14 февруари – Вистина.мк

Емилија Розман сподели гола фотографија и забавна порака: Знаете ли зошто македонската убавица иако е сингл, едвај го чека „Денот на вљубените“? (ФОТО)

Антонио Димитриевски — Sat, 17 Feb 2024 09:58:19 +0000

Македонската манекенка, мисица и модел Емилија Розман не само што е позната по својата убавина, телесениот раскош и сексапил, туку и по себeсвојствениот хумор, најчесто на своја сметка. Овој пат долгоногата убавица решила да ги спо двете во едно: Својата секси убавина со хуморот, па двојно да ги расположи сите оние кои ја обожаваат. Ем со својот гол изглед, ем со хумористичната поента, кои ги споделила на социјалните мрежи. Имено, г-ѓица Розмантична реши одново да покаже колку е згодна, секапилна и романтична, па најпрвин сподели една- две подразголени, фотографии, до душа не баш најнови, но сепак доволно провокативни колку да ја подгрее атмосферата за празникот, кој многумина, особено меѓу помладите последниве години, па и децении се' повеќе го слават, иако не е православен. Особено скокотлива е онаа фотографија, на која убавата Емилија го споделила сиот свој телесен раскош, со манекенско-балетски чекор „пиштол гола“! До душа фотографијата покрај еротската компонента има и уметничка, зашто се' е покажано, а сепак на неа ништо експлицитно не се гледа, ама затоа е јасно видливо со какви атрибути располага нашата убавица и каде е фотографијата направена. И тоа не случајно, туку како вовед за она што г-ца Розмантична го споделила во продолжение на своите Инстаграм приказни како хумористична најава за претходно споменатиот празник, 14-ти февруари, попознат како „Свети Валентин“ или „Денот на вљубените“, иако всушност кај православните христијани тој ден барем би требало да се слави Свети Трифун. „Едвај го чекам „денот на вљубените“. „Вљубена(а) ли си? Не, јас имам цвеќарница“ - пишува во хумористичната порака што убавицата ја објавила, заедно со еротско - уметничката фотографија каде таа е сликана сосема гола во една од нејзините неколку скопски цвеќарници и воедно продавници за подароци! . Фото: Инстаграм принтскрин/rozmanticna

Денот на вљубените како најмногу да им недостасува на разведените и оставените: Не е лесно да си сам или сама или… тоа само така изгледа заради реклама? (ФОТО+ВИДЕО)

Антонио Димитриевски — Tue, 14 Feb 2023 10:05:09 +0000

14-ти февруари, традиционално двоен празник... До душа однеодамна. Претходно, отсекогаш кај нас старите го славеле православниот празник посветен на светецот Свети Трифун, денот кога се закројуваат лозите, денот на лозарите... Подоцна саркастично наречен и „денот на пијаниците“ иако не е баш и така. Не така оддамна, откао станавме самостојна и суверена држава, барем на хартија, католичкиот празник Свети Валентин кој се празнува на иститот датум - 14 февруари, стана попривлечен, попримамлив, поекспониран, некако со голема помпа „натурен“ да се слави, особено кај младите, како празник наречен Денот на вљубените... Па така, сега на ист датум ги имаме двата празника споени во еден хибриден, познат како: „Денот на виното и љубовта“! Демек, тие две нешта најдобро одат заедно!? Зашто како што велат, некој пие од среќа, некој од тага, а некој... уште од изутрина, ама тоа е друга приказна! Денот на виното и љубовта некои го слават помпезно, на некои ништо не им значи повеќе од обичен ден, ама сепак многумина сакаат на некој начин да го одбележат. Социјалните мрежи се идеално место за тоа. По некоја логика, најмногу би требало меѓу нив да се оние „до уши вљубените“, ама ако го отворите денешниот Инстграм на пример, ќе забележите чуден феномен. Денот на вљубените како најмногу им недостасува на разведените и оставените?! Особено тоа може да се забележи кај некои од познатите и популарни личности! Така на пример, Лила Филиповска иако оддамна официјално е „only the lonely“ или што би рекле „сингл“, е една од оние која прва ќе ја забележите меѓу црвените балони во облик на срце. Со препорака каде и како вљубените можат да минат заедно една преубава вечер како што токму ова, која ја слави љубовта. Дали и таа самата ќе го стори истото и со кого, не објасни. Кумановската трендсетерка и тазе инфлуенсерка е и тазе разведена. Но, без оглед на тоа, Агнеса Органџиева не отстапува од тоа да ви порача да не го пропуштите Денот на вљубените. Да го прославите онака како што Агнеса ќе ви препорача, како да ја изненадите вашата љубов. Дали и неа некој ќе ја изненади со многу повеќе отколку она што како изненадување на сликата го покажа и понуди, новопечената инфлуенсерка не обзнани. Тамара Тодевска ја изненади јавноста откако кон крајот на 2022-ра објави дека се разведува. Оттогаш покрај тоа што е соло пејачка професионално, е соло дама и приватно. Или барем така засега се декларира. Но, затоа пак е една од најгласните што на Денот на вљубените ја протежира љубовта. „Секој од нас сака да добива подароци, но и да подарува. Затоа што тогаш подаруваме љубов, внимание и среќа. Деновиве го одбележуваме Денот на љубовта, Свети Валентин. Мене веќе почнаа да ми пристигнуваат подароци. А, посебно ми е драг овој подарок... Љубовта да ја покажуваме секојдневно и безусловно. Подарете нежност и убавина“ - споделила на својот Инстаграм, Тамара. При тоа и таа не објаснува дали освен материјалните подароци од спонзорите, на подарок ќе добие празнична доза нежност и убавина... За Свети Валентин, но и секојдневно и безусловно...? И од кого? Раскинувањето на врската помеѓу естрадно-љубовната двојка Антониа Гиговска и Иван Јованов во македонската јавност одекна како онаа на Пике и Шакира во светската. Како турска серија во продолженија... Во меѓувреме се случи што се случи, а дојде и Денот на љубовта и виното. Случајно или намерно, како скриена порака или жал за Антониа, на својот Инстаграм, Иван објави еден кавер кој самиот го отпеал. Толку емотивно, што е дури и трогателно... „Заборави“ од „Тропико бенд“ звучи како реквием за една љубов... „Заборави дека соништата ти ги подарив, заборави зошто во нив веќе не си ти, заборави иако отсекогаш знаев, дека ќе ме оставиш“... се само дел од стиховите во рефренот на тажната љубовна балада, која силно одекна за Денот на вљубените на Инстаграм профилот кај пејачот на „Либеро бенд“.

