20 години – Вистина.мк

Ана Севиќ го запознала својот татко на 20 години: Пејачката пораснала со мајка си, а еве во каков однос е со нејзината полусестра (фото)

Слаѓана Атанасова — Mon, 25 Dec 2023 08:44:48 +0000

Пејачката Ана Севиќ денес ужива во семејниот живот и е горда мајка на три деца. Но, она што ретко кој знае е дека таа немала татко во детството. Пораснала со мајка си Данијела, а татко си го запознала дури кога пораснала. Нејзиниот татко се вика Видан и живее во Ужице, а Ана интензивно се натпреваруваше во „Ѕвездите на Гранд“ кога првпат го запозна. -Ана и нејзиниот татко Видан не се познавале дваесет години, ниту пак имале контакт. Нејзината мајка останала бремена од Видан кога била мала, а кога Ана била уште бебе, двете се преселиле во главниот град. Се шпекулираше дека детето е на Видан, но никој ништо не можеше да потврди, бидејќи тоа беше само случајна врска и со текот на времето се беше прикриено. Многумина ја обвинија Данијела за тоа што нејзиното дете ќе расте без татко, па таа реши што побрзо да побегне од сѐ. Започнала нов живот во Белград, а набрзо се омажила – рекол тогаш извор близок до семејството на Ана, а пишува „Блиц.рс“. Според информациите, денес тие двајца имаат врска како никогаш да не биле разделени, а Ана се дружи и со нејзината полусестра Маја, која Видан ја доби од бракот со друга жена. Фото: Принтскрин/Instagram/anasevicofficial

Јутјубер намерно си ги уништил забите – дваесет годишникот сподели шокантно видео (фото)

Слаѓана Атанасова — Thu, 30 Nov 2023 10:49:35 +0000

Јутјуберот Стефан Јанковиќ Јанко ги шокираше своите обожаватели кога си ги уништи забите за да стави нови, односно вештачки. Стефан, кој очигледно бил незадоволен од изгледот на своите природни заби, решил да стави таканаречени коронки и на тој начин да добие побела, „холивудска“ насмевка. Забите на Јанковиќ сега се „под конец“, а многумина се прашуваа дали 20-годишникот има здравствени проблеми или едноставно сака да ги исполни стандардите за убавина и да изгледа подобро, како на камера, така и во живо. Инаку, Јанко пред само неколку месеци ја симна протезата што ја носеше две години, а сега се реши на овој драстичен чекор. Фото: Принтскрин/Instgaram/stefan_jankovich

Тамара Тодевска – горда на себе пред нов почеток: „Нијагара се и човечки солзи од тага или среќа и лошите и добри моменти кои сите ги имаме во изобилство“ (ФОТО)

