Ријана официјално стана најмладата милијардерка во Америка која сама го стекнала своето богатство.
Пејачката која годинава наполни триесет и четири години, е прогласена за најдобро рангирана музичарка на листата на Форбс, а сега стана единствената милијардерка помлада од 40 години.
Богатството на Ријана се проценува на 1,4 милијарди долари, а тоа се должи на успехот на нејзините брендови „Fenty Beauty“, „Fenty Skin“ и „Savage X Fenty“.
„Никогаш не можев да замислам дека ќе заработам толку пари. Секако, и понатаму продолжувам да работам напорно, но нема да дозволам да се опседнам со пари“, изјави пејачката претходно за „Њујорк тајмс“.
View this post on Instagram
Родена е во Сент Мајк, Барбадос, а на шеснаесет години се преселила во САД за да продолжи со музичката кариера, потпишувајќи договор со етикетата „Деф Џем“.
Таа постигна светски успех со нејзиниот деби сингл „Pon de Replay“ и албумот „Music of the Sun“ од 2005 година.
За помалку од една година го издаде својот втор албум „A Girl Like Me“, од кој се издвоија сингловите „SOS“ и „Unfaithful“.
Ријана го постигна својот најголем успех со нејзиниот трет албум „Good Girl Gone Bad“, од кој дури три синглови – “Umbrella”, “Take a Bow” и “Disturbia” – го достигнаа првото место на американската „Billboard Hot 100“ листа.
View this post on Instagram
Фото:Принтскрин/Инстаграм/badgalriri