View this post on Instagram

A post shared by @jovanov_ivan

Ова е само дел од арсеналот на познатите... Списокот е долг, а во него понекогаш сме сите, иако од прикажаното се наметнува едно прашање: Дали тоа Денот на вљубените најмногу да им недостасува на разведените и оставените? Не е лесно да си сам или сама или...Тоа само така изгледа заради реклама? Фото: Инстаграм принскрин/jovanov_ivan/tamaratodevska/agnesaorgandzieva/lilafilipovska

Бојана Скендеровски на 14 февруари не го славеше само „Денот на вљубените“ или „Св. Трифун“ – имаше уште посебен повод за славење (видео)

Христина Ѓоргиевска — Tue, 15 Feb 2022 07:50:12 +0000

Во светот и во Македонија вчера се славеше „Денот на вљубените“, денот кога љубовните парови, партнери си подаруваат подароци, си честитаат или заминуваат некаде заедно да прослават. Водителката и пејачката Бојана Скендеровски вчера (14.02.2022) имаше уште еден повод за славење. Имено, Бојана славеше роденден, а токму по тој повод на нејзиниот Фејсбук и Инстаграм профил пристигнаа еден куп честитки од нејзините пријатели и следбеници. Таа роденденот го прослави со поширокото семејство во еден познат скопски ресторан, со музика и песна, па во еден момент и самата весела и расположена запеја. Бојана на својот „Инстаграм“ и објави видео на кое дува свеќички во друштво на дечињата, а во описот на видеото напиша: -Мојот микро универзум во кој има мега љубов…. Инаку, на Бојана Скендеровски која наполни 38 години, Вистина.ком.мк и посакува среќен роденден! фото: принтскрин/инстаграм/skenderovski

Дали знаете зошто се прославува Денот на вљубените?

Антонио Димитриевски — Mon, 14 Feb 2022 14:02:37 +0000

Секоја година на 14.февруари се празнува Св.Валентин. Тоа е ден кога и изразуваме љубов на саканата личност, но знаете ли кој е Купид, што се случува кога ќе ве погоди неговата стреличка и зошто воопшто го славиме Св.Валентин? Симбол на Св.Валентин е римскиот бог Купид прикажан со лак и стрела. Се вели дека оној кој ќе биде погоден со неговата стрела, веднаш ќе се заљуби. Овој празник го добил името по светецот Валентин кој живеел во 3.век после Исус Христос. Традицијата на славење Св.Валентин Традицијата на славење на Св.Валентин е најверојатно една од најдолгите во историјата на христијанството. Првите честитки за Св.Валентин датираат од Англија и Шкотска, во раниот среден век, кога постоел обичај на прагот на својата сакана да се остави љубовна порака или честитка украсена со чипка или со некој друг материјал. Во некои земји постоел обичај на девојката да и се подари облека, а ако таа ја задржи облеката, тоа би било знак дека се согласува да го поминете остатокот од животот заедно. Постојат повеќе верзии за настанокот на оваа легенда. Официјалната католичка црква се држи до тоа дека Св.Валентин бил свештеник исцелител (името Валенс на латински значи здрав), заштитник на здравјето. Венчавките тогаш се одржувале некаде околу месецот февруари, кога Св.Валентин бил погубен, за да се навести дека доаѓа пролетта и да се избегне големата гужва за време на Божиќ и Велигден. Оттука е и неговата поврзаност со бракот. Многу од т.н Пагански религии како што се римската и грчката го земале токму месец февруари за да се слави магијата поврзана со бракот или љубовта, па се претпоставува дека тој обичај можеби е преземен од древните религии. Колку е ова вистина, никој не можел да докаже. Свети Валентин – заштитник на празникот на љубовта Најпознатата приказна е онаа во која Св.Валентин се наведува како свештеник кој тајно ги венчавал римските војници и нивните одбранички. Во тоа време римскиот цар Клаудие донел наредба според која ниту еден римски војник не би смеел да се венча, бидејќи тоа би му го одземало вниманието кое требало да го има кон војувањето. Сите морале да ја почитуваат таа одлука, вклучувајќи ги и свештениците. Свештеникот Валентин не ги почитувал тие наредби и почнал тајно да ги венчава младите парови ризикувајќи на овој начин да заврши во затвор и да биде погубен, што на крајот и се случило на 14.февруари, еден ден пред римскиот празник Луперкалија, на Валентин му била отсечена главата. Недолго потоа, од страна на народот тој бил прогласен за светец, а подоцна кога христијанството се зацврстило и кога завршило прогонството, свештенството се одлучило тој датум да се слави како ден на Светиот Валентин. Денот на заљубените денес Како и да е, денот на Светиот Валентин денес е познат низ целиот свет како Ден на заљубените. Веројатно не можете да си замислите ситуација да сте во врска, а на тој ден на саканата личност да не и купите барем некој скромен подарок или пак да организирате заедничка вечера, кино, прошетка или нешто по ваш избор.