаше убави, но и помалку убави моменти за паметење, а повеќето ја испратија старата година со надеж 2022 да биде подобра и поубава. Некои новата година ја дочекаа во домашна атмосфера, некои на плоштад, други кај пријатели, некои надвор од Македонија. Лила ја испрати 2021, а ја дочека 2022 година во пижами во својот дом, без голема помпа. Водителката на својот „Инстаграм“ објави фотографија на која позира покрај новогодишна елка во пижами со нејзиниот мачор Рагнер, а во описот напиша: -Доволно беше турбулентна оваа година на секое поле па затоа вака ќе ја испратам без помпа и фанфари… доста и беше нека си оди !!! Не дека немало и убави моменти и мигови за памтење ама сепак , сепак доста и беше !!!! Посакувам Новава да биде сѐ што не беше оваа…! А на вас другари јас и Рагнар ( кој што изгледа многу среќно дека го сликам 😂) Ви посакуваме само здравје и маааалку повеќе љубов …Среќна и успешна година, напиша Лила.

View this post on Instagram

A post shared by Lila (@lilafilipovska)

Под фотографијата се нижеа честитки од нејзини следбеници, пријатели, колеги... Инаку, многу познати личности честитајќи ја новата година истакнаа дека им е доста од 2021 и дека очекуваат 2022 да биде многу подобра. фото: Инстаграм/лила филиповска

Празници се ближат: Вака изгледа новогодишниот амбиент во домот на Милена Антовска, а еве по што ќе ја памети 2021 година

Христина Ѓоргиевска — Thu, 23 Dec 2021 07:49:44 +0000

Ситно броиме до крајот на 2021 и почетокот на 2022 година. Наближуваат Новогодишните и Божиќните празници, период кога се украсуваат домовите во новогодишно руво, кога семејствата се собираат, се купуваат подароци, се замислуваат желби.... Некои од познатите веќе го покажаа новогодишниот амбиент во домот. Македонската водителка Милена Антовска на својот „Инстаграм“ објави видео и ја покажа новогодишната елка. Имено, на снимката се гледа како сопругот на водителката Гордан и нивната ќеркичка Лана Марија ја китат елката на која преволадуваат бели бои, а на врвот има и ѕвездичка. Во интервју за „Женски магазин“, Антовска откри по што ќе ја памети 2021 година. - Годинава што изминува ќе ја паметам навистина по многу нешта. За жал и по лоши, но, за среќа и убави работи. Јас сум човек што секогаш ги дава и последните сили за се да биде добро и позитивно, така што веќе се обидувам да ги заборавам негативните моменти и сакам во меморијата да ми останат само позитивните ситуации. Секако оваа година за мене ја одбележа информацијата дека по втор пат сум бремена. Во новата година сакам само да се породам лесно, да ми се живи и здрави децата и секако сите мои блиски луѓе. Инаку, водителката е повторно бремена и наскоро ќе се реализира во улогата на мајка, а токму и поради тоа се повлече од ТВ екраните и ужива во трудничките денови. Во видеото подолу погледнете како изгледа празничната атмосфера во домот на Милена.

View this post on Instagram

A post shared by MILENA ANTOVSKA STANKOVSKA♑ (@milena_antovska)

фото: принтскрин/инстаграм/милена антовска

Музичкиот новинар Тошо Филиповски е еден од добитниците на наградата „Мито Хаџи Василев-Јасмин“ за публицистика за 2021 година

Антонио Димитриевски — Tue, 14 Dec 2021 07:23:17 +0000

Тошо Филиповски, музички новинар и неуморен хроничар на сѐ што е поврзано со македонската популарна музика е еден од добитници на државната награда „Мито Хаџи Василев-Јасмин“ за 2021 година во областа на публисцистиката, објави Министерството за култура. Филиповски е автор на монографиите „Македонска рок-енциклопедија“, „Македонска дискографија – винили 1958-2019“ и „Македонски рок-времеплов“ која излезе во печат оваа година. „Благодарам од се срце - на Бранка Branka Kostic Markovic и Ѕвездан Zvezdan Georgievski што веруваа во она што го работам, и ме/ја предложија (Монографијата: Македонски Рок Времеплов) за државната награда "Мито Хаџивасилев-Јасмин„.

