Северина Вучковиќ одржа концерт во Осиек, каде што запеа првпат по 12 години. Како што пренесуваат хрватските медиуми, Северина деловните активности ги организира исклучиво во согласност со приватните за да поминува што повеќе време со синот Александар кој таа вечер бил со неа.
Пејачката беше многу емотивна во текот на целиот концерт, па дури и плачеше во текот на вечерта.
– Не е океј, јас се шминкам и не сакам да плачам. Освен тоа, мојот син е тука и срцето ми е полно. Знаете, кога беше мал, јас се облекував во костими и тој ме прашуваше што правам. Би му рекла дека сум Супермен, а тој сè уште мисли дека јас го спасувам светот. Можеби сум акционен херој. Но, на еден акционен херој му се случуваат глупави работи – рекла Северина.