Антонио Димитриевски — Thu, 23 Mar 2023 09:00:58 +0000

Тамара Тодевска со новата песна не само што тргна во освојување на регионот, туку имаше и повод да слави - дваесет години откако го објави првиот регионален хит „1003“. Почетокот на големата годишнина го означи со новата моќна песна „Нијагара“, за која објави видео, а потоа најави и концертна турнеја која ќе ја почне од родното Скопје, преку БиХ и Србија до Хрватска и Словенија, до ги пренесе сите пораки со нејзината музика. „Решение секогаш има и важно е да се оди напред, тоа е главната порака на „Нијагара“ која е инспирирана од нашата секојдневна борба. Песната е за сите луѓе кои некогаш се почувствувале повредени, разочарани или неправедно етикетирани. Често сме во тој „кафез“ заробени во сопствените мисли и стравови, а таа состојба не принудува да бидеме деструктивни, лути, но сепак можеме да излеземе од тој лавиринт! Во такви ситуации црпам енергија и сила од поддршката на моите најблиски - семејството, децата, публиката. Во животот секогаш е потребна поддршка од сите драги луѓе“ - изјави македонската поп пејачка која за прв пат во својата богата кариера се појавува како автор на песната, во соработка со хитмејкерот Лазар Цветкоски. Со оглед на тоа дека е автор не само на музиката туку и на стиховите за песната заедно со Лазар Цветковски, Тамара откри како почнала својата инспирација да ја преточува во музичко-стиховна креација: „Првите стихови се создадени сосема спонтано, неочекувано. Ништо не форсирам, се инспирирав и почнав да пишувам, па продолжив со колегата и пријател Лазе. Мислам дека направивме многу добар музички производ“ - вели Тамара и не исклучува да се појави во идните песни како автор на текстот, но и на музиката. „Нијагара се и човечки солзи, од тага или среќа. Нијагара се и лошите и добри моменти кои сите ги имавме во изобилство“ - објаснува пејачката, чија силна вокална интерпретација е одлично искомбинирана со впечатливо видео кое на динамичен начин ја прикажува приказната за песната. Тамара игра неколку улоги кои одразуваат различни емоционални состојби. Инаку, една од водечките поп-ѕвезди во Македонија тешко можеше да ја избегне успешната кариера, зашшто таа е родена во истакнато музичко семејство. Татко и Велко беше професор во музичкото училиште и академија, а мајка ми Брана оперска пејачка. Токму нејзината мајка имала најсилно влијание врз специфичната и често фалена вокална интерпретација на Тамара. Првпат настапи на шест години, а во кариерата и животот секогаш ја имаше поддршката од постарата сестра Тијана Дапчевиќ со која соработуваше неколку пати, а заедно го снимија дуетот „Луда игра“ во далечната 1997 година. Потоа во 2003 година го објави хит-синглот „1003“, кој го освои второто место на фестивалот во Будва. Успехот на таа песна доведе до снимање на деби албумот „Сино“. Вториот албум „Еден ден“ го запечати нејзиниот ѕвезден статус, како и нејзиниот прв самостоен концерт во скопската арена „Борис Трајковски“, кој се памети и денес. Добитник е на награди на неколку музички фестивали, како и награди за најдобри песни и женски вокал на најпознатите македонски манифестации ( „12 Величествени“, „Македонскиот радиски фестивал - МАРС“, „Златна бубамара“, „Бекстејџ наградите“...) , но на Евровизија со златни букви влезе во историјата на Македонија. На Евровизија настапувала четири пати, двапати како придружен вокал, а во 2008 и 2019 година како главен изведувач. Пред четири години во Тел Авив триумфираше со песната „Горда“ и го постигна најдобриот резултат на Македонија во историјата на ова натпреварување. Во финалето беше прва според оценките на жирито и во генералниот пласман, по пребројувањето на гласовите на европската публика заврши на високото седмо место. „Горда“ има посебно место во мојата кариера, но и во мојот живот. Тоа е круна на долгата работа и потврда за сериозен пристап и квалитетен производ. Незаборавно искуство, енергија и емоција што сака да ја почувствува секој уметник“ - рече Тамара и одговори на прашањето дали повторно ќе учествува на Евровизија? „Местото им го оставам на другите со вистинска желба да го надминат успехот на „Горда“. Но никогаш не кажувај никогаш. Ова е живот, се е можно“ - вели Тамара и открива кој и е миленик годинава на престижниот музички фестивал. За тоа дали некој од нејзините наследници ќе ја продолжи семејната музичка традиција, пејачката вели: „Мојата ќерка Хана веќе настапи на минатогодишното издание на најпознатиот македонски детски фестивал 'Златно славејче'. Сака да пее и танцува. Дарен исто така сака музика и сака да свири гитара. Сепак, нема да инсистирам ниту да ги туркам. Најдобро е еднаш самите да одлучат што сакаат, а јас ќе ги поддржувам на секој чекор“ - посочува Тамара, која и по „Нијагара“ вети дека ќе продолжи да создава нови песни. Фото: Инстаграм принтскрин/tamaratodevska Извор: Гранд.рс

Глорија се пофали дека нејзиното ново момче е „секс машина“: Бугарската фолк пејачка ужива со 20 години помлад, кој и го украде на нејзината колешка Татјана (ФОТО)

