Сека Алексиќ е личност која често се бори со килограмите, а неодамна реши да стави крај. Сега таа линијата ја доведе до совршенство, а доказ за тоа се бројните коментари на фотографиите од социјалните мрежи кои го фалат нејзиниот изглед.
„Ја донесов мојата линија до изгледот што го сакав. Секогаш може да биде подобро, се разбира“, изјави Сека за „Блиц“ и откри што променила во исхраната:
„Овие денови генерално се откажав од слатките. Се хранам здраво. Без шега. Почнав и со тренинзи. Имам вакви кризи, па мислев дека сум болna. Тоа е навика. Буквално сум зависna. Сега се снаоѓам, имам пет оброци дневно и се грижам. Кога има многу од се, ништо не сакам, а ме прашуваат кога нема ништо“, изјави Сека Алексиќ.
Пејачката направи голема промена поради отфрлањето на слатките. Според препораките на Светската здравствена организација, дневниот внес на шеќер не треба да надминува 10 отсто од вкупниот внес на енергија. Дури треба да го ограничиме на помалку од 5 проценти од вкупниот внес, доколку сакаме дополнителни позитивни ефекти врз здравјето.
Истражувањата покажаа дека кога некој ќе престане да јаде шеќер, ефектот е сличен на оној на луѓето кои престануваат да земаат дроги, изјави нутриционистката Сара Сискинд. Може да доживеете голема исцрпеност, ќе чувствувате главоболки и ќе бидете раздразливи. Некои луѓе имаат и дигестивни проблеми. Други минуваат низ период на тага и депресија. Ова се промените што следуваат ако ги отфрлите слатките:
– полесно ќе ја одржувате тежината
– ќе имате повеќе енергија
– спиењето се подобрува
– кожата станува поздрава и посветла
– варењето се подобрува.
Фото: Принтскрин/Инстаграм/Сека Алексиќ