Благодарам на Марина Marina Kostova која ме мотивираше да не се окажувам од нова трка.

Благодарам на Виолета Violeta Simjanovska, Русе Арсов (МКЦ) и Тони Toni Dimkov за поддршката на иницијативата.

Благодарност и до Билјана Biljana Tanurovska - Kj, Марјан Mayo Bojadziev и Влатко Стефановски кои истата поддршка ми ја дадоа пред две години.

Благодарам пред се на македонската рок сцена, која опстојува еве веќе 6 децении, за нејзиниот богат опус, кој е огромно неистражено поле за документирање.....за уште десетина вакви изданија....минимум.

Одиме понатаму, наскоро следува нова книга...

Оваа награда НЕМА ДА БИДЕ...КУПЕН МИР И ТИШИНА“ - напиша Филиповски на својот Фејсбук профил по веста за наградата.

Важен датум за неа: Мими Јовановска откри по што ќе ја памети 2021 година

Христина Ѓоргиевска — Fri, 10 Dec 2021 08:33:52 +0000

Мими Јовановска од Велес публиката ја памети по нејзиното учество во „Ѕвездите на Гранд“. Имено, Мими се пријави во музичкото шоу и со својот глас ги воодушеви жирито и публиката. Сепак, македонското девојче немаше доволно среќа и испадна од популарното натпреварување. На Мими можеби не и тргна во музичкото шоу, но и тргна во љубовта. Имено, кон крајот на летото таа кажа „да“ на својот партнер Филип Нуне. Овие радосни вести тогаш ги сподели младата велешанка и го покажа свршеничкиот прстен. [embed]https://arhiva.vistina.com.mk/kaza-da-se-svrshi-mimi-jovanovska-ova-e-nejziniot-izbranik-foto/[/embed] Остануваат повеќе од две недели до крајот на 2021-та година, а секој ќе ја памети по различни нешта, а цел свет ќе ја памети по пандемијата со коронавирусот која веќе трае две години. Иако има време до 31 декември, некои од познатите ги покажаа домовите во новогодишно руво, а некои ги сумираа впечатоците од 2021 година. Јовановска во кусите приказни на „Инстаграм“ објави по што ќе ја памети изминатата година. Имено, таа објави својата омилена фотографија од 2021 година, односна објави фотка од свршеничкиот прстен. Инаку, Мими и Филип се неколку години во врска, но пејачката ретко зборува за нејзиниот приватен живот. фото: принтскрин/инстаграм/мими јовановска

Наташа Беквалац: „Не сакам да се сеќавам на 2021 година“

Христина Ѓоргиевска — Thu, 09 Dec 2021 09:07:02 +0000

Пејачката Наташа Беквалац секогаш отворено зборуваше за својот приватен живот, а отворено и зборуваше за предизвиците со кои се соочи изминатата година. Пејачката проговори и за нејзините поранешни партнери и откри дека нејзиниот последен развод од Лука Лазукиќ ја чинил 600 евра колку што ги платила судските трошоци. Колку те чинеше последниот развод? -600 евра. Три пати се мажеше, но ниту еден брак не ти е успеа. Дали тоа значи дека ти тешка личност? -Не ги гушам своите партнери, но не сум лесна во односите. Дали оваа година имаше тешки моменти во животот? -Не е ова некоја година на која сакам да се сеќавам. Не ми е меѓу желбите да се заљубам. Желба ми е да бидам мирна“, вели Наташа и додава дека и во претходната година имала тежок период. -Да, и тоа ги поднесев многу тешко. Човекот никогаш не е подготвен за големи порази и голема тага. Животот кога на некој ќе му даде тешки моменти, му дава прилика да се надмине себеси и да работи на својот развој. Како и сите, имам порази, но не ми се случи да паднам, а да не станам. Инаку, Наташа откри дека подготвува и женски дует со пејачка која не е од Србија. фото: ата имагес/инстаграм/стефан стојановиќ

Одржувањето доведено во прашање: 2021 година без „Скопски џез фестивал“?

