Сузана Гавазова по новогодишниот и божиќниот престој во Македонија, се врати во Шведска каде што живее со својот сопруг и децата. Очигледно огледалото, а можеби и вагата покажаа дека дома најубаво и најмногу се јаде, особено апетитот е на ниво околу, за и по Нова Година и Божиќ. Чарето – познато. Затоа згодната фолкерка едно доаѓање во Шведска, се упати – право во теретана!
Не дека е кој знае колку здебелена и не е и понатаму згодна и пеколно секси, ама ете… Под надзор на својот сопруг, Гавазова секојдневно минува часови правејќи вежби за слабеење и затегање на телото.
Згодната струмичанка вредно се поти за да го додефинира и дообликува своето торзо, ама и секојдневно постира фотографии на своите профили на социјалните мрежи. Колку за да се видат и споредат резултатите на трудот. И додека Гавазова од себе „ го цеди“ секој грам вишок, фановите се трудат да и дадат поддршка, опсипувајќи ја со комплименти во вид на коментари под нејзините постирани фотографии.
Арно ама, не се сите така фини, или можеби се, ама не знаат како да се изразат, па…
Така, еден од нејзините верни следбеници на Инстаграм, сакал да ја пофали, па не знаел како да и каже, освен со пример. А за пример ја земал нејзината колешка Елена Велевска, па на двете фолкерки им направил споредба и… Сакајќи божем да ја пофали, на Гавазова „и го плеснал“… в лице!
„Ајде Сузе вежбај, касниш малку зад Елена Велевска… Она испораѓа деца еден куп и пак се затегна ко тинејџерка… верувам во тебе, можеш и ти…“ – напишал во „несреќниот“ коментар под една од фотографиите.
Дали човекот имал добра намера, само тој си знае, ама и да имал… ја „уништил“! Или што би рекле народски: „Друг пат бате, те молам, немој да ме фалиш“!
