Неуромедика гламурозно го прослави јубилејот 30 години

Дејан Донев — Thu, 09 Jun 2022 13:53:46 +0000

Вчера, 8 јуни, приватната болница Неуромедика го прослави на највисоко ниво јубилејот 30 години постоење со голем гламурозен настан на кој имаше повеќе од 2000 гости. Настанот доби посебен шарм со македонскиот актер и водител Сашко Коцев, а за забавата и супер расположението на присутните гости се погрижија балканската ѕвезда Саша Матиќ и бендот Тринити Стрингс од Скопје. Свое обраќање имаше и сопственикот и Генерален менаџер на Неуромедика, Д-р Емил Угриновски, кој лично им се заблагодари на присутните за присуството на овој голем настан и се осврна на предизвиците со кои се соочувала компанијата во изминатите 30 години, а истовремено го изрази своето уверување дека успесите на компанијата ќе продолжат и во иднина. “Особено сум горд и среќен на јубилејот 30 години Неуромедика. Да се основа и да се развива прв приватен здравствен бренд во Р. Македонија не беше лесно. Да се опстои 30 години на врвот во македонското и регионалното здравство е резултат само на напорна работа, посветеност, континуирано инвестирање во нашите капацитети и во напредна медицинска апаратура и секако, можеби и најважно, ангажирање на најдобрите доктори и медицински кадар. Неизмерно сум благодарен на нашите вработени, бидејќи заедно секојдневно им помагаме на илјадници пациенти и заедно сме го изградиле брендот Неуромедика да биде она што е денес.” – истакна Д-р Емил Угриновски, сопственик и Генерален менаџер на Неуромедика. 30 годишното искуство и опстојување на пазарот е доказ за успешната приказна на Неуромедика. Со континуирана посветеност кон своите клиенти, но и вработени, постојано вложување во модерна и современа опрема, оваа компанија успева да се одржи на врвот на македонското здравство. Неуромедика е првиот приватен здравствен бренд во Р. Македонија, основан како семеен бизнис од семејството Угриновски во месец јуни далечната 1992г. Она што на стартот била една скромна приватна амбуланта од двајца лекари и една медицинска сестра, за брзо време прераснала во национална поликлиника со повеќе специјалности и со модерни, напредни медицински услови и апаратури. Под водство на Д-р Емил Угриновски, Неуромедика веќе во раните 2000-ти години била распространета низ целата наша држава со поликлиники и дијагностички центри во шест градови, па дури и со два дијагностички центри во земја од ЕУ, односно во Р. Грција. Најголемо достигнување во развојот е изградбата и отворањето на болницата Неуромедика во 2017 година која е инвестиција од 8 милиони евра од сопствен, домашен капитал. Болницата е изградена по највисоки медицински стандарди и е опремена со најсовремена апаратура. Во неа работи тим од над 120 лица, составен од еминентни лекари професори, хирурзи, специјалисти, искусен и посветен помошен медицински кадар, административен персонал и менаџери. На настанот присуствуваа огромен број на гости од земјава и странство, меѓу кои познати, еминентни доктори, медицински лица, бизнисмени, луѓе од шоу бизнисот, пријатели и соработници на компанијата. На свечениот настан награда за животно дело му беше доделена на нашиот најпознат неврохирург Проф. Д-р Јовица Угриновски, за неговата идеја, реализација и посветеност кон развојот на Неуромедика. Неговиот придонес во здравството е неизмерно, а бројот на пациенти на кои со своето знаење и искуство им помогнал е огромен. Пациентите и нивното здравје секогаш се во главен фокус на Неуромедика, па затоа оваа компанија несомнено и во иднина ќе биде во врвот на македонското и регионално здравство.

Повеќе на vistina.mk

ЗОШТО МЕЃУНАРОДНО УЧИЛИШТЕ СКОПЈЕ?

Дејан Донев — Sat, 04 Jun 2022 11:32:19 +0000

Меѓународно училиште Скопје – свет полн со можности. Учениците и нивните родители се соочуваат со важна одлука кога станува збор за избор на вистинското средно училиште. Ние во Меѓународно училиште Скопје нудиме образование што не само што ќе им даде можност на учениците да ги изучуваат предметите, туку образование што ќе им помогне да откријат кои се, што сакаат да станат, кои се нивните потенцијали и ќе ги подготви за светот со кој ќе се соочат. Како училиште имаме одговорност да ги насочиме, инспирираме и поттикнеме нашите ученици. Поради тоа, Меѓународно училиште Скопје се фокусира на тоа да им всади безвременски вештини, соработка и комуникација. Кога знаеме дека учениците ги имаат сите потребни вештини, можат да покажат одлични резултати во секое поле од животот. Развивањето на овие вештини бара солидно менторство и средина што ја поттикнува креативноста и го вреднува придонесот на учениците. Знаењето и вештините со кои ќе се стекнат учениците во Меѓународно училиште Скопје и нашата посветеност за нивниот професионален развој, како и соработката со најреномираните светски универзитети, ќе им овозможат остварување на сите замисли за сопствената професионална иднина. Меѓународно училиште Скопје не е пасивно училиште. Напротив, тоа е место за ентузијастични ученици што навлегуваат длабоко во темата и ги истражуваат идеите. Веруваме дека образованието на нашите ученици треба да вклучува детално истражување на широк спектар предмети и можности. Како училиште насочено кон семејството, сметаме дека учениците и нивните семејства се дел од училиштето, дел од заедницата и се стремиме да го дадеме само она што е најдобро за нив. Кога се наоѓате на крстопат за да изберете средно училиште, ви препорачуваме да видите што имаме да понудиме и да земете предвид дека нашата цел е да ви помогнеме да се соочите со современиот свет и со неговите барања. За повеќе информации посететe ја веб-страницата www.iss.edu.mk, посетете нè, аплицирајте за стипендија и не заборавајте за можностите кои ги нуди Меѓународно училиште Скопје затоа што светот чека на вашите успеси.

Повеќе на vistina.mk

Таргет – Вистина.мк

Неуромедика гламурозно го прослави јубилејот 30 години

ЗОШТО МЕЃУНАРОДНО УЧИЛИШТЕ СКОПЈЕ?