Антонио Димитриевски — Mon, 16 Jan 2023 12:40:25 +0000

Бугарската фолкерка Глорија влета во љубовна аера, откако веќе ја обзнани врската со новиот љубовник кој е 20 години помлад од неа, и очигледно е мераклија на постари жени. пејачката не престана да го фали за неговите вештини во кревет. „Тој е крал во сексот. Многу е добар. Затоа жените сакаат помлади мажи, а не дедовци. Ноќите со него многу ме подмладуваат“- искоментирала баба Гло, како што ја нарекуваат пејачката, фалејќи и е на една своја пријателка, пишува Лупа. Добар е во груб секс, откриваат неговите поранешни љубовници. Очигледно и Глорија сака да биде врзувана и потчинета, сметаат некои поранешни кои минале низ креветот на мачоменот, кој е најмалку 20 години помлад од пејачката. Самата фолкерка сподели фотографија на која Добромир и подарува голем букет црвени рози. Пред да ја започне врската со 50-годишната дива на поп-фолкот, тој имаше афера со друга пејачка на средна возраст, 44-годишната Татјана. Сепак, Глорија и позавиди на колешката и најбезмилосно и го грабна момчето. Татјана била порезервирана и само рекла дека Добромир е многу добар во кревет. Сепак, Глорија е поекстравагантна на оваа тема, која без двоумење споделува дека младиот човек е бог во кревет и дека ноќите со него ја подмладуваат. „Очигледно тоа е она што Глорија го бара цел живот, конечно е задоволна. И млад е и ја слуша, затоа што кај неа се парите, а тој ја задоволува. Решила да не се појавува со возрасни љубовници, дури и на нејзините спотови“ - велат блиски луѓе до поп-фолк дивата. За Добромир се вели дека пред извесно време всушност бил возач на нејзината колешка Алисија. Обожавателите на Глорија се шокирани како 49-годишна жена, која не само што е мајка, туку и баба, можела да се фати со его, но... Пејачката очигледно е мераклика на „пилетина“! Фото: Инстаграм принтскрин/gloria_bulgaria/ Јутјуб/Татяна

20 години „ДНК“: “И денес сме исти како на почетокот, ама тоа нѐ одржа во живот“ (ВИДЕО)

Антонио Димитриевски — Mon, 04 Jul 2022 08:54:33 +0000

Македонското ар ен би дуо ДНК оваа година слават 20 години јубилеј. Андреј Ѓоргиески и Владимир Блажев - Панчо неодамна ја почнаа турнејата со настапи низ Македонија, а јубилејот ќе го завршат на есен, со промоција на нов албум и голем концерт во Скопје.

Пред да станат ДНК, двајцата членуваа во други бендови. Андреј беше во ТНТ, а Панчо во ОК. Но кога нивните бендови се распаднаа, велат, решиле да пробаат нешто заедно. Немале очекувања и мислеле дека ќе траат само неколку години. „Не верувавме дека ќе дојдеме до дваеска“, ни кажаа во разговорот. Андреј за себе вели дека е смирен, а Панчо е бунтовникот кој секогаш гласно кажува што мисли. „Слични сме карактерно, ама и различни и најверојатно тоа нè држи заедно сите овие години. Андреј многу пати го јадел заради мене, ама знае дека работите не ги правам за внимание и собирање поени“, вели Панчо во муабетот за „Репортер“. Дури и кога се сликаат со луѓето за кои донираат, тоа го прават за да поттикнат и други да се вклучат во иницијативата, велат тие, не за да се фалат што направиле. Забавни, секој на свој начин, Панчо и Андреј ни раскажаа интересни приватни приказни. Панчо ни кажа дека на снимањето на новиот спот првпат пробал свинско. Тука се муабетите и за Перо Антиќ, со кого се родени на ист ден, па Панчо вели дека му зел 10 сантиметри од висината, но и за МЗТ, другарството со Елиф Елмас и тетоважите. Ни откри и дека е колекционер на патики, па има преку 140 пара. „Најскапите ми се Џорданки и ги платив околу 480 долари. Јас си ги лечам фрустрациите на тој начин, пошто како дете сум немал и мајка ми не можела да си дозволи повеќе од еден два пара да ми купи, па сега синовите секогаш имаат врв патики“, искрен е Панчо. Андреј, пак, со многу љубов зборува за ќерката Јана за која вели дека му пополнила празнина што и не знаел дека ја има. „Кога ќе погледнам во огледало, не се гледам само себе, туку ја гледам и неа. И знаеш, да не беше сопругата Наталија, мислам дека можеби и ќе останев сам во ова префригано време. Таа ме освои со природноста, нормалноста, скромноста“, ни раскажа тој низ емоции. Зборувавме и за пријателството со Наум Петрески, за кого вели дека е рокер и често знаат да запеат некоја рок-песна, но и за времето кога глумеше во скечовите на К-15 со Бубо, Миле и Тошо... Гледајте го видеото:

Јубилеен концерт за 20 години ДНК со промоција на новата „Ако утре ме нема“ (видео)

