13 ноември – Вистина.мк

Скопје одбележува 79 години од Денот на ослободувањето

Антонио Димитриевски — Mon, 13 Nov 2023 10:00:05 +0000

Скопје денеска одбележува 79 години од Денот на ослободувањето во Втората светска војна. Делегации од институции и организации ќе оддадат почит и ќе положат цвеќе на Партизанските гробишта во Бутел на Алејата на заслужните граѓани во Бутел и на споменикот „Ослободители на Скопје” на платото пред владината зграда, а најавени се повеќе манифестации, работилници, изложби, промоции… Детски културен центар „Карпош“ ја организира традиционалната манифестација „Го градам мојот град“, а Дирекцијата за култура и уметност работилници на темите „Скопје, европска културна престолнина“ и „Минатото на Скопје се сеќава, а иднината на Скопје го запознава какво што некогаш било. За да го сака уште повеќе онакво какво што е сега“. Во Градската библиоитеката „Браќа Миладиновци“, пак, ќе биде промовирана книгата „Книжевна мапа на Скопје“ од Моника Илкова, во централната зграда на националната Пошта ќе биде отворена изложбата од конкурсот „Скопје на новата генерација”, во организација на Јуроп Хаус Скопје. Традиционално, Град Скопје ќе ја додели наградата „13 Ноември“ на физички и правни лица чија цел е промовирање на константните вредности во науката, уметноста, здравството, културата, образованието и спортот. Добитник на наградата од областа на публицистиката е академик Влада Урошевиќ, од областа на образованието и воспитанието проф. д-р Бона Бајрактарова и прoф. д-р Соња Здравкова - Џепароска, од областа на културата Благој Чоревски, од областа на науката проф. д-р Елка Јачева-Улчар и од областа на уметноста Ѓорѓи Цуцковски. Годинашни добитници на оваа престижна награда се и проф. д-р Билјана Кузмановска и д-р Ирфан Ахмети од областа на здравствената заштита, од областа на хуманитарната активност ДНК – музичко дуо Андреја Ѓорѓиески – Андреј, Владимир Блажев – Панчо и Елена Божиновска, од областа на социологијата Али Пајазити и од областа на спортот Атанас Костовски и СУГС Гимназија „Никола Карев“ – Скопје. На 13 ноември 1944 година, борците од 42. и 50. Народноослободителна дивизија на македонската војска и 16. Македонска бригада го ослободија Скопје од фашистичката окупација. Извор: Курир/МИА Фото: МИА

Дневен хороскоп: Сабота, 13-ти ноември 2021 година

Антонио Димитриевски — Sat, 13 Nov 2021 10:54:24 +0000

ОВЕН Добро ви оди во работата. Задоволни сте од резултатите што ги постигнувате во оваа област. Саканиот ќе покаже дека е подготвен максимално да се посвети на вас и вашите потреби. Можна е минлива слабост. БИК Ве очекува фаза во која ќе имате мали деловни промени. Подготвени сте да го промените она што не ви одговара. Ве очекува мирен ден во врска со саканата личност. Знаете дека можете да сметате на неа. Зголемете го внесот на витамини. БЛИЗНАЦИ Денес е денот кога ќе бидете задоволни од деловната ситуација. Ве очекува поволен период. Можно е да имате интересно познанство кое ќе ве доведе до нова врска. Одлично здравје. РАК Имате можност да ја подобрите вашата заработка. Ќе бидете задоволни од деловните околности. Личноста која ви се допаѓа ќе стане малку поинаква кон вас. Чувствувате дека има интерес и од нејзина страна. Мали проблеми со грлото. ЛАВ Доколку го чекате вистинскиот момент за да започнете приватен бизнис, подгответе се бидејќи тој доаѓа наскоро. На љубовно поле можете да очекувате позитивен развој. Личноста која ви се допаѓа ќе ви пријде. Консултирајте се со лекар. ДЕВИЦА Нема да можете да ги реализирате сите планови што ги имате за работата. Можно е да има сопирачки кои се надвор од ваша контрола. Ако има проблем со саканата личност, разговарајте искрено за се.: Треба да посветите повеќе внимание на вашето здравје. ВАГА Генерално добро се снаоѓате на работа. Задоволни сте од резултатите што ги постигнувате на ова поле. Саканата личност ќе покаже дека има силни чувства кон вас и дека сака посериозна врска. Здравјето ви е одлично. ШКОРПИЈА Иако имате проблеми на работното поле, нема така лесно да се откажете. Подготвени сте да се справите со компликации. Можеби ви се допаѓа личност со која имате недефиниран однос. Здравјето е солидно. СТРЕЛЕЦ Доколку сакавте да напредувате на работа, ќе ви се даде можност да го направите тоа во наредниот период. Иако емоциите меѓу вас и партнерот се силни, има и многу тврдоглавост па сте склони кон несогласувања. Проблеми со видот. ЈАРЕЦ

Денес сте особено уморни и немате доволно мотивација за работа. Можно е и основните обврски да ви паднат некако тешко. Дојдовте до конфликтна ситуација во односите со партнерот. Вашите синуси се чувствителни денес.

ВОДОЛИЈА Загрижени сте за вашата финансиска состојба и планирате да се посветите на барање дополнителна работа. Иако мислевте дека ќе се омажите и ќе подобар однос со сегашниот партнер, сфативте дека тоа не е така. Проверете ја тироидната жлезда. РИБИ Денес нема да ви биде лесно да ги реализирате сите ваши планови. Важно е да покажете доволно трпение. Со ладни глави размислете дали ќе останете во емотивна врска или не. Се препорачува повеќе сон.

