Пред 9 години, поточно на 11 август 2014 година, светот загуби голем актер, а сега, речиси една деценија подоцна, Зак чувствувал потреба да се изрази со зборови кои одразуваат длабоки чувства.
„Драг тато, денес се навршуваат девет години откако си замина од овој свет. Сеќавањата за тебе се како скапоцени бисери во моето срце. Твојот стил, твојата насмевка, твојата автентичност – сето тоа го носам со себе. Ниту еден ден не поминува без да помислам на тебе. Твојот моден израз остана неизбришлив дел од моето сеќавање. Иако овие денови се тешки, толку радо се навраќам на сите моменти кои ги делевме. Твојот дух е сè уште присутен во мојот живот. Бескрајно ми недостигаш. Те сакам повеќе отколку што можам со зборови да искажам“, напишал Зак со многу емоции на својот „Инстаграм“ профил, заедно со фотографијата на неговиот татко Робин во необична комбинација на облека.
View this post on Instagram
Не забораваме дека Робин Вилијамс беше горд татко на уште две деца – ќерка и син, кои делат дел од наследството на овој незаборавен актер.
Неговиот талент и придонес во филмскиот свет остануваат неизбришливи. Неговите улоги во култните остварувања како што се „Dead Poets Society“, „Hook“, „Aladdin“ и многу други, ја одбележаа кинематографијата и оставија засекогаш еден печат на тоа време.
View this post on Instagram
Посебно извонреден момент во неговата кариера бил филмот „Mrs. Doubtfire“, каде брилијантно ја отелотворил постарата дама во оваа комедија. Неговата способност суптилно да се преобразува и да пренесува различни карактери на филмското платно, останува една од најсветлите обележја на неговата кариера.
Зак, кој денес е заговорник за менталното здравје, се појавил на поткастот „The Genius Life“ и разговарал со водителот Макс Лугавере за фрустрацијата и неудобноста на татка си пред неговата смрт.
View this post on Instagram
„Она што го видов беше фрустрација“, изјавил Зак за погрешната дијагноза на неговиот татко, на кој му била дијагностицирана Паркинсонова болест.
Дури неколку години по неговата смрт било откриено дека Вилијамс всушност имал втора прогресивна деменција по Алцхајмеровата болест.
„Она низ што минуваше не се совпаѓаше со тоа што го доживуваат многу пациенти со Паркинсоновата болест. Па така, мислам дека му беше тешко“, раскажал Зак, опишувајќи ја состојбата на неговиот татко подетално.
View this post on Instagram
„Имаше проблеми со фокусот, што го фрустрираше, имаше проблеми со тоа како се чувствува, а ниту од невролошка перспектива не се чувствуваше баш најдобро. Беше многу незгоден“, зборувал Зак, кој верува дека лековите на неговиот татко се должеле на погрешните дијагнози, направиле повеќе штета отколку корист.
Иако бил актер кој сакал да ги забавува луѓето, никој не знаел како се чувствувал тој зад сцената. „Тие лекови не се шега и се многу тешки за умот и за телото“, продолжил Зак.
Деменцијата е вид на болест на мозокот која влијаела на размислувањето, меморијата и контролата на движењето на Робин, па по зборовите на неговиот син – за овој актер станало исклучително тешко да продолжи со својата работа.
Зак изјавил дека не можел да му помогне на својот татко повеќе од тоа што сочуствува со него, поради што и самиот се чувствувал фрустрирано, што може да направи да се почувствувате изолирано, дури и кога сте опкружени со саканите.
View this post on Instagram
Симптомите на актерот се влошиле во текот на последните две години пред неговата смрт.
„Тоа беше … Не сакам да кажам дека беше краток временски период. Чувствував дека беше многу подолго отколку што беше всушност, бидејќи за него тоа беше период на интензивна потрага и фрустрација за него“, рекол Зак, а потоа открил како татковото самоубиство влијаело на неговото ментално здравје.
фото:Инстаграм принтскрин