Антонио Димитриевски — Mon, 08 Mar 2021 08:24:06 +0000

Ве информираме дека одржувањето на јубилејното 40-то издание на фестивалот (20-24 октомври) е доведено во прашање и дека се прекинати сите подготовки за него. Имено, со вчудоневиденост ги прочитавме јавно објавените резултати на Министерството за култура по Годишните конкурси за финансирање проекти од национален интерес во културата за 2021 година од областа на музичко-сценската дејност, со кои на 40. Скопски џез фестивал драматично му се скратуваат средствата (слично и за ОФФест, кој исто така годинава одбележува јубилеј - 20 години), враќајќи ги на ниво од втората половина на деведесеттите години. Сосема е неприфатливо одеднаш драстично поинаквото вреднување на Скопскиот џез фестивал во однос на вреднувањето што се правело изминатите години. Особено што секоја година напоменуваме дека и со тие средства што сме ги добивале од Министерството се соочуваме со сериозни финансиски тешкотии во реализација на манифестацијата. Со објавените средства не е можно да се обезбеди зачувување на форматот, квалитетот и исклучително високото меѓународно ниво на фестивалот. Едноставно, не сме подготвени да го враќаме фестивалот назад во далечното минато, практично стартувајќи го од почеток, урнисувајќи ја неговата макотрпно градена највисока меѓународна репутација и претворајќи го во нешто друго. Нашиот дефинитивен и познат став е дека во ваков случај е подобро да ставиме точка на фестивалот одошто да го сведеме на настан од претежно локален или регионален карактер. Притоа, на ум го имаме долгогодишниот континуиран квалитет на Скопскиот џез фестивал, вклучувајќи ја и минатата година, кога во услови на пандемија, тој беше еден од ретките меѓународни џез фестивали кои го сочуваа полниот формат, во Европа оценет како хајлајт. Само еден краток поглед кон објавената програма (за споменатата дејност) е доволен да се увиди дека причините за ваквото скратување не треба да се бараат во недостигот на средства на Министерството за култура. Истовремено, не сметаме дека предмет на наш интерес треба да биде фактот дека објавените конкурсни услови и критериуми беа најлошо срочените досега од Министерството за култура. Ниту, пак, многу оправданото сомневање за однапред негативен пристап кон нашите проекти од страна на надлежната комисија, со сознанието дека, и покрај ветувањето, таа не нè удостои со побараното 10-минутно дообјаснување на проектите, што е нејзина должност. Во крајна линија, според сегашниот (а и идниот) Закон за култура, комисијата има советодавна улога, а одлуките за Годишната програма ги донесува министерот. По објавувањето на резултатите ние испративме допис до Министерството. Но, откако ќе го добиеме решението, секако ќе вложиме приговор. Во секој случај, останува нашата обврска на ова исто место да ве известиме за натамошната судбина на фестивалот. Овојпат нема да се воздржиме од искажувањето на едно наше чувство. Небулозите, надвор од секаков здрав разум, со кои во подолг период се соочуваме во релациите со Министерството за култура, од кои мал дел се познати на јавноста, за Скопскиот џез фестивал се веќе неподносливи. Се повторува, сега на друг начин, она што се случи пред две години, кога Скопскиот џез фестивал беше избришан од програмата поради „немање документи во апликацијата“ за да истите потоа се „пронајдат“, со натамошно долго чекање да се исправи „грешката“.

