16 години – Вистина.мк

Македонската естрада и 16 години подоцна се сеќава на денот кога Тоше замина… во вечноста: „И денес за него спомените и пеат и плачат“!

Антонио Димитриевски — Mon, 16 Oct 2023 10:18:08 +0000

Годините минуваат грутката во грлото останува, празнината во градите се уште ја има, сеќавањата не бледеат… , 16 години без нашиот ангел македонската музичка икона, без најголемата музичка ѕвезда што некогаш сме ја имале... 16 години без Тоше. Денот на заминување во вечноста која оддамна ја заслужи, можеби најтажниот ден во поновата историја, Македонија не заборава да го одбележи, да се потсети на големата ѕвезда, на момчето со златно грло, ореол на хуманоста и големо срце… Тоше – засекогаш! Затоа и кога го нема најприсутен е тогаш. Македонските личности од естрадата и јавниот живот и 16 години подоцна исто така не го заборавија Тоше. Особено оние кои заедно со него го живееја најзлатниот период од своите и неговите години, неговата кариереа, неговиот млад живот, кој прерано згасна... Вака некои од познатите се потсетија на денот кога нашиот музички ангел физички замина, а сепак остана во сите нас и нашите срца... Засекогаш! Ламбе Алабакоски се потесети на својот идол од младоста. Подоцна колега и пријател чиј автограм како спомен од детството се' уште љубоморно го чува... Од Тоше за Ламбе... Каролина Гочева, со која некогаш на почетокот беа и заедно ексклузивци во иста продукција, со неколку фотографии се потсети на времето на нивната заеднички дует, безвременската балада „Немир“ со која ги освоија срцата на публиката. Македонскиот шоумен Игор Џамбазов сподели парче од медиумското потсетување на естрадниот магазин „Бекстејџ“ на денот кога „судбината беше нечесна“... Кон Тоше, неговите најблиски, сите нас, на кои искрено , онака од душа знаеше да ни каже: „Ве сакам сите... од срцето и од душата“. Тамара Тодевска беше една од оние негови колешки чија кариера растеше и се развиваше паралелно со онаа на Тоше. Затоа и таа не заборави да се потсети на неколку од заедничките моменти на среќа и радост поминати со својот близок пријател. Фотографии за прошетка по времето и спомените зачинети со едно големо срце! Нејзината постара сестра Тијана исто така не пропишти да го одбележи денот кога нашите души се претворија во една голема „соба за тага“... Тага која трае веќе 16 години и скршено срце... засекогаш! Мартин и Стефан од братското дуо „Некст тајм“ му оддадоа почит на денот кога замина, потсетувајќи ја јавноста со зборовите: „Еден и единствен виртуоз и дар од боговите, засекогаш наш Тоше“! Антониа Гиговска, денот кога замина Тоше едвај и го памети, но затоа пак добро памети дека токму улогата во мјузиклот за него и ги отвори естрадните врати на популарноста. Затоа Тоше никогаш не го заборавила, па се потсети на него со песна... Можеби најдрага! Кристина Димитри од многу причини исто така се потсети на македонскиот ангел и денот кога тој физички замина на небото. Овој пат со исечок од ТВ емисија на хрватската РТЛ... Денот кога „тишината ја исполни болка“ најмногу го памети Весна Бејби Петрушевска, една од неговите најблиски пријателки, во чија тогашна ТВ емисија „Вртелешка“ за последен пат Тоше се појави во јавноста. Само неколку часа пред да замине на пат, од кој за жал, никогаш не ни се врати, заминувајќи на пат кон вечноста…

View this post on Instagram

A post shared by Vesna Petrushevska (@vesnapetrushevska)

Сепак, веројатно најсочувствителните зборови ги споделила новинарката и ТВ водителка Анита Даева, која прилично емотивно ги доловила спомените на македонската музичка икона.

View this post on Instagram

A post shared by Anita Daeva (@anitadaeva)

Фото: Инстаграм

Оваа снимка на неговиот 41-ви роденден беше за прв пат објавена: Тоше на 16 годишна возрас со група „903“ ја изведува песната „Марија“ (ВИДЕО)

Антонио Димитриевски — Fri, 28 Jan 2022 10:31:53 +0000

На 25 јануари 2022 г. се навршија 41 години од раѓањето на веројатно најголемата поп ѕвезда која оваа земја ја имала. Тодор Проески, или едноставно нашиот ангел, нашата музичка икона, нашиот Тоше. Момчето кое покрај големиот талент и дарба, имаше и огромно хумано срце срце и љубов за сите. Но, иако него го нема меѓу нас, неговите песни, хуманост и дела живеат и денеска. Тоше фолклорот, особено оној изворниот, македонскиот, го сакаше колку и музиката која ја пееше за младите генерации во епохата во која живееше. Впрочем, не случајно се реши да го снима албумот „Божилак“ на кој ги испеа и им даде свое видување, сопствен печат на некои од најубавите македонски фолк бисери... Од: Јовано, Јованке, Калеш Анѓа, Море сокол пие, Не си го продавај Кољо чифликот, преку: Си заљубив едно моме, Учи ме мајко, карај ме, па се' до: Со маки сум се родил, Зајди, зајди јасно сонце, Мајка на Марика думаше... Токму на неговиот роденден, на 25 јануари годинава за прв пат беше објавена една песна која Тоше ја испеал заедно со групата “903-та” кога имал само 16 години. Талентот несомнен уште од мали нозе, зрелоста за едно дете како на возрасен човек. Погледнете во продолжение како изгледал и звучел Тоше кога со групата „903“ ја испеал песната „Марија“:

На денешен ден почина Милан Младеновиќ, лидерот на култните ЕКВ: „Ти си сета наша болка… на една цела изгубена генерација“ (ВИДЕО)

Антонио Димитриевски — Thu, 05 Nov 2020 12:57:36 +0000

Легендата на југословенскиот рок, основач на неколку култни бендови што го одбележа растот на многумина и иницијатор на новиот бран во ЈУ музиката, Милан Младеновиќ, почина на денешен ден пред точно 26 години. „Момчето од водата“ е родено на 21 септември 1958 година во Загреб, а во најраното детство ја покажа својата љубов кон музиката. На шестгодишна возраст, со семејството се преселил во Сараево, а во 1970 година во Белград. Тој заврши во 11-тата гимназија во Белград, каде кон крајот на седумдесеттите години заедно со неговиот школски пријател Драгомир Михаиловиќ Гаги го основа својот прв бенд „Лимоново дрво“, а потоа и познатата група „Шарло Акробата“, за подоцна да се здобие со најголема регионална слава во бендот „ЕКВ “. Во 1986 година, беше издаден албум со песната „Ти си сета моја болка“, кој „ЕКВ“ ги лансираше директно кон ѕвездите. Тие станаа најпопуларниот бенд и останаа се' до 1994 година. Секоја девојка од поранешните ЈУ простори во тоа време беше за потајно вљубена во Младеновиќ и имаше многу шпекулации за неговиот љубовен живот, но јавно, малку се знаеше. Последните години од животот ги помина со Маја Маричиќ, која му беше најголема љубов во животот и на која и е посветена песната „Очи со боја на мед“. После спектакуларниот настап во Будва во 1994 година, Младеновиќ беше итно пренесен во болница, каде му беше дијагностициран рак на панкреасот, од кој почина на 5-ти ноември истата година во Белград каде беше погребан и почива на Новите гробишта во српската престолнина. Со неговата смрт, „Екатерина Велика“ престана да постои. Кога почина, Милан имаше само 36 години и 35 килограми, а неговата смрт беше проследена со многу контроверзии. Да потсетиме, сите членови на бендот ги следеа приказните за конзумирање наркотици, што во тоа време беше табу тема, а исто така многу се зборуваше за нивниот бурен приватен и љубовен живот. Зад себе оставија песни кои продолжуваат да живеат до денес. Проклетството на групата „ЕКВ“ не го однесе само Младеновиќ, туку за жал меѓу живите веќе не се ниту Иван Вдовиќ (1961-1992), Маргита Маги Стефановиќ (1959-2002) и Бојан Печар (1960-1998), а во 2013 година во Белград почина и долгогодишниот менаџер на ЕКВ, Небојша Гргиќ - Грга. https://www.youtube.com/watch?v=iuSthfwzjPs&feature=emb_logo

Протече фотографија од Меган Маркл од средношколските денови, еве како изгледала на 16 години

Христина Ѓоргиевска — Sun, 22 Dec 2019 10:35:37 +0000

Неодамна на „Инстаграм“ се појави фотографија од Меган Маркл од средношколските денови, а нејзините фанови не можат да веруваат дека воопшто не се променила. Имено, на фотографијата Меган има 16 години и позира пред новогодишно дрво заедно со нејзиното тогашно момче Луис Сегур. Меган на фотографијата изгледа весело и е насмеана, облечена во светкав, црн фустан, а многумина коментирале дека таа изгледа целосно исто како и денес, без оглед на тоа што сега има 38 години. „Некој да ми каже дека фотографијата е направена претходната година би поверувал“, „Тогаш не знаеше дека ќе стане принцеза“, „Дали старее воопшто?“, се само некои од коментарите. За потсетување, Меган Маркл е во брак со принцот Хари, а оваа година тие станаа родители на нивниот наследник Арчи.

Се оженил на 16 години: Ѕидарот од Битола кој учествуваше во „Никогаш не е доцна“ вака изгледаше на венчавката

Христина Ѓоргиевска — Wed, 31 Jul 2019 07:22:39 +0000

Во последната сезона на „Никогаш не е доцна“, учествуваше и ѕидарот од Битола, Бејхан Рамов кој ја однесе победата од гласовите на публиката. Бејахан се оженил на само 16 години, исто толку години имала и неговата партнерка. На венчавката присуствувале само кумовите, а за оваа прилика одбрале опуштена комбинација.

Невестета била облечена во црн фустан и мантил, додека Бејхан носел фармнерки во комбинација со бела мајца. Бејхан и неговата сопруга се во брак 30 години, а заедно имаат три деца.

Тој почнал да работи со музика на возраст од девет години, кога почнал да пее големи турски хитови, бидејќи неговата мајка по потекло е Турчинка. На 13-годишна возраст, почнал да работи во градежништво и ѕидарски работи, а потоа како помошник на мајсторите.

Имала само 16 години: Нина Бадриќ пред 31 години изгледала вака (фото)

Христина Ѓоргиевска — Mon, 14 Jan 2019 09:52:57 +0000

Се појави видео на кое е Нина Бадриќ, а видеото е настанот во 1988 година односно пред 31 година. Тогаш биле сосема други времиња, а Нина настапувала во „Ѕвездички“. Во 1988 година, Нина имала 16 години, но поради силната шминка изгледа повозрасно. Бадриќ и ден денес важи за дама со стил, а и тогаш изгледала прекрасно. Еве како изгледала хрватската пејачка на 16 години.

foto: Printscreen