13-ти Ноември: Скопје го одбележува Денот ослободувањето

Антонио Димитриевски — Sat, 13 Nov 2021 10:28:18 +0000

Денеска се одбележува 13 Ноември – Денот на ослободувањето на Скопје во Втората светска војна. На 13 ноември 1944 година, борците од 42. и 50. Народнослободителна дивизија на македонската војска и 16. Македонска бригада го ослободија Скопје од фашистичка окупација. По неколкудневните тешки борби со припадниците на 22-та Гренадиска германска дивизија, составена од 47-от и 65-от полк и делови од 11-та воздухопловна десантна дивизија, како и со германската тврдинска бригада „Ангермилер“, која беше распоредена пред Качаничката Клисура, борците со победоносен марш влегоа во градот. По повод одбележувањето на 13 Ноември, борците од Народноослободителната антифашистичка војна ќе имаат средба со градоначалничката на Град Скопје, Данела Арсовска. По средбата предвидено е делегациите да положат цвеќе на Партизанските гробишта во Бутел и на вечното почивалиште на генерал Михајло Апостолски во Алејата на заслужни граѓани. Делегациите ќе положат цвеќе и пред Споменикот на ослободителите на Скопје, пред Владата на Република С. Македонија. Во Македонската филхармонија вечер ќе биде доделена и наградата „13 Ноември“. Од областа на науката добитници се: проф. д-р Денко Малески и д-р. Емил Нијами, автор, лектор и преведувач. Во образованието и воспитанието добитник е проф. д-р. Мишо Докмановиќ, а во публицистиката Слободан Петровиќ. Од областа на културата добитници се: Ирена Колиштрковска-Настева и Лилјана Пандева, писател, поет, прозаист, од областа на уметноста добитник е Емилија Џипунова. Од областа на здравствената заштита награден е тимот за имунизација од КОВИД-19 при Здравствениот дом – Скопје и медицински тим на доктори кои ја изведоа првата операција во Македонија, имплантација на вагус нерв стимулатор, кај пациент со епилепсија отпорен на лекови. Од областа на меѓународна награда добитник е Раде Шербеџија. Од ученици и студенти добитници се: Сандра Недановска, од правни лица Институтот за македонска литература – Скопје и Основното училиште „Кирил и Методиј“ од село Стајковци, Општина Гази Баба.

Биба Додева на 13 Ноември го промовираше видеото за својата верзија на – „Скопје“ (ВИДЕО)

Антонио Димитриевски — Wed, 13 Nov 2019 13:06:52 +0000

Минаа неколку месеци откако македонската поп-рок пејачка Биба Додева ја преработи легендарната песна на култните „Леб и Сол“, посветена на македонската метропола - „Скопје“. Празникот на главниот град, денот на неговото ослободување „13 Ноември“ беше искористен за промоција и пуштање во етер на видеото за истата, кое е правено по теркот на оригиналната приказна на режисерот Столе Попов, но овој пат со други протагонисти, на други, различни скопски локации... Во спотот се појавуваат многу познати македонски личности од различни области, како и урбани градски ликови, навивачки групи, естрадни фаци, актери, пејачи, водители, музичари... Со еден збор, дел од луѓето што го обележале животот и битисувањето на главниот град, секој на свој начин, во својата област! „Фала на Влатко и Горан Стефановски, што можев да растам со песнава, па сега и да ја препеам. Оддамна нашево Скопје не звучело и изгледало вака весело! Ви благодарам што бевте дел и без сите вас ова вака немаше да изгледа! Честит празник мило Скопје мое... Чисто да ни бидеш, да те дишеме, да се гушкаме и љубиме повеќе“ - ја завршува Биба посветата во најавата на нејзината верзија на „Скопје“, чиј нов аранжман и продукција ги потпишува Владимир Дојчиновски-Дојчин, а видеото кое можете да го проследите во продолжение е изработено од „Фукс продукција“:

Брајан Адамс на 13 ноември во Скопје!

Антонио Димитриевски — Thu, 06 Jun 2019 12:36:02 +0000

Канадскиот пејач, гитарист и композитор Брајан Адамс, за првпат ќе дојде во Македонија на 13 ноември во салата „Борис Трајковски“ во Скопје. „Неверојатно задоволство ни е да Ви го најавиме нашиот финален светски проект за оваа историска концертна година во Македонија, која во моментов е вистинска европска концертна велесила. Во Скопје доаѓа еден од најголемите мејнстрим-артисти на светот на сите времиња, човекот со безброј хитови и истовремено големи песни – Брајан Адамс!

На 13 ноември денот кога градот секако слави, во Скопје за првпат во живо ќе се слушнат ’Summer of 69’, ’Heaven’, ’Please Forgive me’, ’Everything I do (I do for you)’, ’Have You Ever Really Loved a Woman’ и многу други. Брајан Адамс доаѓа во Скопје во рамките на големата светска турнеја ’Shine a Light’, наречена по истоимениот нов албум, со која настапува во најголемите концертни арени ширум светот“, пишува во соопштението на „Авалон“, а сите детали за влезниците ќе се знаат вечерва, 6-ти јуни, додека истите во продажба ќе бидат пуштени од понеделник, 10 јуни, во 9 часот наутро. https://www.youtube.com/watch?time_continue=8&v=h7JmInA5n_s