Адреналин за почеток на Новата Година: Вака започна 2021 за Ирена Спировска и Анета Молика (фото)

Христина Ѓоргиевска — Mon, 04 Jan 2021 09:01:15 +0000

Ја испратвиме 2020та година, а ја дочекавме 2021 година мирно, тикво без големи помпи и прослави, без големи фешти и еуфорија и се тоа поради коронавирусот. Додуша, за некои 31 декември е и како секој друг ден, па без разлика на короната или не, многумина овој ден не го одбележуваат нешто посебно и на големо. Македонските естрадни уметници ако лудата ноќ ја дочекуваа на плоштади, ресторани, хотели, дискотеки, сплавови, овој 31 декември останаа дома и ја дочекаа новата мирно, со надеж дека ќе заврши короната, а тие ќе им се вратат на концертите и настапите. Меѓутоа, Анета Молика додека чека да се врати на сцена, таа е физички активна. Имено, во текот на летото таа често пешачеше или возеше велосипед во планинските предели. https://arhiva.vistina.com.mk/radio-mileva/i-aneta-molika-se-frli-na-sportuvanje-vo-zdravo-telo-zdrav-duh/ Исто така со оваа активност продолжи и во 2021 година, па ни студеното време, ниту снегот не ја спречи новата година да ја започне со одење и „билдање“ на физичка кондиција. Добро познато е и дека македонската водителка Ирена Спировска е љубител на планинарењето, па често може да ја видиме во природа. Без разлика дали е лето, пролет, есен, зима, дали грее сонце или врне дожд, дали е ладно или не, за Ирена нема изговори да не планинари, а друштво најчесто и прави нејзиниот партнер Душко Исајловски. Овој пат, на првиот ден од јануари, водителката замина на планирање на врвот Магаро на Галичица. Овој момент таа го овековечи со фотографија која ја објави на својот Инстаграм. -01.01.2021, напиша Спировска покрај објавата. Според суеверијата и верувањата, како ќе ти започне новата година, таква ќе ти биде целата година, па за водителката тоа и нешто ново затоа што таа секоја прилика и слободен момент ги користи да ужива во убавите планински предели на Македонија.

Астролозите предвидуваат: 2021 година ќе биде судбоносна за овие 3 хороскопски знаци

Христина Ѓоргиевска — Tue, 03 Nov 2020 13:30:17 +0000

Уште од првите денови на новата година, ќе можете да се релаксирате и да имате позитивен став кон животот. Астролозите предвидуваат многу среќна година, богата со настани и отворена за нови можности. Тие се убедени дека новата година ќе им донесе среќа на сите, но за овие 3 хороскопски знаци нема веќе депресија, проблеми и осаменост.

1. Шкорпија

Скорпијата ја чекаат многу изненадувања и нови шанси во текот на 2021 година.

Припадниците на овој хороскопски знак ќе патуваат многу, ќе откријат прекрасни места за кои не ни знаеле дека постојат и ќе го сменат местото на живеење.

На личен план, Скорпиите ги очекуваат многу љубовни врски, но повеќето од нив ќе завршат брзо. Сепак, по сите тие врски, ќе успеете да најдете сродна душа и да создадете семејство што ќе ви донесе среќа и задоволство.

2. Бик

Бикот треба сам да одлучи што му е важно: голема плата или работа што ја сака со мала плата. Изборот ќе биде тежок, но кога конечно ќе одлучите, сè ќе оди полесно и побрзо. Конечно ќе ги завршите сите поправки и реновирањето. Ќе го уредите вашиот дом како што ви одговара. Кога ќе ги решите деловните проблеми и тие со домот, вашиот приватен и љубовен живот ќе доживее хармонија, а тоа е затоа што хармонијата веќе ќе владее во вашата душа.

3. Рак

Следната година ќе им донесе спас на Раковите од сите проблеми и тие ќе ги остават сите неуспеси зад себе. Уште од првите денови од 2021 година ќе сфатите дека животот е убав и тоа чувството ќе потрае. Оваа година, Раковите ќе доживеат голема љубов. Некои Ракови ќе ги поправат грешките од минатото и конечно ќе најдат личност со која ќе сакаат да основаат семејство. извор: кафепауза