Слободанка Илиева — Thu, 09 Jun 2022 20:00:04 +0000

R&B дуото ДНК со гордост ви го најавува јубилејниот концерт насловен „20 години ДНК“, кој е закажан на 3 декември во арената „Борис Трајковски“. Концертот ќе значи заокружување на едно убаво и големо поглавје во кариерата на дуото, но и одбележување на постоењето на домашната музичка сцена на Панчо и Андреј. Билетите за претстојната музичка дружба во продажба ќе бидат пуштени веќе од понеделник 13 јуни, точно напладне и тоа преку продажната мрежа на Мк.тикетс. Со оглед на тоа дека Панчо и Андреј слават 20-годишен јубилеј, во првите 20 дена, односно во периодот од 13 јуни до 2 јули, билети ќе се продаваат по следниве цени: ВИП 800 денари, ВИП коњопој 800 денари, фан пит 200 денари и седење (трибини) 350 денари. Веќе од 2 јули цените ќе бидат следни: ВИП 1000 денари, ВИП коњопој 1000 денари, фан пит 350 денари и седење (трибини) 450 денари. - Ние сме луѓе од народот и да можеме да си го дозволиме тоа, ако целиот концерт ни е покриен од спонзори, верувајте не би ни наплаќале влезници, а така е затоа што се чувствуваме должни за сите 20 години поддршка што ја добиваме од целата наша публика. Сакаме некако да им возвратиме на сите и секој еден да може да си дозволи да биде присутен на концертот на 3 декември. Цените на билетите можеби се ниски, но ние сме убедени дека овој наш гест не е потценување на нашата работа, туку само гест на почит кон публиката која е со нас цели 20 години, едногласни се Панчо и Андреј. Освен што беа соопштени деталите за концертот, на денешната прес-конференција се случи и медиумската промоција на темата „Ако утре ме нема“, чија официјална промоција се случи вечерва на Јутјуб каналот на ДНК. „Ако утре ме нема“ е тема зад која стои веќе стандардната екипа – Панчо и Лазар Цветкоски, овој пат засилена од неверојатниот Џамбо Агушев, кој замеша прсти во аранжманот. Видеото, пак, е работено со Кристијан Теодоров, режија и камера, и Владимир Митревски -Ѓуле, монтажа и боја.

Министерството за култура е „глувонемо“ за македонска музика и нема „чувство за осет“ за домашната естрада: И „ДНК“ и „Last Еxpedition“ ги „извисија“!

