15 часот – Вистина.мк

Во чест на Аки во 15 часот на 150 радиостаници ширум регионот ќе се емитува последниот сингл на „Парни ваљак“ – „Поново“

Христина Ѓоргиевска — Thu, 27 Jan 2022 13:53:22 +0000

Во чест на Аки Рахимовски денеска во 15 часот, во време кога во Загреб ќе се одвива церемонијата на неговото испраќање, 150 радио станици од регионот во исто време ќе го емитуваат последниот сингл на „Парни ваљак“ – „Поново“. „Поново“ е последната песна на Аки Рахимовски и кај нас ексклузивно ќе се емитува во 15 часот на националното радио Метрополис Радио Мрежа, на радио Бубамара, Скај радио, Супер радио од Охрид, како и на две интернет-радио станици – Анторис радио и радио Мост. Синглот „Поново“, авторско дело на Хусеин Хасанефендиќ Хус, требаше да претставува најава за новиот албум на Парни ваљак, и за нивната скорешна голема турнеја… Аки почина во саботата на 22 јануари 2022 година. фото: Hrvoje Jelavic/PIXSELL

Закажано испраќањето до вечното почивалиште: Аки ќе почива во Алејата на великаните на загрепските гробишта „Мирогој“

Антонио Димитриевски — Tue, 25 Jan 2022 14:03:13 +0000

Во саботата на 22 јануари нè напушти Аки Рахимовски, еден од најголемите вокални изведувачи, фронтмен на „Парни ваљак“ и неуморен музичар кој низ пет децении кариера со својот уникатен глас и неуморната енергија на изведба ги одбележа животите на сите генерации.

Со оглед на актуелните епидемиолошки мерки, менаџментот на бендот ги замолува сите кои сакаат да му оддадат почит да го сторат тоа од вторник, 25-ти јануари кај скулптурата „Бунарот на животот“ пред Хрватскиот народен театар во Загреб, каде што ќе може да се донесат цвеќиња и да се запалат свеќи. во спомен на овој единствен и голем музичар. Последното збогување на Аки Рахимовски ќе се одржи во четврток на 27-ми јануари во 15 часот на загрепски Мирогој во Алејата на великаните, во кругот на семејството и пријателите. Во алејата се погребани и други познати личности од поранешна Југославија помеѓу кои: кошаркарот Дражен Петровиќ, актерката Ена Беговиќ, Рајко Дујмиќ од „Нови фосили“, Кичо Слабинац и други.