Антонио Димитриевски — Sat, 19 Feb 2022 08:47:21 +0000

Резултатите од конкурсот на Министерството за култура за финансиска поддршка на проекти од национален интерес во културата, како и секоја година и оваа кренаа многу прашина, предизвикаа бура од незадоволства, отворија многу дилеми: Дали, кој, колку, за какви проекти, по кои критериуми и приоритети... треба да биде финансиски помогнат и субвенциониран! Дали партискиата припадност, етничкиот клуч или личните вкусови и интереси одново не беа во прв план, на штета на уметничките квалитети, естрадната популарност, минатиот труд, остварените резултати, оставените заслуги, квалитетот на понудата на она, за што е барано да биде субвенционирано...? Едни задоволни „мудро молчат“ и триат раце, други нездоволни пукаат од сите орудиа по „непринципиелната распределба“ на финансиските средства. Најмногу од нив се чини се оние од македонската естрада или поточно од поп-рок сцената, од која повеќето што конкурираа беа „прескокнати“. Едни од оние што останаа „извисени“ од Министерството за култура се и макеонското ар ен би дуо „ДНК“. Панчо и Андреј најавувајќи го својот јубилеј - 20 години постоење, разочарани и лути испратија реакција до јавноста преку медиумите: „Оние кои не пратат и следат знаат дека оваа година како ДНК славиме еден (за нас) голем јубилеј од 20 години постоење, кое ќе го прославиме со голем солистички концерт во арената “Борис Трајковски”. Датумот наскоро ќе биде објавен, а до тогаш сакаме да споделиме една информација со вас целокупната јавноста и сите медиуми. Денес, (17 јануари 2022) штотуку ја добивме информацијата, која воедно е големо разочарување за нас. Официјално, без никакво образложение сме одбиени од страна на Министерството за култура каде што најчесно и со целосно коректно доставена документација конкуриравме на годишниот конкурс за финансирање на проекти од национален интерес во културата од областа на музичката и музичко-сценската дејност. Да не бидеме погрешно сфатени не се жалиме, туку само сакаме да ви ја доловиме ситуацијата како е третирана македонската поп индустрија и воопшто македонската музика. Затоа и сцената е таму каде што е и не гледаме светла иднина додека вака сме/се третираат македонските артисти. Станува збор за ЈУБИЛЕЈ од 20 години. Ако бенд со 20-годишна кариера, кој зад себе има преку 60 синглови, 3 албуми, 2 големи соло концерти (Скопски саем), еден анплагд концерт (Универзална сала) , безброј настапи низ државата и надвор од неа, презентирајќи ја државата, нѐ множат со НУЛА, што останува останатите за останатите наши колеги и оние млади артисти кои започнале кариера или планираат да ја започнат. Ова е тотално омаловажување, деградирање и непочитување на своето. За жал, секогаш сме биле деструктивни како нација и секогаш туѓото се ценело многу повеќе. Ние концертот ќе го направиме како и да е бидејќи, пред сѐ, тоа ѝ го должиме на нашата публика која нѐ следи изминативе 20 години и ќе бидеме среќни и радосни со секој еден што ќе ни направи чест да дојде таа вечер, која за нас ќе биде еден од најбитните денови во нашите животи. Жалиме што сме родени во оваа држава, но ја сакаме Македонија, бидејќи тука е нашата публика заради која сме тоа што сме денес и воедно која, според нас, е НАЈДОБРА на свет, а тука се и нашите СРЦА. Министерство за култура нека ви служи на чест. Се гледаме на концерт. Со почит, Панчо и Андреј„ - напишаа во својата реакција членовите на македонското ар ен би дуо „ДНК“! Од рокерите, кои најчесто беа „изоставени од колачот“ реакција и од култната македонска алтер-рок група „Ласт Експедишн“, која на сцената постои повеќе од 30 години. Еден од нејзините лидери, вокалот на бендот Енис хаџиќ - Енко, јавно на својот Фејсбиук профил го прозва Министерството за култура и особено Комисијата за музичко - сценска дејност , во чија надлежност беа одлуките за доделување финансиска помош за проекти за кои конкурирале и членовите на „Ласт експедишн“, кои исто така „извисија“: „Втора година по ред како Министерството за 'култура' го одбива за средства еден од најзначајните македонски бендови икад LAST EXPEDITION. Претходните три години не ни конкуриравме бидејќи знаев каков ќе биде крајниот резултат. Знам дека сме прогласени за неподобни кај некои 'фаци' од повисоките кругови, ама од друга страна многу ми е ќеиф што немам ист вкус со доле наведените. 'Шефот' што знае за еден ден да напраи, оваа петорк (а од бендот) не е способна за цел живот. Сите останати ве сакам многу и бидете ми здрави, живи, позитивни и среќни“ - напиша Енко во своето обраќање јавно вперувајќи го прстот токму во споменатата комисија како најголем виновник за „немање слух“ за домашната поп-рок естрада и нејзиното музичко творештво, на чии членови истакнувајќи ги со име и презиме им порачал: „Не очекував ништо друго од луѓе со ваков 'капацитет'“. Ова се само двата најеклатантни примери, а нив ги има уште... Со право или не, децениите опстојување на сцената, резултатите во вид на албуми, песни, спотови, концерти... и конечно нивната публика се најдобрата „комисија“ која суди и оценува, кого за што го бидува и кој што и колку заслужува! Фото: Фејсбук принтскрин/Enis Hadjikj/Стефан Рајхл/Маја Аргакијева/ДНК

Снеже Велков секој ден оди да вежба, а сега првпат замина на миникир: Водителката по 20 години стави лак на ноктите – на среќата и немаше крај

Христина Ѓоргиевска — Fri, 18 Feb 2022 08:41:31 +0000

Некогашната македонска водителка Снеже Велков иако не е активна на ТВ екраните, е активна на социјалните мрежи. Имено, Снеже на „Инстаграм“ често споделува објави од раните утрински часови покажувајќи како и започнал денот, односно најчесто со физичка активност, како вози велосипед низ Скопје или пак вежба. Водителката некогаш знае да сподели и по некој здрав рецепт подготвен од нејзините вешти раце или пак да сподели некој графит, цитат од Скопје, да каже некој совет, мислење, да разменува мислења со следбениците. Така, неодамна таа ги праша корисниците на „Инстаграм“, решение за грицкање на нокти, а во пораки доби многу понудени решенија и одговори. Сепак, Велков грицкањето на нокти го реши на друг начин односно како што истакна во кусите приказни на „Инстаграм“ имала херпес на уста и така се откажала од навиката да ги грицка ноктите. Потоа, откако и пораснаа Снеже по 20 години замина каде што познатите, па и обичните девојки одат барем еднаш во месецот – односно на миникир. Имено, таа првпат по 20 години стави лак на ноктите, а на среќата и немаше крај... па водителката со крајниот резултат се пофали на социјалните мрежи. Снеже Велков е пример дека кога се сака, се може, и да се применуваат добрите навики како што е вежбањето, и да се одвикнат лошите навики како што е грицкањето на нокти. фото: Инстаграм/velkovsneze

Како Брена и Бобо во младоста: Тијана Дапчевиќ и сопругот пред 20 години – една фотографија, милион спомени – еве како изгледаа пред две децении

Христина Ѓоргиевска — Wed, 13 Oct 2021 07:43:32 +0000

Tаа е македонска пејачка, актерка, водителка со српско – македонска адреса на живеење. Тијана Дапчевиќ постојано е на релација Белград - Скопје. Во Србија живее со своето семејство, односно својот сопруг Милан Дапчевиќ и синот Вук, а во Скопје редовно доаѓа како поради работни обврски и снимањето на серијата „Преспав“, така и поради нејзиното семејство, сестрата Тамара Тодевска, родителите, пријателите.... Дапчевиќ е активна на социјалните мрежи каде често знае да објави по некоја нова, но понекогаш и по некоја постара фотографија, или да сподели некое видео додека готви. Кога станува пак за нејзиниот приватен живот, Тијана е во среќен брак со Милан Дапчевиќ со кој го има синот Вук. Меѓутоа, пејачката не открива премногу детали за животот зад затворени врати, не открива детали многу за својот приватен живот.

View this post on Instagram

A post shared by Tijana Dapčević (@tijana.dapcevic)

Таа неколку пати има истакнато дека се уште трае љубовта меѓу неа и сопругот, дека тој ја научил на многу работи и ја променил. Меѓутоа, Дапчевиќ ретко објавува фотографии со сопругот, а како што истакна во една прилика дека тој не се сака да се фотографира и експонира во јавност. Овој пат, пејачката на својот „Инстаграм“ објави фотографија од архива од пред две години на која таа е сопругот. На објавата, Тијана има подолга коса, како и Милан, а изгледа многу поразлично. „Матна, но драга. Фотографија од пред 20 години (од весник). Тогаш се сакаа двајца млади, се сакаат и сега...двајца млади. На сите ви посакувам ваква среќа“ напиша Дапчевиќ покрај фотографијата на која позира со саканиот.

View this post on Instagram

A post shared by Tijana Dapčević (@tijana.dapcevic)

Под објавата се нижеа позитивни коментари за нивната љубов и брак. Инаку, на фотографијата тие потсетуваат малку и на еден од најпознатите естрадни парови во регионот, Брена и Боба од младоста кога нивната љубов беше фатална и главна тема во медиумите, кога парот се запозна и ја започна нивната врска и љубов која трае денес, Брена како пејачка, Боба како тенисер, Тијана како пејачка, а Милан Дапчевиќ како кошаркар. Слични и лични. фото: Инстаграм/тијана дапчевиќ

20 години „Битола отворен град“

Антонио Димитриевски — Tue, 07 Sep 2021 12:49:30 +0000

Овој викенд во Битола ќе се одржи 20-тото издание на фестивалот Битола Отворен Град во организација на МКЦ-Битола. Токму фестивалот цели две децении обединува, креира и инспирира младинско учество преку музика и уметност низ општествен процес во кој поминале многу генерации. Годинава во двата фестивалски денови, на две локации, во Пациото на музејот и локалитетот Хераклеја, ќе настапат бројни артисти и бендови. The BalGuns (Грција), Stereo Banana (Србија), Кирил Џајковски (Македонија), Helem Nejse (Босна и Херцеговина), Love Itoya (Нигерија, Грција)…концертите се бесплатни, потребна е само регистрација на сајтот на МКЦ-Битола. Бројот е ограничен, согласно здравствените протоколи. Летото никогаш не завршува за големи настани, порачуваат организаторите, затоа испланирајте го овој викенд за БИТОЛА ОТВОРЕН ГРАД.